Uvangsuttani Part 05

SR No.: 003555
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 1178
Language: Prakrit
Classification: Book_Devnagari, Agam, & Canon
File Size: 22 MB

Page 707

नवमं पाहुडं
१. ता कतिकट्ठ ते सूरिए पोरिसिच्छायं णिव्वत्तेति आहितेति वदेज्जा ? तत्थ खलु इमाओ तिण्णि पडिवत्तीओ पण्णत्ताओ। तत्थेगे एवमाहंसु- ता जे णं पोग्गला सूरियस्स लेसं फुसंति ते णं पोग्गला संतप्पंति, ते णं पोग्गला संतप्पमाणा तदणंतराई बाहिराई पोग्गलाई संतावतीति, एस णं से समिते तावक्खेत्ते एगे एवामहंसू १ एगे पुण एवमाहंसुता जे णं पोग्गला सूरियस्स लेसं फुसंति ते णं पोग्गला णो संतप्पंति, ते णं पोग्गला असंतप्पमाणा तदणंतराइं बाहिराइं पोग्गलाई णो संतावेंतीति, एस णं से समिते तावक्खेत्ते एगे एवमाहंसु २ एगे पुण एवमासु-ता जे णं पोग्गला सरियस्स लेसं फुसंति ते णं पोग्गला अत्थेगतिया संतप्पति अत्थेगतिया णो संतप्पंति, तत्थ अत्थेगतिया संतप्पमाणा तदणंतराइं बाहिराइं पोग्गलाई अत्थेगतियाई संताति अत्थेगतियाई णो संताति, एस णं से समिते तावक्खेत्ते - एगे एवमाहंसू ३ । वयं पुण एवं वदामो -ता जाओ इमाओ चंदिमसरियाणं देवाणं विमाणे हितो लेसाओ बहिया' अभिणिस्सढाओ पतावेंति, एतासि णं लेसाणं अंतरेसु अण्णतरीओ छिण्णलेसाओ संमच्छंति, तए णं ताओ छिण्णलेसाओ संमृच्छियाओ समाणीओ तदणंतराई बाहिरा पोग्गलाई संतावेंतीति एस णं से समिते तावक्खेत्त ॥
२. ता कतिकट्ठे ते सरिए पोरिसिच्छायं णिव्वत्तेति आहितेति वदेज्जा ? तत्थ खलु इमाओ पणवीसं पडिवत्तीओ पण्णत्ताओ। तत्थेगे एवमाहंमु-ता अणुसमयमेव सूरिए पोरिसिच्छायं णिवत्तेति आहितेति वदेज्जा एगे एवमाहंसु १ एगे पुण एवमाहंसु-ता अणुमुहुत्तमेव सूरिए पोरिसिच्छायं णिव्वत्तेति आहितेति वएज्जा २ एवं एएणं अभिलावेणं णेयव्वं, ता जाओ चेव ओयसंठितीए पणवीसं पडिवत्तीओ ताओ चेव णेयव्वाओ जाव' अणुओसप्पिणिउस्स प्पिणिमेव सूरिए पोरिसिच्छायं णिव्वत्तेति आहिताति वदेज्जा-एगे एवमाहंसु २५। वयं पूण एवं वयामो...ता सरियस्स णं उच्चत्त च लेसं च पडुच्च छाउद्देसे, उच्चत्तं छायं च पडुच्च लेसुद्देसे, लेसं च छयं च पडुच्च उच्चत्तुद्दे से, तत्थ खलु इमाओ दुवे पडिवत्तीओ पण्णत्ताओ। तत्थेगे एवमाहंसु-ता अस्थि णं से दिवसे जंसि णं' दिवसंसि सूरिए १. बहिता (क,ग,घ,व)।
३. च णं (ट,व)। २. सू० ६३१
६३०