Page Text
________________
६६६
सूरपण्णत्ती णं समयाति वा आवलियाति वा आणापाणूति वा थोवेति वा जाव' ओसप्पिणिउस्सप्पिणीति वा, ‘एवं खलु" सूरे आदिच्चे-सूरे आदिच्चे आहितेति वदेज्जा ॥
६. ता चंदस्स णं जोतिसिंदस्स जोतिसरण्णो कति अग्गमहिसीओ पण्णत्ताओ? ता चत्तारि अग्गमहिसीओ पण्णत्ताओ, तं जहा- चंदप्पभा दोसिणाभा अच्चिमाली पभंकरा, 'जहा हेढा तं चेव जाव णो चेव णं मेहुणवत्तियं । एवं सूरस्सवि भाणितव्वं ॥
७. ता चंदिमसूरिया णं जोतिसिंदा जोतिसरायाणो केरिसे कामभोगे पच्चणुभवमाणा विहरंति? ता से जहाणामए केइ पूरिसे पढमजोव्वणदाणबलसमत्थे पढमजोव्वणदाणब समत्थाए भारियाए सद्धि 'अचिरवत्तविवाहे अत्थत्थी'' अत्थगवसणयाए सोलसवासविप्पवसिते, से णं ततो लद्धठे कयकज्जे अणहसमग्गे पुणरवि णियगघरं हव्वमागए हाते कतबलिकम्मे कतकोतुक-मंगल-पायच्छिते सुद्धप्पावेसाइं मंगलाई वत्थाई पवर परिहिते अप्पमहग्घाभरणालंकितसरीरे मणुण्णं थालीपागसुद्धं अट्ठारसवंजणाउलं भोयणं भुत्ते समाणे तंसि तारिसगंसि वासघरंसि अंतो सचित्तकम्मे बाहिरओ दूमिय-घट्ट-मछे विचित्तउल्लोयचिल्लियतले 'बहुसमसुविभत्तभूमिभाए मणिरयणपणासितंधयारे" कालागुरु-पवरकुंदुरुक्कतुरुक्क-धूव-मघमघेत-गंधुद्धयाभिरामे सुगंधवरगंधिते गंधवट्टिभूते तंसि तारिसगंसि सयणिज्जसि दुहओ उण्णए मज्झे णत-गंभीरे सालिंगणवट्टिए 'उभओ विब्बोयणे" सुरम्मे गंगापुलिणवालुयाउद्दालसालिसए 'सुविरइयरयत्ताणे ओयवियखोमियखोमदुगूलपट्टपडिच्छायणे रत्तंसुयसंवुडे सुरम्मे आईणगरूतबूरणवणीततुलफासे सुगंधवरकुसुमचुण्णसयणोवयारकलिए ताए तारिसाए भारियाए सद्धि सिंगारागारचारुवेसाए संगतगतहसितभणितचिट्ठितसंलावविलासणिउणजुत्तोवयारकुसलाए अणुरत्ताए अविरत्ताए मणोणुकूलाए एगंतरतिपसत्ते अण्णत्थ कत्थइ मणं अकुव्वमाणे इठे सद्दफरिसरसरूवगंधे पंचविधे माणुस्सए कामभोगे पच्चणुभवमाणे विहरेज्जा । ता से णं पुरिसे विउसमणकालसमयंसि केरिसयं सातासोक्खं पच्चणुभवमाणे विहरति ? ओरालं समणाउसो ! ता तस्स णं पुरिसस्स कामभोगेहितो एतो अणंतगुणविसिट्टतरा चेव वाणमंतराणं देवाणं कामभोगा, वाणमंतराणं देवाण कामभागीहता अणतगुणविसिट्रतरा चेव असुरिदवाज्जयाण भवणवासोण देवाणं कामभोगा, अरिदवज्जियाणं भवणवासीणं देवाणं कामभोगेहितो अणंतगणविसिदतरा चेव असुरकुमाराणं इंदभूयाणं देवाणं कामभोगा, असुरकुमाराणं इंदभूयाणं देवाणं कामभोगेहिंतो अणंतगुणविसिद्रुतरा चेव गहगणणक्खत्ततारारूवाणं कामभोगा, गहगणणक्खत्ततारारूवाणं कामभोगेहितो अणंतगुणविसिट्टतरा चेव चंदिमसूरियाणं देवाणं कामभोगा, १. भ० १२।१२६; ठाण २।३८८,३८६ । ८. मणिरयणपगासियंधयारे बहुसमरमणिज्जे २. से एएणं अट्ठणं एवं बच्चति (ट,व)। भूमिभागे पंचवण्णरस २ सुरभिमुक्कपुप्फ३. एवं तं चेव पुब्वभणियं अट्ठारसमे पाहुडे पुंजोवयारे कलिते (ट,व)। ___ तहा यव्वं जाव मेहुणवत्तियं (ट,व)। ६. पण्णत्तगंडविब्बोयणे (ग,घ,सूवपा, चंवपा) । ४. ४ (ट,व)।
१०. उवचितदुगुल्लपट्टपडिच्छयणे सुविरइयत्ताणे ५. अचिरवत्तविवाहकज्जे (भ० १२।१२८)। (ट,व) । ६. अभितरओ (ट,व)।
११. विसिट्ठतराए (ग,घ) । ७. आइण्णतले (चंव)चिल्लगतले (चंपा)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |