________________
चउद्दसमं पाहुडं
१. ता कया' ते दोसिणा बहू आहितेति वदेज्जा ? ता दोसिणापक्खे णं दोसिणा बहू आहितेति वदेज्जा॥
२. ता कहं ते दोसिणापक्खे दोसिणा बहू आहितेति वदेज्जा ? ता अंधकारपक्खातो णं दोसिणापक्खे दोसिणा बहू आहिताति वदेज्जा ॥
३. ता कहं ते अंधकारपक्खातो दोसिणापक्खे दोसिणा बहू आहिताति वदेज्जा ? ता अंधकारपक्खाओ णं दोसिणापक्खं अयमाणे चंदे चत्तारि बाताले मुहुत्तसए छत्तालीसं च बावट्ठिभागे मुहत्तस्स जाइं चंदे विरज्जति, तं जहा—पढमाए पढमं भागं, 'बितियाए बितियं" भागं जाव पण्णरसीए पण्णरसमं भागं । एवं खलु अंधकारपक्खातो दोसिणापक्खे दोसिणा बहू आहिताति वदेज्जा ॥
___४. ता केवतिया णं दोसिणापक्खे दोसिणा बहू आहिताति वदेज्जा ? ता परित्ता असंखेज्जा भागा ॥
५. ता कया' ते अंधकारे बहू आहितेति वदेज्जा ? ता अंधकारपक्खे णं अंधकारे बहू आहितेति वदेज्जा ।।
६. ता कहं ते अंधकारपक्खे अंधकारे बहू आहितेति वदेज्जा ? ता दोसिणापक्खातो णं अंधकारपक्खे अंधकारे बहू आहितेति वदेज्जा ॥
७. ता कहं ते दोसिणापक्खातो अंधकारपक्खे अंधकारे बहू आहितेति वदेज्जा ? ता दोसिणापक्खातो णं अंधकारपक्खं अयमाणे चंदे चत्तारि बाताले मुहुत्तसते छायालीसं च बावट्ठिभागे मुहुत्तस्स जाइं चंदे रज्जति, तं जहा-पढमाए पढम भाग, बितियाए बितियं भाग जाव पण्णरसीए पण्णरसमं भागं । एवं खलू दोसिणापक्खातो अधकारपक्खे अधकारे बहू आहितेति वदेज्जा ॥
८. ता केवतिए णं अंधकारपक्खे अंधकारे बहू आहितेति वदेज्जा ? ता परित्ता असंखेज्जा भागा॥ १. कता (क,ग,घ,ट,व)।
४. बिदियाए बिदियं (क,ग,घ) । २. कधं (क,ग,घ)।
५. कता (क,ग,घ)। ३. अयमीणे (क,ग,घ,व) ।
६७२
Jain Education International
For Private & Personal Use Only
www.jainelibrary.org
