Page Text
________________
अट्ठम पाहुडं
६२६ सागरोवमे । ता जया णं जंबुद्दीवे दीवे दाहिणड्ढे पढमा ओसप्पिणी पडिवज्जति तया णं उतरड्ढेवि पढमा ओसप्पिणी पडिवज्जति, ता जया णं उत्तरड्ढे पढमा ओस प्पिणी पडिवज्जति तया णं जंबुद्दीवे दीवे मंदरस्स पव्वयस्स पुरथिमपच्चत्थिमे णं णेवत्थि ओसप्पिणी णेव अत्थि उस्सप्पिणी अवट्टिते णं तत्थ काले पण्णत्ते समणाउसो ! एवं उस्सप्पिणीवि । ता' लवणे णं समुद्दे सूरिया उदीण-पाईणमुग्गच्छ तहेव । ता जया णं लवणे समुद्दे दाहिणड्ढे दिवसे भवइ तया णं लवणसमुद्दे उत्तरड्ढेवि दिवसे भवइ, ता जया णं उत्तरड्ढे दिवसे भवइ तया णं लवणसमुद्दे पुरथिमपच्चत्थिमे णं राती भवति । जहाँ जंबुद्दीवे दोवे तहेव जाव उस्सप्पिणी। तहा धायइसंडे णं दीवे सूरिया उदीण-पाईणमुग्गच्छ तहेव। ता जया णं धायइसंडे दीवे दाहिणड्ढे दिवसे भवइ तया णं उत्तरडढेवि दिवसे भवइ, जया णं उत्तरडढे दिवसे भवइ तया णं धायइसंडे दीवे मंदराणं पव्वयाणं पुरथिमपच्चत्थिमे णं राती भवति । एवं जंबुद्दीवे दीवे जहा तहेव जाव उस्सप्पिणी। कालोए णं जहा लवणे समुद्दे तहेव । ता अभंतरपुक्खरद्धे णं सूरिया उदीण-पाईणमुग्गच्छ तहेव । ता जया णं अब्भंतरपुक्खरद्धे णं दाहिणड्ढे दिवसे भवइ तया णं उत्तरड्ढेवि दिवसे भवइ, ता जया णं उत्तरड्ढे दिवसे भवइ तया णं अभितरपुक्खरद्धे मंदराणं पव्वयाणं पुरथिमपच्चत्थिमे णं राती भवति, सेसं जहा जंबुद्दीवे दीवे तहेव जाव ओसप्पिणी-उस्सप्पिणीओ॥
१. सूर्यप्रज्ञप्तेः 'क,ग,घ' संकेतितादर्शेषु एतत् पदं
नैव लभ्यते । द्वयोरपि वृत्त्योरेतत्पदं नास्ति व्याख्यातम् । किन्तु तयोरुद्धते आलापकपाठे एतत्पदं दृश्यते, भगवत्या (५।१६) मपि एतत्पदं विद्यते, 'पढमे समए' इति प्रस्तुते क्रमेऽपि
अपेक्षितमस्ति, तेनात्र एतन्मूले स्वीकृतम् । २. अतः परं 'ट,व' आदर्शयोः संक्षिप्तपाठो विद्यते-एवं लवणसमुद्दे धातीसंडे कालोए ता अब्भतरपुक्खरद्धे णं सूरिया उदीणपाईणमुग्गच्छंति पातीणदाहिणमागच्छंति एवं जंबुद्दीवं
वत्तव्वता। ३. 'तहेव' त्ति यथा जम्बूद्वीपे उगमविषये
आलापक उक्तः तथा लवणसमुद्रपि वक्तव्यः,
स चैवम्-'लवणे णं सूरिया उईणपाईणमुग्गच्छ पाईणदाहिणमाग्गछति पाईणदाहिणमुग्गच्छ दाहिणपाईणमागच्छति, दाहिणपाईणमुग्गच्छ पाईण उईणमागच्छंति पाईणउईणमुग्गच्छ उईणपाईणम गच्छंति,' इदं च सूत्रं जम्बूद्वीपगतोद्गमसूत्रवत् स्वयं परिभावनीयं, नवरमत्र
सूर्याश्चत्वारो वेदितव्याः (सूवृ)। ४. यथा जम्बूद्वीपे द्वीपे 'पुरच्छिमपच्चच्छिमे णं राई
भवइ' इत्यादिकं सूत्रमुक्तं यावदुत्सप्पिण्यवसप्पिण्यालापकस्तथा लवणसमुद्रप्यन्यनातिरिक्त समस्तं भणित व्यं, नवरं जम्बूद्वीपे द्वीपे इत्यस्य स्थाने लवणसमुद्रे इति वक्तव्यमिति शेषः (सूवृ)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |