________________
पण्णरसमं पाहुडं
१. ता कहं ते सिग्घगती वत्थू आहितेति वदेज्जा ? ता एतेसि णं चंदिम-सूरिय-गहणक्खत्त-तारारूवाणं चंदेहितो सूरा सिग्घगती, सूरेहितो गहा सिग्घगती, गहेहितो णक्खत्ता सिग्घगती, णक्खत्तेहितो तारा सिग्घगती। सव्वप्पगती चंदा, सव्वसिग्घगती तारा॥
२. ता एगमेगेणं मुहत्तेणं चंदे केवतियाइं भागसताइं गच्छति ? ता जं-जं मंडलं उवसंकमित्ता चारं चरति तस्स-तस्स मंडलपरिक्खेवस्स सत्तरस 'अडसट्टि भागसते'२ गच्छति, मंडलं सतसहस्सेणं अट्ठाणउतीए सतेहिं छेत्ता॥
३. ता एगमेगेणं मुहुत्तेणं सूरिए केवतियाई भागसताइं गच्छति ? ता जं-जं मंडलं उवसंकमित्ता चारं चरति तस्स-तस्स मंडलपरिक्खेवस्स अट्ठारस तीसे भागसते गच्छति, मंडलं सतसहस्सेणं अट्ठाणउतीए सतेहिं छेत्ता ।
४. ता एगमेगेणं मुहुत्तेणं णक्खत्ते केवतियाइं भागसताइं गच्छति ? ता जं-जं मंडलं उवसंकमित्ता चारं चरति तस्स-तस्स मंडलपरिक्खेवस्स अट्ठारस पणतीसे भागसते गच्छति, मंडलं सतसहस्सेणं अट्ठाणउतीए सतेहि छेत्ता ।
५. ता जया' णं चंदं गतिसमावण्णं सूरे गतिसमावण्णे भवति, से णं गतिमाताए केवतियं विसेसेति ? ता बावट्ठिभागे विसेसेति ॥
६. ता जया णं चंदं गतिसमावण्णं णक्खत्ते गतिसमावण्णे भवति, से णं गतिमाताए केवतियं विसेसेति ? ता सत्तट्ठिभागे विसेसेति ॥
७. ता जया णं सूरं गतिसमावण्णं णक्खत्ते गतिसमावण्णे भवति, से णं गतिमाताए केवतियं विसेसेति ? ता पंच भागे विसेसेति ॥
८. ता जया णं चंदं गतिसमावण्णं अभीई णक्खत्ते गतिसमावण्णे पुरथिमाते भागाते समासादेति, समासादेत्ता णव मुहत्ते सत्तावीसं च सत्तटुिभागे मुहत्तस्स चंदेण सद्धि जोयं जोएति, जोएत्ता जोयं अणुपरियट्टति, अणुपरियट्टित्ता विजहति विप्पजहति विगतजोई यावि भवति ॥ १. गहगण (ट)।
३. जता (क,ग,घ,व)। २. अट्ठठे भागसते (क,ग,घ); अट्ठभागसयाति ४. अभीयी (क,ग,घ); अभिति (ट,व) ।
(ट,व)।
Jain Education International
For Private & Personal Use Only
www.jainelibrary.org
