Page Text
________________
६२०
सूरपण्णत्ती
एज्जा । ता से णं परिक्खेवविसेसे कतो आहितेति वएज्जा ? ता जे णं जंबुद्दीवस्स दीवस परिक्खेवे तं परिक्खेवं तिहिं गुणेंत्ता दसहिं छेत्ता दसहि भागे हीरमाणे, एस णं परिक्खेवविसेसे आहितेति वएज्जा ॥
५. ता से णं तावक्खेत्ते केवतियं' आयामेणं आहितेति वएज्जा ? ता अट्ठत्तरि जोयणसहस्साइं तिणि य तेत्तीसे जोयणसए जोयणतिभागे य आयामेणं आहित
वएज्जा ॥
६. तया णं किंसंठिया अंधयारसंठिती आहिताति वएज्जा ? ता उड्डीमुहकलंबुयापुप्फसंठिता' 'अंधयारसंठिती पण्णत्ता अंतो संकुया बाहि वित्थडा, अंतो वट्टा बाहिं पिहुला, अंतो अंकमुहसंठिता बाहि सत्थीमुहसंठिता, उभओ पासेणं तीसे दुवे बाहाओ अवट्टियाओ भवंति पणयालीसं पणयालीसं जोयणसहस्साइं आयामेणं, दुवे य णं ती बाहाओ अणवट्टियाओ भवंति तं जहा सव्वब्भंतरिया चेव बाहा सव्वबाहिरिया चेव बाहा ॥
७. तत्थ को हेतूति वएज्जा ? ता अयण्णं जंबुद्दीवे दीवे सव्वदीवसमुद्दाणं सव्वब्भंतराए जाव परिक्खेवेणं, ता जया णं सूरिए सव्वब्भंतरं मंडलं उवसंकमित्ता चारं चरइ तया णं उड्डीमुहकलंबुयापुप्फसंठिता अंधयारसंठिती आहिताति वएज्जा अंतो संकुया विथा, तो वट्टा बाहिं पिहुला, अंतो अंकमुहसंठिता बाहि सत्थी मुहसंठिता, उभओ पासेणं तीसे दुवे बाहाओ अवट्टियाओ भवंति पणयालीसं पणयालीसं जोयणसहस्साई आयामेणं, दुवे य णं तीसे बाहाओ अणवट्टियाओ भवंति तं जहा - सव्वब्भंतरिया चेव बाहा सव्व'बाहिरिया चेव बाहा । तीसे णं सञ्वब्भंतरिया बाहा मंदरपव्वयंतेणं छज्जोयणसहस्साइं तिष्णि य चउवीसे जोयणसए छच्च दसभागे जोयणस्स परिक्खेवेणं आहितति वज्जा । तीसे णं परिक्खेवविसेसे कतो आहितेति वएज्जा ? ता जे णं मंदरस्स पव्वयस्स परिक्खेवे, तं परिक्खेवं दोहिं गुणेत्ता", "दसहिं छेत्ता दसहिं भागे हीरमाणे, एस णं परिक्खेवविसेसे आहितेति वएज्जा । तीसे णं सव्वबाहिरिया बाहा लवणसमुद्दतेणं तेवट्ठि जोयणसहस्साई दोण्णि य पणयाले जोयणसए छच्च दसभागे जोयणस्स परिक्खेवेणं आहितेति वज्जा । ता से णं परिक्खेवविसेसे कतो आहितेति वएज्जा ? ता जेणं जंबुद्दीवस्स दीवस्स परिक्खेवे, तं परिक्खेवं दोहिं गुणेत्ता दसहिं छेत्ता दसहिं भागे हीरमाणे, एस परिक्खेवविसेसे आहितेति वएज्जा ॥
१. एस (ग, घ ) ।
२. के तियं (ग,घ ) ।
३. सं० पा० -- उड्डीमुहकलंबुयापुप्फसंठिता तहेव जाव बाहिरिया । उद्धीमुहकलंबु यापुप्फसंठिया आहितेति वदेज्जा अंतो संकुता बाहि वित्थडा तं चैव जाव तीसे णं दुवे बाहातो अणवट्टिता भवंति तं सव्वभरिता चेव बाहा सव्वबाहिरिया (टव) 1
Jain Education International
४. गुणिया ( ट ) !
५. सं० पा० -- सेसं तहेव । चन्द्रप्रज्ञप्ती एष पाठः पूर्ण एव विद्यते, तद्वृत्तावपि पाठसंक्षेपः सुचितो नास्ति । सूर्यप्रज्ञप्तिवृत्तौ 'सेसं तं चेव' ति शेषं तदेव प्रागुक्तं वक्तव्यं तच्चेदं दर्साहि छत्ता दसहि भागे हीरमाणे एस णं परिक्खेवविसेसे आहियत्ति वइज्जा' इति सूचितमस्ति । ६. वाताले ( ग ) ; वाणाले (घ ); बायाले (व) ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |