Page Text
________________
तेरसमं पाहुडं
६७१
१३. कतराइं खलु ताई दुवे तेरसकाई जाइं चंदे केणइ असामण्णकाई सयमेव पविद्वित्ता-पविद्वित्ता चारं चरति । इमाइं खलु ताई दुवे तेरसकाई जाइं चंदे केणइ असामण्णकाइं सयमेव पविदित्ता-पविदित्ता चारं चरति, तं जहा--सव्वब्भंतरे चेव मंडले सव्वबाहिरे चेव मंडले । एताणि खलु ताणि दुवे तेरसकाई जाइं चंदे केणइ 'असामण्णकाई सयमेव पविद्वित्ता-पविद्वित्ता" चारं चरति । एतावता च दोच्चे चंदायणे समत्ते भवति ॥
१४. ता णक्खत्ते मासे णो चंदे मासे, चंदे मासे णो णक्खत्ते मासे । ता णक्खत्ताओ मासाओ चंदे चंदेणं मासेणं किमधियं चरति ? ता दो अद्धमंडलाइं चरति अट्ठ य सत्तट्ठिभागाइं अद्धमंडलस्स सत्तट्ठिभागं च एक्कतीसधा छेत्ता अट्ठारस भागाइं । ता तच्चायणगते चंदे पच्चत्थिमाते भागाते पविसमाणे बाहिराणंतरस्स पच्चथिमिल्लस्स अद्धमंडलस्स ईतालीसं सत्तट्ठिभागाइं जाइं चंदे अप्पणो परस्स य चिण्णं पडिचरति, तेरस सत्तट्ठिभागाइं जाइं चंदे परस्स चिण्णं पडिचरति, तेरस सत्तट्ठिभागाइं जाइं चंदे अप्पणो परस्स य चिण्णं पडिचरति । एतावता व बाहिराणंतरे पच्चत्थिमिल्ले अद्धमंडले समत्ते भवति ॥
१५. ला तच्चायणगते चंदे पुरत्थिमाते भागाते पविसमाणे बाहिरतच्चस्स पुरत्थिमिल्लस्स अद्धमंडलस्स ईतालीसं सत्तट्ठिभागाइं जाइं चंदे अप्पणो परस्स य चिण्णं पडिचरति, तेरस सत्तद्विभागाइं जाइं चंदे परस्स चिण्णं पडिचरति, तेरस सत्तट्ठिभागाई जाइं चंदे अप्पणो परस्स य चिण्णं पडिचरति । एतावता च बाहिरतच्चे पुरथिमिल्ले अद्धमंडले समत्ते भवति।।
१६. ता तच्चायणगते चंदे पच्चत्थिमाते भागाते पविसमाणे बाहिरचउत्थस्स पच्चत्थिमिल्लस्स अद्धमंडलस्स अट्ठ सत्तट्ठिभागाइं सत्तट्ठिभागं च एक्कतीसधा छेत्ता अट्ठारस भागाइं जाइं चंदे अप्पणो परस्स य चिण्णं पडिचरति । एतावता च बाहिरचउत्थे पच्चत्थिमिल्ले अद्धमंडले समत्ते भवति ॥
१७. एवं खलू चंदेणं मासेणं चंदे तेरस चउप्पण्णगाई दुवे तेरसकाइं जाइं चंदे परस्स चिण्णं पडिचरति, तेरस तेरसकाई जाइं चंदे अप्पणो चिण्णं पडिचरति, दुवे ईतालीसकाई 'दुवे तेरसकाई" अट्ठ सत्तट्ठिभागाइं सत्तट्ठिभागं च एक्कतीसधा छेत्ता अट्ठारसभागाई जाइं चंदे अप्पणो परस्स य चिण्णं पडिचरति । 'अवराइं खलु दुवे तेरसगाइं जाइं चंदे केणइ असामण्णगाई सयमेव पविद्वित्ता-पविट्ठित्ता चारं चरति" इच्चेसा चंदमसोऽभिगमण-णिक्खमण-बुड्डि-णिवुड्डि-अणवट्ठितसंठाणसंठिती विउव्वणगिड्डिपत्ते रूवी चंदे देवे आहितेति वदेज्जा ॥
३. चिन्हाङ्कितः पाठो वृत्त्योाख्यातो नास्ति ।
१. जाव (क,ग,घ)। २. x (ग,घ,ट,व)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |