Page Text
________________
६५८
सूरपणी
दोहि य कलाहि दाहिणिल्लं चभागमंडलं असंपत्ते, एत्थ णं से सूरे चरिमं बावट्ठ पुणिमासिणि जोएति ।
१४८. ता' एतेसि णं पंचण्हं संवच्छराणं पढमं अमावासं चंदे कंसि देसंसि जोति ? ताजंसि णं देसंसि चंदे चरिमबावट्ठ अमावासं जोएति ताओ अमावासट्टाणाओ मंडलं चउव्वीसेणं सरणं छेत्ता दुबत्तीसं भागे उवाइणावेत्ता, एत्थ णं से चंदे पढमं अमावासं जोएति । एवं जेणेव अभिलावेणं चंदस्स पुण्णिमासिणीओ भणिताओ तेणेव ' अभिलावेणं अमावासाओवि भणितव्वाओ, तं जहा -- बिइया तइया दुवालसमी । एवं खलु एतेणुवाणं ताओ - ताओ अमावासद्वाणाओ मंडलं चउव्वीसेणं सएणं छेत्ता दुबत्तीसंदुबत्तीसं भागे उवाइणावेत्ता तंसि तंसि देसंसि तं तं अमावासं चंदे जोएति ॥
१४६. ता एतेसि णं पंचण्हं संवच्छराणं चरिमं बावट्ठ अमावासं चंदे कंसि देि जोति ? ता जंसि णं देसंसि चंदे चरिमं बावट्ठ पुष्णिमासिणि जोएति ताओ-ताओ पुणिमा सिणिट्ठाणाओ मंडलं चउव्वीसेणं सएणं छेत्ता सोलसभागे ओसक्कइत्ता', एत्थ जं से चंदे चरिमं बावट्ठ अमावासं जोएति ॥
१५०. ता एतेसि णं पंचण्हं संवच्छराणं पढमं अमावासं सूरे कंसि देसंसि जोएति ? ताजंसि णं देसंसि सूरे चरिमं बावट्ठ अमावासं जोएति ताओ अमावासद्वाणाओ मंडलं चउव्वीसेणं सरणं छेत्ता चउणउति भागे उवाइणावेत्ता, एत्थ णं से सूरे पढमं अमावासं जोति । एवं जेणेव अभिलावेणं सूरस्स पुण्णिमासिणीओ भणियाओ तेणेव अभिलावेण अमावासाओवि भणितव्वाओ, तं जहा - बिइया' तइया दुवालसमी । एवं खलु एतेणुवाणं ताओ अमावासद्वाणाओ मंडलं चउव्वीसेणं सएणं छेत्ता चउणउति चउणउति भागे उवाइणावेत्ता तंसि तंसि देसंसि तं तं अमावासं सूरे जोएति ॥
१५१. तातेसि णं पंचण्हं संवच्छराणं चरिमं बावट्ठ अमावासं पुच्छा । ता जंसि णं देसंसि सूरे चरिमं बावट्ठ पुष्णिमासिणि जोएति ताओ पुण्णिमासिणिट्ठाणाओ मंडलं चउव्वीसेणं सएणं छेत्ता सत्तालीसं भागे ओसक्कइत्ता, एत्थ णं से सूरे चरिमं बावट्ठ अमावास जोएति ॥
१५२. ता एतेसि णं पंचण्हं संवच्छराणं पढमं पुष्णिमासिणि चंदे केणं णक्खत्तेणं जोति ? ता धणिट्ठाहिं, धणिट्ठाणं तिणि मुहुत्ता एगुणवीसं च बावट्ठभागा मुहुत्तस्स बावट्टभागं च सत्तद्विधा छेत्ता पण्णट्ठि चुष्णिया भागा सेसा । तं समयं च णं सूरे केणं
१. 'ट' प्रतौ अत एव संक्षिप्तपाठी विद्यते-एवं जेणेव अभिलावेणं चंदस्स पुण्णमासिणीया भणिया तेणं चेव अभिलावेणं अमावसातोवि भाणियव्वाओ तं पढमा बितिया दुवालसमा । चंद्रप्रज्ञप्तिवृत्तावपि संक्षिप्तपाठो व्याख्यातोस्ति - चन्द्रविषयमतिदेशमाह- एवमित्यादि एवं येनाभिलापेन चन्द्रस्य पौर्णमास्य उक्तास्तेनैवाभिलापेनामावस्यापि वक्तव्यास्तद्यथा -
Jain Education International
प्रथमा द्वितीया द्वादशी ।
२. अमावसं ( क ); अवामंसं ( ग, घ, व ) प्रायः सर्वत्र ।
३. तेणं चेव (व)
४. तं जहा- पढमा (क,व) ; प्रथमं सूत्रं पूर्वं लिखितमस्ति इति पदं अतिरिक्तं विद्यते । ५. ओसवकावइत्ता (क, ग, घ ) 1 ६. बिदिया (क,ग,घं); वितिया (ट,व ) ।
For Private & Personal Use Only
अनयोरादर्शयोः ते न 'पढमा'
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |