________________
६२२
सूरपण्णत्ती तवयंति' ? के वतियं खेत्तं तिरियं तवयंति'? ता जंबुद्दीवे णं दीवे सूरिया एगं जोयणसयं उड्ढं तवयंति' अट्ठारस जोयणसयाइं अहे तवयंति, सीयालीसं' जोयणसहस्साई दुण्णि य तेवढे जोयणसए एगवीसं च सट्ठिभागे जोयणस्स तिरियं तवयंति ॥
पंचमं पाहुडं
१. ता कस्सिणं सूरियस्स लेस्सा पडिहया आहिताति वएज्जा ? तत्थ खलु इमाओ वीसं पडिवत्तीओ पण्णत्ताओ । तत्थेगे एवमाहंसु-ता मंदरंसि णं पव्वतंसि सूरियस्स लेस्सा पडिहया आहिताति वएज्जा---एगे एवमाहंस १ एगे पूण एवमाहंसता मेरुसि। पव्वतंसि सूरियस्स लेस्सा पडिहया आहिताति वएज्जा-एगे एवमाहंसु २ एवं एएणं अभिलावेणं भाणियव्वं--ता मणोरमंसि णं पव्वतंसि ३ ता सुदंसणंसि णं पव्वतंसि ४ ता सयंपभंसि णं पव्वतंसि ५ ता गिरिरायंसि णं पव्वतंसि ६ ता रयणुच्चयंसि णं पव्वतंसि ७ ता सिलूच्चयंसिणं पव्वतंसि ८ लोयमज्झंसि णं पव्वतंसिह ता लोयणाभिसि णं पव्वतंसि १० ता अच्छंसि णं पव्वतंसि ११ ता सूरियावत्तंसि णं पव्वतंसि १२ ता सूरियावरणंसि णं पव्वतंसि १३ ता उत्तमंसि णं पव्वतंसि १४ ता दिसादिसि णं पव्वतंसि १५ ता अवतंसंसि णं पव्वतंसि १६ ता धरणिखीलंसि णं पव्वतंसि १७ ता धरणिसिंगंसि णं पव्वतंसि १८ ता पव्वतिदंसि णं पव्वतंसि १६ ता पव्वयरायसि णं पव्वतंसि सूरियस्स लेस्सा पडिहया आहिताति वएज्जा-एगे एवमाहंसु २० वयं पुण एवं वदामो--ता मंदरेवि पवुच्चइ जाव पव्वयरायावि पवुच्चइ, ता जे णं पोग्गला सूरियस्स लेस्सं फुसंति, ते णं पोग्गला सूरियस्स लेस्सं पडिहणंति, अदिट्ठावि णं पोग्गला सूरियस्स लेस्सं पडिहणंति, चरिमलेस्संतरगताविणं पोग्गला सूरियस्स लेस्सं पडिहणंति ॥
१. तविति (क); तवंति (ग,घ,ट,व) । २. तवंति (क,ग,घ,ट,व)। ३. तवंति (क,ग,घ,ट) प्रायः सर्वत्र । ४. अधे य (क,ग,घ) । ५. सीताले (व)।
६. संकि (ग,घ); किस (ट); कीस (व)। ७. पुग्गला (क,ग,घ)। ८. चरम° (ट,व)। ६. पडिहणंति माहितेति वदेज्जा (ट); पडिह
णंति आहिमाति वदज्जा (व)।
Jain Education International
For Private & Personal Use Only
www.jainelibrary.org
