Uvangsuttani Part 05

SR No.: 003555
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 1178
Language: Prakrit
Classification: Book_Devnagari, Agam, & Canon
File Size: 22 MB

Page 708

नवमं पाहुडं चउपोरिसिच्छायं णिव्वत्तेति अत्थि णं से दिवसे जंसि णं दिवसंसि सूरिए दुपोरिसिच्छायं णिव्वत्तेति–एगे एवमाहंसु १ एगे पुण एवमाहंसु ता अत्थि णं से दिवसे जंसिणं दिवसंसि सरिए दुपोरिसिच्छायं णिव्वत्तेति, अत्थि णं से दिवसे जंसि णं दिवसंसि सरिए णो किंचि पोरिसिच्छायं णिव्वत्तेति २ तत्थ जेते एवमाहंसु ता अत्थि णं से दिवसे जंसि णं दिवसंसि सूरिए चउपोरिसिच्छायं' णिव्वत्तेति, अत्थि णं से दिवसे जंसि णं दिवसंसि सूरिए दुपोरिसिच्छायं' णिव्वत्तेति ते एवमाहंसु, ता जया णं सूरिए सव्वभंतरं मंडलं उवसंकमित्ता चारं चरइ तया णं उत्तमकट्रपत्ते उक्कोसए अट्ठारसमुहत्ते दिवसे भवइ, जहणिया दवालसमूहत्ता राती भवति, तंसि णं दिवसंसि सूरिए चउपोरिसियं छायं णिव्वत्तेति.तं जहा-उग्गमणमुहत्तंसि य' अत्थमणमुहुत्तंसि य लेसं अभिवड्ढेमाणे णो चेव णं णिवडढेमाणे, ता जया णं सूरिए सव्वबाहिरं मंडलं उवसंकमित्ता चारं चरइ तया णं उत्तमकट्रपत्ता उक्कोसिया अट्ठारसमुहुत्ता राती भवति, जहण्णए दुवालसमुहुत्ते दिवसे भवइ, तंसि णं दिवसंसि सूरिए दुपोरिसियं छायं णिव्वत्तेति, तं जहा उग्गमणमुहत्तंसि य अत्थमणमुहत्तंसि य लेसं अभिवडढेमाणे णो चेव णं णिवुड्ढेमाणे १ तत्थ णं जेते एवमाहंसू .....ता अत्थि णं से दिवसे जंसि णं दिवसंसि सूरिए दुपोरिसियं छायं णिव्वत्तेति, अत्थि णं से दिवसे जंसि णं दिवसंसि सूरिए णो किंचि पोरिसियं छायं णिव्क्त्तेति, ते एवमासु, ता जया णं सुरिए सव्वब्भंतरं मंडलं उवसंकमित्ता चार चरइ तया णं उत्तमकट्टपत्ते उक्कोसए अटारसमूहत्ते दिवसे भवइ जहणिया दुवालसमूहत्ता राती भवति, तंसि णं दिवसंसि सरिए दपोरिसियं छायं णिव्वत्तेति, तं जहा -उग्गमणमुहुत्तंसि य अत्थमणमुहुत्तंसि य लेसं अभिवड्ढेमाणे णो चेव णं णिवुड्ढेमाणे, ता जया णं सूरिए सव्वबाहिरं मंडलं उवसंकमित्ता चारं चरइ तया णं उत्तमकट्ठपत्ता उक्कोसिया अट्ठारसमुत्ता राती भवति, जहण्णए दुवालसमुहत्ते दिवसे भवइ, तंसि णं दिवसंसि सूरिए णो किंचि पोरिसियं छायं णिव्वत्तेइ, तं जहाउग्गमणमुहत्तंसि य अत्थमणमुहुतंसि य, णो चेव णं लेसं अभिवड्डेमाणे वा णिवुड्ढेमाणे वा २॥
३. ता कतिकळं ते सूरिए पोरिसिच्छायं णिव्वत्तेति आहिताति वएज्जा? तत्थ खलु इमाओ छण्णउति पडिवत्तीओ पण्णत्ताओ। तत्थेगे एवमाहंसु-ता अत्थि णं से देसे जंसि च णं देसंसि सरिए एगपोरिसियं छायं णिव्वत्तेति - एगे एवमाहंसू १ एगे पूण एवमाहंसु-ता अत्थि णं से देसे जंसि णं देसंसि सूरिए दुपोरिसियं छायं णिव्वत्तेइ २ एवं एएणं अभिलावेणं णेतव्वं जाव छण्णउति पोरिसिच्छायं णिव्वत्तेति । तत्थ जेते एवमाहंसुता अत्थि णं से देसे जंसि णं देसंसि सूरिए एगपोरिसियं छायं णिवत्तेति, ते एवमाहंसू-ता सूरियस्स णं सव्वहेट्ठिमाओ सूरियप्पडिहीओ' बहिया अभिणिस्सढाहि लेसाहिं ताडिज्जमाणीहिं इमीसे रयणप्पभाए पुढवीए बहुसमरमणिज्जाओ भूमिभागाओ जावतियं सूरिए
१. चउपोरिसियं छायं (क,ग,घ)। २. दो पोरिसियं छायं (क,ग,घ) । ३. या (क,ग,घ) अग्रेऽपि ।
४. निव्वत्तति आहितेति वएज्जा (ट,व) । ५. सूरिपडिहाओ (ट)। ६. अभिणिसडाहिं (क,घ,ट,)।