Page Text
________________
६१४
सूरपण्णत्ती
जोयणसहस्सेहिं दोहि य तेवट्ठेहिं जोयणसएहिं एगवीसाए' य सट्टिभागेहिं जोयणस्स सूरिए चक्खुप्फासं हव्वमागच्छइ, तया णं दिवसे राई तहेव' ।
से निक्खममाणे सूरिए नवं संवच्छरं अयमाणे' पढमंसि अहोरत्तंसि अब्भितराणंतरं मंडलं उवसंकमित्ता चारं चरति, ता जया णं सूरिए अभितराणंतरं मंडलं उवसंकमित्ता चारं चरति तया णं पंच-पंच जोयणसहस्साइं दोण्णि य एक्कावणे' जोयणसए सीतालीसं च सट्ठिभागे' जोयणस्स एगमेगेणं मुहुत्तेणं गच्छति, तया णं इहगतस्स मणसस्स सीतालीसाए जोयणसहस्सेहिं अउणासीते' य जोयणसए सत्तावण्णाए सट्टिभागेहिं जोयणस्स सद्विभागं च एगट्ठा छेत्ता अउणावीसाए चुण्णियाभागेहिं सूरिए चक्खुप्फासं हव्वमागच्छति तया णं दिवसराई तहेव । से निक्खममाणे सूरिए दोच्चंसि अहोरत्तंसि अब्भितरतच्च ' मंडल उवसंकमित्ता चारं चरति, ता जया णं सूरिए अब्भितरतच्चं मंडलं उवसंकमित्ता चारं चरति तथा णं पंच-पंच जोयणसहस्साइं दोण्णि य बावण्णे जोयणसए पंचय - भागे जोयणस्स एगमेगेणं मुहुत्तेणं गच्छति तया णं इहगतस्स मणूसस्स सीतालीसाए जोयणसहस्सेहि छण्णउतीए य जोयणेहि तेत्तीसाए य सद्विभागेहि जोयणस्स सद्विभागं चएगा छेत्ता दोहिं चुण्णियाभागेहिं सूरिए चक्खुप्फासं हव्वमागच्छति तया णं दिवसराई तहेव" । एवं खलु एतेणं उवाएणं निक्खममाणे सूरिए तयाणंतराओ तयाणंतरं मंडलाओ मंडल संकममाणे- संकममाणे अट्ठारस- अट्ठारस सट्टिभागे" जोयणस्स एगमेगे मंडले मुत्तगत अभिवृड्ढे माणे- अभिवुड्ढेमाणे चुलसीति सीताई' जोयणाई पुरिसच्छायं निवुड्ढेमाणे निवुड्ढेमाणे सव्वबाहिर मंडलं उवसंकमित्ता चारं चरति, ता जया णं सूरिए सव्व - बाहिर मंडल उवसंकमित्ता चारं चरति तया णं पंच-पंच जोयणसहस्साइं तिष्णिय पंचुत्तरे जोयणसते पण्णरस य सद्विभागे जोयणस्स एगमेगेणं मुहुत्तेणं गच्छति तथा णं इहगतस्स मणूस एक्कतीसाए जोयणसहस्सेहिं अट्ठहिं एक्कतीसेहिं जोयणसतेहि तीसाए य सट्टि - भागेहिं जोयणस्स सूरिए चक्खुप्फासं हव्वमागच्छति तया णं उत्तमकट्ठपत्ता उक्कोसिया अट्ठारसमुहुत्ता राती भवति, जहण्णए दुवालसमुहुत्ते दिवसे भवइ । एस णं पढमे छम्मासे, एस णं पढमस्स छम्मासस्स पज्जवसाणे ।
१. एकवीसाए ( क ) ।
२. ते चैवम् -'तया णं उत्तमक पत्ते उक्कोसए
समुत्ते दिवसे भवइ, जहणिया दुवाल - समुहुत्ता राई भव' ( सूवृ ) ।
३. अयमीणे (क, ग, घ ) |
४. एकापणे (ट) ।
५. एगट्टिभागे ( ग, घ ) ।
६. एगुणासीते ( ट ) ।
७. एगसट्टिभागेहिं (ग,घ) ; एयसट्टिभागे ( ट व ) । ८. ते चैवम् -' तया णं अट्ठारसमुहुत्ते दिवसे हवइ दोहि गट्टिभागमुत्ते ऊणे, दुवालसमुहुत्ता
Jain Education International
राई भवइ दोहि एगट्टिभागमुहुत्तेहिं अहिया' ( सूवृ ) ।
६. अब्भंतरं तच्चं ( ट ) |
१०. ते चैवम् -' तया णं अट्ठारसमुहुत्ते दिवसे हवइ हि एट्टिभागमुहुत्ते हि ऊणे, दुवालसमुहुत्ता राई भवइ चहिं एगट्टिभागमुहुत्तेहिं अहिया' ( सूवृ) ।
११. सरिस - सट्टरस सट्टिभागे ( ग, घ ) | १२. शीतानि किञ्चिन्न्यूनानीत्यर्थः (सूवृ); सीया इति किञ्चिन्न्यूनानि ( चंवृ ) ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |