Page Text
________________
६८०
सूरपण्णत्ती
साइं णव चेव सताई पंचसत्तराई तारागण कोडिकोडीणं परिवारो पण्णत्तो॥ ५. ता मंदरस्स णं पव्वयस्स केवतियं अबाहाए जोतिसे चारं चरति ? ता एक्कारस एक्कवीसे जोयणसते अबाहाए जोतिसे चारं चरति ॥
६. ता लोयंताओ णं केवतियं अबाहाए जोतिसे पण्णत्ते ? ता एक्कारस एक्कारे जोयणसते अबाहाए जोतिसे पण्णत्ते ।।
७. ता जंबुद्दीवे णं दीवे कतरे णक्खत्ते सव्वभंतरिल्लं चारं चरति ? कतरे णक्खत्ते सव्वबाहिरिल्लं चारं चरति ? कतरे णक्खत्ते सव्वुपरिल्ल चारं चरति ? कतरे णक्खत्ते सव्वहिडिल्लं चारं चरति ? ता अभीई णक्खत्ते सव्वभंतरिल्लं चारं चरति, मूले णक्खत्ते सव्वबाहिरिल्लं चारं चरइ, साती णक्खत्ते सव्वुपरिल्लं चार चरति, भरणी णक्खत्ते सव्वहेदिल्लं चारं चरति ।।
८. ता चंदविमाणे णं किंसंठिते पण्णत्ते ? ता अद्धकविट्ठगसंठाणसंठिते सव्वफलिहामए अब्भुग्गयमूसियपहसिए विविहमणि रयणभत्तिचित्ते जाव पडिरूवे । एवं सूरविमाणे गहविमाणे णवत्तविमाणे ताराविमाणे॥
६. ता चंदविनाणे णं केवतियं आयाम-विक्खंभेणं, केवतियं परिक्खेवेणं, केवतियं बाहल्लेणं पण्णते? ता छप्पणे एगट्रिभागे जोषणस्स आयाम-विक्खंभेणं, तं तिगुणं सविसेसं परिरएणं, अट्ठवोसं एगद्विभागे जोयणस्स बाहल्लेणं पण्णत्ते ॥
१०.ता सरविमाणे णं केवतियं आयाम-विक्खंभेणं पृच्छा। ता अडयालीसं एगदिभागे जोयणस्स आयाम-विक्खंभेणं, तं तिगुणं सविसेसं परिरएणं, चउव्वीसं एगद्विभागे जोयणस्स बाहल्लेणं पण्णत्ते॥
११. ता गहविमाणेणं पुच्छा । ता अद्धजोयणं आयाम-विक्खंभेणं, तं तिगुणं सविसेसं परिरएण कोसं बाहल्लेणं पण्णत्ते ॥
१२. ता णखत्तविनाणे णं केवतियं पुच्छा । ता कोसं आयाम-विक्खंभेणं, तं तिगुणं सविसेसं परिरएणं, अद्धकोसं बाहल्लेणं पण्णत्ते ।।
१३. ता ताराविमाणे णं केवतियं पुच्छा। ता अद्धकोसं आयाम-विक्खंभेणं, तं तिगुणं सविसेसं परिरएणं, पंच धणुसयाई बाहल्लेणं पण्णत्ते ॥
१४. ता चंदधिमाण कति देवसाहस्सीओ परिवहति ? ता सोलस देवसाहस्सीओ परिवहंति, तं जहा - पुरथिमेणं सोहरूवधारीणं चत्तारि देवसाहस्सीओ परिवहंति, दाहिणेणं गयरूवधारीणं चत्तारि देवसाहस्सीओ परिवहंति, पच्चत्थिमेणं वसहरूवधारीण चत्तारि देवसाहस्सीओ परिवहंति, उत्तरेणं तुरगरूवधारीणं चत्तारि देवसाहस्सीओ परिवहति । एवं सुरविमाणंपि।।
१५. ता गहविभाणं कति देवसाहस्सोओ परिवहंति ? ता अदु देवसाहस्सीओ परिवहंति, तं जहा -पुरस्थिमेणं सीहरूबधारीणं देवाणं दो देवसाहस्सीओ परिवहंति, एवं जाव
१. पंचुत्तराई (ग,घ)। २. सव्वुवरिल्ले (ग घ)। ३. °फलियामए (ग,घ); फालियामए (जी.
३।१००८, जं० ७.१७६)। ४. जी० ३३१००८ । ५. °विमाणे णं (ग,घ) सर्वत्र ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |