Uvangsuttani Part 05

SR No.: 003555
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 1178
Language: Prakrit
Classification: Book_Devnagari, Agam, & Canon
File Size: 22 MB

Page 690

बीयं पाहुडं ( तच्च पा० )
६१३
सूरिए सव्वबाहिरं मंडलं उवसंकमित्ता चारं चरइ तथा णं तं चेव राइदियप्पमाणं' तंसि चणं दिवसंसि सट्ठि जोयणसहस्साइं तावक्खेत्ते पण्णत्ते, तया णं पंच-पंच जोयणसहस्साई सूरए गमेणं मुहुत्तेणं गच्छति २
तत्थ जेते एवमाहंसु ता चत्तारि चत्तारि जोयणसहस्साई सूरिए एगमेगेणं मुहुत्तेणं गच्छइ, ते एवमाहंसु ता जया णं सूरिए सव्वब्भंतरं मंडल उवसंकमित्ता चारं चरति तया णं दिवसराई तहेव, तंसि च णं दिवसंसि बावर्त्तारं जोयणसहस्साइं तावक्खेत्ते पण्णत्ते, ता जया णं सूरिए सव्वबाहिरं मंडलं उवसंकमित्ता चारं चरति तया णं राईदियं तहेव, ' तंसि च णं दिवसंसि अडतालीसं जोयसहस्साइं तावक्खेत्ते पण्णत्ते, तया णं चत्तारि चत्तारि जोयणसहस्साइं सूरिए एगमेगेणं मुहुत्तेणं गच्छति ३
तत्थ जेते एवमाहंसु ता छवि पंचवि चत्तारिवि जोयणसहस्साइं सूरिए एगमेगेणं मुहुत्तेणं गच्छति, ते एवमाहंसु ता सूरिए णं उग्गमणमुहुत्तंसि य अत्थमणमुहुत्तंसि य सिग्धगती * भवति तया णं छ-छ जोयणसहस्साइं एगमेगेणं मुहुत्तेणं गच्छति, मज्झिमतावक्खेत्तं समासादेमाणे समासादेमाणे सूरिए मज्झिमगती भवति तया णं पंच-पंच जोयणसहस्साई एगमेगेणं मुहुत्तेणं गच्छति, मज्झिमं तावक्खेत्तं संपत्ते सूरिए मंदगती भवति तया णं चत्तारि चत्तारि जोयणसहस्साई एगमेगेणं मुहुत्तेणं गच्छति । तत्थ को हेतूति व एज्जा ? ता अयण्णं जंबुद्दीवे दीवे सव्वदीवसमुद्दाणं सव्वन्भंतराए जाव परिक्खेवेणं, ता जया णं सूरिए सव्वभंतरं मंडलं उवसंकमित्ता चारं चरति तया णं दिवसराई तहेव, तंसि च णं दिवसंसि एक्काणउति जोयणसहस्साइं तावक्खेत्ते पण्णत्ते, ता जया णं सूरिए सव्वबाहिरं मंडलं उवसंकमित्ता चारं चरति तया णं राइंदियं तहेव, तस्सि च णं दिवसंसि एगजोयणसहस्साइं तावक्खेते पण्णत्ते, तया णं छवि पंचवि चत्तारिवि जोयणसहस्साई सूरिए एगमेगेणं मुहुत्तेणं गच्छति - एगे एवमाहंसु ४
वयं पुण एवं वयामोता सातिरेगाई पंच-पंच जोयणसहस्साइं सूरिए एगमेगेणं मुहुत्ते गच्छति । तत्थ को हेतुति वएज्जा ? ता अयण्णं जंबुद्दीवे दीवे सव्वदीवसमुद्दाणं सव्वब्भंतराए जाव परिक्खेवेणं, ता जया णं सूरिए सव्वब्भंतरं मंडलं उवसंकमित्ता चारं चरति तया णं पंच-पंच जोयणसहस्साइं दोण्णि य एक्कावण्णे जोयणसए एगूणतीसं च सट्टिभागे जोयणस्स एगमेगेणं मुहुत्तेणं गच्छति तया णं इहगतस्स मणुस्सस्स सीतालीसाए
१. तदेव प्रागुक्तं रात्रि दिवसप्रमाणं रात्रि दिवसप्रमाणं वक्तव्यम्, तद्यथा 'उत्तमकट्ठपत्ता उक्कोसिया अट्ठारसमुहुत्ता राई हवई, जहन्निए दुवालसमुहुत्ते दिवसे भवती' ति ( सूवृ ) । २. ते चैवम् ‘तया णं उत्तमकट्टपत्ते उक्कोसए अट्ठारसमुहुत्ते दिवसे हवइ, जहन्निया दुवालसमुहुत्ता राई भवइ' इति ( सूवृ ) । ३. तच्चैवम् - ' तथा णं उत्तमकट्टपत्ता उक्को सिया अट्ठारसमुहुत्ता राई भवई, जहन्नए दुवालस
मुहुत्ते दिवसे भवति' ( सूवृ) । ४. सिग्धागति ( ग, घ )
५. ते चैवम्---' तया णं उत्तमकट्टपत्ते उक्कोसए अट्ठारसमुहुत्ते दिवसे भवइ, जहन्निया दुवालसमुहुत्ता राई भवई' ( सूवृ ) ।
६. तच्चैवम् -- ' तया णं उत्तमकट्टपत्ता उक्कोसिया अट्टारसमुहुत्ता राई भवई, जहन्नए दुवालसमुहुत्ते दिवसे भवइ' ( सूवृ ) ।
७. इदगतस्स (ग, घ ) ।