Page Text
________________
अट्ठारसमं पाहुडं
६५१ उत्तरेणं तुरगरूवधारीणं ॥
१६. ता णक्खत्तविमाणं कति देवसाहस्सीओ परिवहंति ? ता चत्तारि देवसाहस्सीओ परिवहंति, तं जहा-पुरथिमेणं सीहरूवधारीणं देवाणं एक्का देवसाहस्सी परिवहति, एवं जाव उत्तरेणं तुरगरूवधारीणं देवाणं ॥
१७. ता ताराविमाणं कति देवसाहस्सीओ परिवहंति ? ता दो देवसाहस्सीओ परिवहंति, तं जहा-पुरत्थिमेणं सीहरूवधारीणं देवाणं पंच देवसता परिवहंति, एवं जाव उत्तरेणं तुरगरूवधारीणं॥
१८. तारे एतेसि णं चंदिम-सरिय-गहगण-णक्खत्त-तारारूवाणं कयरे कयरेहितो सिग्घगती वा मंदगती वा ? ता चंदेहितो सूरा सिग्घगती, सूरहितो गहा सिग्घगती, गहेहितो णक्खत्ता सिग्घगती, णक्खत्तेहिंतोतारा सिग्घगती । सव्वप्पगती चंदा, सव्वसिग्धगती तारा॥
१६. ता एतेसि णं चंदिम-सूरिय-गहगण-णक्खत्ता-तारारूवाणं कयरे कयरेहितो अप्पिड्डिया वा महिड्डिया वा? ता ताराहिंतो णक्खत्ता महिड्डिया, णक्खत्तेहितो गहा महिड्डिया, गहेहिंतो सूरा महिड्डिया, सूरेहितो चंदा महिड्डिया । सव्वप्पिड्डिया तारा, सव्वमहिड्डिया चंदा ।
२०. ता जंबुद्दीवे णं दीवे तारारूवस्स य तारारूवस्स य एस णं केवतिए अबाधाए अंतरे पण्णत्ते ? ता दुविहे अंतरे पण्णत्ते, तं जहा... वाघातिमे य निव्वाघातिमे य । तत्थ णं जेसे वाघातिमे, से णं जहण्णेणं दोण्णि छावठे जोयणसते, उक्कोसेणं बारस जोयणसहस्साइं दोण्णि बाताले जोयणसते तारारूवस्स य तारारूवस्स य अबाधाए अंतरे पण्णत्ते । तत्थ णं जेसे निव्वाघातिमे, से णं जहण्णेणं पंच धणुसताई, उक्कोसेणं अद्धजोयणं तारारूवस्स य तारारूवस्स य अबाधाए अंतरे पण्णत्ते॥
२१. ता चंदस्स णं जोतिसिंदस्स जोतिसरण्णो कति अग्गम हिसीओ पण्णत्ताओ? ता चत्तारि अग्गमहिसीओ पण्णत्ताओ, तं जहा --चंदप्पभा दोसिणाभा अच्चिमाली पभंकरा । तत्थ णं एगमेगाए देवीए चत्तारि-चत्तारि देवीसाहस्सी परिवारो पण्णत्तो। पभू णं ताओ एगमेगा देवी अण्णाइं चत्तारि-चत्तारि देवीसहस्साई परिवारं विउवित्तए। एवामेव सपुव्वावरेणं सोलस देवीसहस्सा । सेत्तं तुडिए॥
२२. ता पभू णं चंदे जोतिसिंदे जोतिसराया चंदवडिसए विमाणे सभाए सुहम्भाए तुडिएणं सद्धि दिव्वाई भोगभोगाई भुंजमाणे विहरित्तए ? णो इणठे समझें ॥
२३. ता कहं ते णो पभू चंदे जोतिसिंदे जोतिसिया चंदडिसए विमाणे सभाए सुधम्माए तुडिएणं सद्धि दिवाइं भोगभोगाई भुंजमाणे विहरित्तए ? ता चंदस्स णं जोतिसिंदस्स जोतिसरण्णो चंदवडिसए विमाणे सभाए सुधम्माए माणवए चेतियखंभे वइरामएसु गोलवद्रसमूगएस बहवे जिणसकधा सण्णिक्खित्ता चिट्ठति, ताओ णं चंदस्स जोतिसिंदस्स जोतिसरण्णो अण्णेसिं च बहणं जोतिसियाणं देवाण य देवीण य अच्चणिज्जाओ
१. तुरगा (क,ग,घ)। २. 'ता एएसि ण' मित्यादि, शीघ्रगतिविषयं
प्रश्नसूत्रं निर्वचनसूत्रं च सुगम, एतच्च
पश्चादप्युक्तं (१५॥१) परं भूयो विमानवहनप्रस्तावादुक्तमित्यदोषः, अन्यद्वा कारणं बहुश्रुतेभ्योऽवगन्तव्यम् (सूव) ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |