Page Text
________________
चउत्थं पाहुडं
६२१ ८. ता से णं अंधयारे केवतियं आयामेणं आहितेति वएज्जा ? ता अद्वत्तरि जोयणसहस्साइं तिण्णि य तेत्तीसे जोयणसए जोयणतिभागं च आयामेणं आहितेति वएज्जा, तया णं उत्तमकट्ठपत्ते अट्ठारसमुहुत्ते दिवसे भवइ, जहणिया दुवालसमुहुत्ता राती भवति ॥
६. ता जया णं सूरिए सव्वबाहिरं मंडलं उवसंकमित्ता चारं चरति तया णं किंसंठिता तावक्खेत्तसंठिती आहिताति वएज्जा? ता उड्ढीमुहकलंबुयापुप्फसंठिता तावक्खेत्तसंठिती आहिताति वएज्जा। एवं जं अधिभतरमंडले अंधयारसंठितीए पमाणं तं बाहिरमंडले तावक्खेत्तसंठितीए, जं तहिं तावक्खेत्तसंठितीए तं बाहिरमंडले अंधयारसंठितीए भाणियव्वं जाव' तया णं उत्तमकट्ठपत्ता उक्कोसिया अट्टारसमुहुत्ता राती भवति, जहण्णए दुवालसमुहुत्ते दिवसे भवइ ॥
१०. ता जंबुद्दीवे णं दीवे सूरिया केवतियं खेत्तं उड्ढं तवयंति' ? केवतियं खेत्तं अहे
१. सू० ४।४-८ । सूर्यप्रज्ञप्तिवृत्तौ पूर्णपाठो लिखितोस्ति-तच्चवं सूत्रतो भए नीयं अंतो संकुडा बाहिं वित्थडा अंतो वट्टा बाहिं पिहला अंतो अंकमुहसंठिया बाहिं सत्थिमुहसंठिया, उभओ पासेणं तीसे दुवे बाहाओ अवट्टियाओ भवंति पणयालीसं-पणयालीसं जोयणसहस्साइं आयामेणं, दुवे य णं तीसे बाहाओ अणवट्रियाओ भवंति, तं जहा---अभितरियो चेव बाहा सव्वबाहिरिया चेव बाहा। तीसे णं सव्वब्भंतरिया बाहा मंदरपव्वयंतेणं छ जोयणसहस्साई तिन्नि य चउवीसे जोयणसए छच्च दसभागे जोयणस्स परिक्खेवेणं आहियत्ति वएज्जा। ता से णं परिक्खेवविसेसे कओ आहियत्ति वएज्जा? ताजे णं मंदरस्स पव्वयस्स परिक्खेवे ते णं दोहिं गुणित्ता दसहिं छित्ता दसहि भागे हीरमाणे, एस णं परिक्खेवविसेसे आहियत्ति वएज्जा। ता से णं तावक्खेत्ते केवइयं आयामेणं आहियत्ति वएज्जा? ता तेसीइ जोयणसहस्साई तिन्नि तेतीसे जोयणसए जोयणतिभागं आहियाति वएज्जा । तया णं किंसंठिया अंधकारसंठिई आहियत्ति वएज्जा ? ता उड्डीमुहकलबुयापुप्फसंठाणसंठिया आहियत्ति वएज्जा अंतो संकुडा बाहिं वित्थडा अंतो वट्टा बाहिं पिहला अंतो अंकमुहसंठिया बाहिं सत्थिमुहसंठिया, उभओ पासेणं तीसे दुवे बाहाओ भवंति पणयालीसं-पणयालीसं जोयणसहस्साइं आयामेणं, दुवे य णं तीसे बाहाओ अणवट्ठियाओ भवंति, तं जहा-सव्वभंतरिया चेव बाहा सव्वबाहिरिया चेव बाहा। तीसे णं सव्वब्भंतरिया बाहा मंदरपव्वयंतेणं नवजोयणसहस्साइं चत्तारि य छलसीए जोयणसए नव य दसभागे जोयणस्स परिक्खेवेणं आहियत्ति वएज्जा। ता जे णं मंदरस्स पव्वयस्स परिक्खेवे, तं परिक्खेवं तिहिं गुणित्ता दसहिं छित्ता दसहि भागे हीर. माणे, एस णं परिक्खेवविसेसे आहियत्ति वएज्जा । तीसे णं सम्बबाहिरिया बाहा लवणसमुदंतेणं चउणउइंजोयणसहस्साइं अट्ठ य अट्ठसठे जोयणसए चत्तारि य दसभागे जोयणस्स परिक्खेवेणं आहिए इति वएज्जा । ता एस णं परिक्खेवविसेसे कओ आहिए इति वएज्जा ? ता जे णं जंबूहीवस्स दीवस्स परिक्खेवे, तं परिक्खेवं तिहिं गुणित्ता दसहिं छित्ता दसहिं भागे हीरमाणे, एस णं परिक्खेवविसेसे आहिए इति वएज्जा । ता से णं अंधकारे केवइए आयामेणं आहिए इति वएज्जा ? ता तेसीइं जोयणसहस्साई तिन्नि य तित्तीसे जोयणसए जोयणतिभागं आहिए इति वएज्जा। २. तवंति (क,ट,व); तावंति (ग,घ)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |