Page Text
________________
६५६
दसमं पाहुडं (बावीसइमं पा० )
णक्खत्तेणं जोएति ? ता पुव्वाफग्गुणीहिं, पुव्वाफग्गुणीणं अट्ठावीसं मुहुत्ता अट्ठत्तीसं च बावट्टभागा मुहुत्तस्स बावट्ठिभागं च सत्तट्ठिधा छेत्ता दुबत्तीसं चुण्णिया भागा
सेसा ॥
१५३. ता एलेसि णं पंचण्हं संवच्छराणं दोच्चं पुष्णिमासिणि चंदे केणं णक्खत्तेणं एति ? ता उत्तराहिं पोट्ठवयाहिं, उत्तराणं पोट्ठवयाणं सत्तावीसं मुहुत्ता चोद्दस य बावद्विभागे मुहुत्तस्स बावट्ठभागं च सत्तट्ठिधा छेत्ता बावट्ठ चुण्णिया भागा सेसा । तं समयं च णं सूरे केणं णक्खत्तेणं जोएति ? ता उत्तराहि फग्गुणीहि, उत्तराणं फग्गुणीणं सत्त हुता तेत्तीसं च बावट्ठभागा मुहुत्तस्स बावट्ठिभागं च सत्तट्ठिधा छेत्ता एक्कतीसं चुण्णिया भागा सेसा ॥
१५४. ता एतेसि णं पंचण्हं संवच्छरणं तच्च पुण्णिमासिणिं चंदे केणं णक्खत्तेणं जोति ? ता अस्सिणीहिं, अस्सिणीणं एक्कवीसं मुहुत्ता णव य एगट्ठिभागा मुहुत्तस्स बावट्ठभागं च सत्तट्ठिधा छेत्ता तेवट्ठि चुण्णिया भागा सेसा । तं समयं च णं सूरेकेणं णक्खत्तेणं जोएति ? ता चित्ताहि, चित्ताणं एक्को मुहुत्तो अट्ठावीसं च बावट्ठिभागा मुहुत्तस्स बावट्टिभागं च सत्तट्ठिधा छेत्ता तीसं चुणिया भागा सेसा ॥
१५५. ता एतेसि णं पंचण्हं संवच्छराणं दुवालसमं पुष्णिमासिणि चंदे केणं णक्खत्तेणं जोएति ? ता उत्तराहिं आसाढाहिं, उत्तराणं आसाढाणं छब्वीसं' मुहुत्ता छव्वीसं च बावट्टिभागा मुहुत्तस्स बावट्टिभागं च सत्तट्ठिधा छेत्ता चउप्पण्णं चण्णियाभागा सेसा । तं समयं च णं सूरे केणं णक्खत्तेणं जोएति ? ता पुणव्वसुणा, पुणव्वसुस्स सोलस ता अट्ठय बावट्टिभागा मुहुत्तस्स बावट्टिभागं च सत्तट्ठिधा छेत्ता वीसं चुण्णिया भागा सेसा ॥
१५६. ता एतेसि णं पंचण्हं संवच्छराणं चरिमं बावट्ठ पुण्णिमासिणि चंदे केणं णक्खत्तेणं जोएति ? ता उत्तराहिं आसाढाहिं, उत्तराणं आसाढाणं चरमसमए । तं समयं च णं सूरे केणं णक्खत्तेणं जोएति ? ता पुस्सेणं, पुस्सस्स एगूणवीसं मुहुत्ता यालीसं च बावट्टिभागा मुहुत्तस्स बावट्टिभागं च सत्तट्ठिधा छेत्ता तेत्तीसं चुण्णिया भागा सेसा ॥
१५७. ता एतेसि णं पंचण्हं संवच्छराणं पढमं अमावासं चंदे केणं णक्खत्तेणं जोएति ? ता अस्सेसाहिं, अस्सेसाणं एक्के मुहुत्ते चत्तालीसं च बावट्टिभागा मुहुत्तस्स भागं च त्तट्ठधा छेत्ता बावट्ठ चुण्णिया भागा सेसा । तं समयं च णं सूरेकेणं णक्खत्तेणं जोएति ? ता अस्से साहि' चेव, अस्सेसाणं * एक्को मुहुत्तो चत्तालीसं च भागा मुहुत्त बावट्टिभागं च सत्तट्ठिधा छेत्ता बावट्ठ चुण्णिया भागा सेसा ॥
१५८. ता एतेसि णं पंचण्हं संवच्छराणं दोच्चं अमावासं चंदे केणं णक्खत्तेणं जोति ? ता उत्तराहिं फग्गुणीहि, उत्तराणं फग्गुणीणं चत्तालीसं मुहुत्ता पणतीसं बावट्ठभागा मुहुत्तस्स बावट्टिभागं च सत्तट्ठिधा छेत्ता पण्णट्ठि चुण्णिया भागा सेसा । तं समयं च
१. दुवी ( ग, घ ) । २. अट्ठा (व) ।
Jain Education International
३. असिलेसाहि (ट) |
४. असिलेसाणं ( ट ) |
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |