Page Text
________________
६२४
सूरपण्णत्ती
से निक्खममाणे सूरिए नवं संवच्छरं अयमाणे पढमंसि अहोरत्तंसि अभिंतराणंतरं मंडलं उवसंकमित्ता चार चरइ, ता जया णं सूरिए अभिंत राणंतरं मंडलं उवसंकमित्ता चारं चरइ तया णं एगेणं राइदिएणं एगं भागं ओयाए दिवसखेत्तस्स निवुड्डित्ता रयणिखेत्तस्स अभिवड्डित्ता चारं चरइ ‘मंडलं अट्ठारसहिं तीसेहिं सएहि" छेत्ता, तया णं अट्ठारसमुहुत्ते दिवसे भवइ दोहिं एगट्ठिभागमुहुत्तेहिं ऊणे, दुवालसमुहुत्ता राती भवति दोहिं एगट्ठिभागमुहुत्तेहिं अहिया । से निक्खममाणे सूरिए दोच्चंसि अहोरत्तंसि अभिंतर तच्चं मंडलं उवसंकमित्ता चारं चरइ, ता जया णं सूरिए अभिंतरं तच्चं मंडलं उवसंकमित्ता चारं चरइ तया णं दोहिं राइदिएहिं दो भागे ओयाए दिवसखेत्तस्स निवुड्डित्ता रयणिखेत्तस्स अभिवड्ढेत्ता चारं चरइ ‘मंडलं अट्ठारसहिं तीसेहिं सएहि छेत्ता तया णं अट्ठारसमुहुत्ते दिवसे भवइ चरहिं एगट्ठिभागमुहुत्तेहि ऊणे, दुवालसमुहुत्ता राती भवति चरहिं एगट्ठिभागमुहुत्तेहि अहिया। एवं खलु एतेणुवाएणं निक्खममाणे सूरिए तयाणंतराओ तयाणंतरं मंडलाओ मंडलं संकममाणे-संकममाणे 'एगमेगे मंडले एगमेगेणं राइदिएणं एगमेगं भागं ओयाए" दिवसखेत्तस्स निवुड्ढेमाणे-निवुड्ढेमाणे रयणिखेत्तस्स अभिवड्ढेमाणे-अभिवड्ढेमाणे सव्वबाहिरं मंडलं उवसंकमित्ता चारं चरइ, ता जया णं सूरिए सव्वब्भंतराओ मंडलाओ सव्वबाहिरं मंडलं उवसंकमित्ता चारं चरइ तया णं सव्वभंतरं मंडलं पणिधाय" एगेणं तेसीतेणं राइंदियसतेणं एग तेसीतं भागसतं ओयाए दिवसखेत्तस्स निवुड्ढेत्ता रयणिखेत्तस्स अभिवड्ढेता चारं चरइ ‘मंडलं अट्ठारसहिं तीसेहिं स एहि छेत्ता, तया णं उत्तमकट्टपत्ता उक्कोसिया अट्ठारसमुहुत्ता राती भवति, जहण्णए दुवालसमुहुत्ते दिवसे भवइ, एस णं पढमे छम्मासे, एस णं पढमस्स छम्मासस्स पज्जवसाणे। से पविसमाणे सूरिए दोच्चं छम्मासं अयमाणे पढमंसि अहोरत्तंसि बाहिराणंतरं मंडलं उवसंकमित्ता चारं चरइ, ता जया णं सूरिए बाहिराणंतरं मंडलं उवसंकमित्ता चारं चरइ तया णं 'एगेणं राइदिएणं एगं भागं ओयाए रयणिक्खेत्तस्स'१२ निवुड्ढेत्ता दिवसखेत्तस्स अभिवड्ढेत्ता चारं चरइ ‘मंडलं अट्ठारसहिं तीसेहिं सएहि छेत्ता, तया णं अट्ठारसमुहुत्ता राती भवति दोहिं एगट्ठिभागमुहुत्तेहिं ऊणा, दुवालसमुहुत्ते दिवसे भवइ दोहिं एगट्ठिभागमुहुत्तेहि अहिए । से पविसमाणे सूरिए दोच्चंसि अहोरत्तंसि 'बाहिरं तच्चं मंडलं उवसंकमित्ता चारं चरइ, ता जया णं सूरिए बाहिरं तच्चं मंडलं उवसंकमित्ता चारं चरइ, तया णं
१. अयमीणे (क) । २. अब्भंतराणंतरं (ट,व)। ३. अद्वारसहिं तीसेहिं सतेहिं मंडलं (ट,व) । ४. अब्भंतरं (ग,घ,ट,व)। ५. अट्ठारसहिं तीसेहिं सतेहिं मंडलं (ट,व)। ६. एगमेगं भागं ओयाए एगमेगे मंडले एगमेगेणं
रातिदिएणं (ट,व)। ७. पणिहाए (ट,व)।
८. ओताए (ट)। ६. रतणिखेत्तस्स (क,ग,घ); रातिखेत्तस्स (ट)। १०. अट्ठारसहिं तीसेहिं मंडलं (ट,व)। ११. अयमीणे (क,ग,घ,व)। १२. एगं भागं ओयाए एगेणं राइदिएणं राति
खेत्तस्स (ट,व)। १३. अट्टारसहिं तीसेहिं सएहिं मंडलं (ट,व)। १४. बाहिरतच्चं (क,ग,घ,व)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |