Uvangsuttani Part 05

SR No.: 003555
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 1178
Language: Prakrit
Classification: Book_Devnagari, Agam, & Canon
File Size: 22 MB

Page 771

६६४
सूरपण्णत्ती
बुद्धतेणं मुयति, मुद्धतेणं गिण्हित्ता मुद्धतेणं मुयति, वामभुयंतेणं गिण्हित्ता वामभुतेणं मुयति, वामभयंतेणं गिण्हित्ता दाहिणभयंतेणं मुयति, दाहिणभयंतेणं गिण्हित्ता वामभुयंतेणं मुयति, दाहिणभयंतेणं गिण्हित्ता दाहिणभयंतेणं मुयति । तत्थ जेते एवमाहंसुताणत्थि णं से राहू देवे, जे गं चंदं वा सूरं वा गेहति, ते एवमाहंसु तत्थ णं इमे पण्णरस कसिणपोग्गला पण्णत्ता, तं जहा सिंघाडए जडिलए खरए खतए अंजणे खंजणे सीतले हिमसीतले केलासे अरुणाभे परिज्जए णभसूरए कविलए पिंगलए राहू ।
ता जया णं एते पण्णरस कसिणा पोग्गला सया' चंदस्स वा सूरस्स वा लेसाणुबद्धचारिणो भवंति तथा णं माणुसलोयंसि माणुसा एवं वदंति एवं खलु राहू चंदं वा सूरं वा गेहति । ता जया णं एते पण्णरस कसिणा पोग्गला णो सया चंदस्स वा सूरस्स वा लेसाणुबद्धचारिणो भवंति णो खलु तया णं माणुसलोयम्मि मणुस्सा एवं वदंति एवं खलु राहू चंदं वा सूरं वा गेण्हति - एगे एवमाहंसु ।
वयं पुण एवं वदामो ता राहू णं देवे महिड्डिए महाजुतीए महाबले महाजसे महाणुभावे वरवत्थधरे वरमल्लधरे' वराभणधारी । राहुस्स णं देवस्स णव णामधेज्जा पण्णत्ता, तं जहा सिंघाडए जडिलए खतए खरए दद्दरे मगरे मच्छे कच्छभे कण्हसप्पे | ता राहुस्स णं देवस्स विमाणा पंचवण्णा पण्णत्ता, तं जहा किण्हा णीला लोहिता हालिद्दा सुकिला । अथ काल राहुविमाणे खंजणवण्णाभे पण्णत्ते, अत्थि णीलए राहुविमाणे लावण्णा पण्णत्ते, अत्थि लोहिए राहुविमाणे मंजिट्ठावण्णाभे पण्णत्ते, अत्थि पीत ' राहुविमाणे हालिद्दवण्णाभे पण्णत्ते, अस्थि सुक्किलए राहुविमाणे भासरासिवण्णाभे पण्णत्ते ।
ता जया णं राहुदेवे आगच्छमाणे वा गच्छमाणे वा विउव्वमाणे वा परियारेमाणे वा चंदस्स वासुरस्वा लेस्सं पुरत्थमेणं आवरित्ता पच्चत्थिमेणं वीतीवयति तया णं पुरत्थिमेणं चंदे वा सूरे वा उवदंसेति, पच्चत्थिमेणं राहू । जया णं राहुदेवे आगच्छमाणे वा गच्छमाणे वा विव्वमाणे वा परियारेमाणे वा चंदस्स वा सूरस्स वा लेसं दाहिणेणं आवरित्ता उत्तरेणं वीतीवयति तया णं दाहिणेणं चंदे वा सूरे वा उवदंसेति, उत्तरेणं राहू । एतेणं अभिलावेणं पच्चत्थिमेणं आवरित्ता पुरत्थिमेणं वीतीवयति, उत्तरेणं आवरित्ता दाहिणेणं वीतीवयति । जया णं राहू देवे आगच्छमाणे वा गच्छमाणे वा विउव्वमाणे वा परियारेमाणे वा चंदस्स वारस वाले दाहिणपुरत्थिमेणं आवरित्ता उत्तरपच्चत्थिमेणं वीतीवयति तया णं दाहिणपुरत्थमेणं चंदे वा सूरे वा उवदंसेति, उत्तरपच्चत्थिमेणं राहू । जया णं राहू देवे आगच्छमाणे वा गच्छमाणे वा विउव्वमाणे वा परियारेमाणे वा चंदस्स वा सूरस्स वा सं दाहिणपच्चत्थिमेणं आवरिता उत्तरपुरत्थिमेणं वीतीवयति तया णं दाहिणपच्चत्थिमेणं चंदे वा सूरे वा उवदंसेति, उत्तरपुरत्थिमेणं राहू । एतेणं अभिलावेणं उत्तरपच्चत्थिमेणं आवरेत्ता दाहिणपुरत्थिमेणं वीतीवयति, उत्तरपुरत्थिमेणं आवरेता दाहिणपच्चत्थिमेणं वतीवयति । ता जया णं राहू देवे आगच्छमाणे वा गच्छमाणे वा विउब्वमाणे वा परियारेमाणे
३. हालिए ( क, ग, घ ) ।
१. सता (क, ग, घ, ट, व ) ।
२. सं० पा० वरवत्थधरे जाव वराभरणधारी ।