Uvangsuttani Part 05

SR No.: 003555
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 1178
Language: Prakrit
Classification: Book_Devnagari, Agam, & Canon
File Size: 22 MB

Page 689

६१२
सूरपण्णत्ती
मंडलकालं परिहवेति', तेसि णं अयं दोसे । तत्थ जेते एवमाहंसुता मंडलाओ मंडलं संकममाणे सूरिए कण्णकलं निव्वेढेति, 'तेसि णं अयं विसेसे", ता जेणंतरेणं मंडलाओ मंडल संकममाणे सूरिए कण्णकलं निव्वेढेति एवतियं च णं अद्धं पुरतो गच्छति, पुरतो गच्छमाणे मंडलकालं न परिहवेति, तेसि णं अयं विसेसे । तत्थ जेते एवमाहंसु-ता मंडलाओ मंडलं संकममाणे सूरिए कण्णकलं णिव्वेढेइ, एतेणं नएणं नेयव्वं, नो चेव णं इतरेणं ॥
तचं पाहुडहुड
? तत्थ
३. ता यतियं ते खेत्तं सूरिए एगमेगेणं मुहुत्तेणं गच्छति आहिताति वएज्जा खलु इमाओ चत्तारि पडिवत्तीओ पण्णत्ताओ । तत्थ एगे एवमाहंसु ता छ छ जोयणसहस्साई सूरिए एगमेगेणं मुहुत्तेणं गच्छति' - एगे एवमाहंसु १ एगे पुण एवमाहंसु-ता पंच-पंच जोयणसहस्साइं सूरिए एगमेगेणं मुहुत्तेणं गच्छति - एगे एवमाहंसु २ एगे पुण एवमाहंसु- -ता चत्तारि चत्तारि जोयणसहस्साइं सूरिए एगमेगेणं मुहत्तेणं गच्छति - एगे एवमाहंसु ३ एगे पुण एवमाहंसु - ता छवि पंचवि चत्तारिवि जोयणसहस्साइं सूरिए एगमेगेणं मुहुत्तेणं गच्छति - एगे एवमाहंसु ४
तत्थ जेते एवमाहंसु - ता छ छ जोयणसहस्साइं सूरिए एगमेगेणं मुहुत्तेणं गच्छति ते एवमाहंसुता जया णं सूरिए सव्वभंतरं मंडलं उवसंकमित्ता चारं चरति तया णं उत्तमकट्टपत्ते उक्कोसे अट्ठारसमुहुत्ते दिवसे भवइ, जहण्णिया दुवालसमुहुत्ता राती भवति, तंसि च णं दिवसंसि एवं जोयणसयसहस्सं अट्ठ य जोयणसहस्साइं ताववखेत्ते ' पण्णत्ते, ता जया णं सूरिए सव्वबाहिरं मंडलं उवसंकमित्ता चारं चरति तया णं उत्तमकट्टपत्ता उक्कोसिया अट्ठारसमुहुत्ता राती भवति, जहण्णए दुवालसमुहुत्ते दिवसे भवइ, तंसि च णं दिवसंसि बावर्त्तरि जोयणसहस्साइं तावक्खेत्ते पण्णत्ते, "तया णं" छ- छ जोयणसहस्साइं सूरए एगमेगेणं मुहुत्तेणं गच्छति १
तत्थ जेते एवमाहंसु-ता पंच-पंच जोयणसहस्साइं सूरिए एगमेगेणं मुहुत्तेणं गच्छति, ते एवमाहंसु—ता जया णं सूरिए सव्वबभंतर मंडलं उवसंकमित्ता चारं चरति, तहेव दिवस राइप्पमा, तंसि च णं दिवसंसि नवतिं जोयणसहस्साइं तावक्खेत्ते पण्णत्ते, ता जया
१. परिहारति (घ ) ; परिभ्रमति' यावता कालेन मण्डलं परिपूर्ण भ्रम्यते तस्य हानिरुपजायते (सूवृ, चंवृ) । हस्तलिखितवृत्योः परिभ्रमति' इति लिखितं दृश्यते । किन्तु अग्रेतने 'परिहवेति' क्रियापदस्य परिभवति' इति लिखितं विद्यते, तेन परिभवति' इति पदमेव शुद्धं सम्भाव्यते 'परिहावति' इति पदमपि 'परिहाणि' अर्थ द्योतयति ।
२. तेणं एवमाहंसु (ट,व) ।
३. गच्छति आहितेति वदेज्जा (ट,व) सर्वत्र । ४. तावक्खित्ते (क ) ।
५. ते सिणं ( क ) ; तेसिणमित्यादि, तेषां हि तीर्थान्तरीयाणाम् (सूवृ, चंव् ) । वृत्तिकृता अग्रेतन प्रतिपत्तिषु 'ता जया णं' इति व्याख्यातमस्ति । ६. अत्र प्रस्तावे दिवसरात्रिप्रमाणं तथैव प्रागिव द्रष्टव्यम्, 'तया णं उत्तमकट्टपत्ते उक्कोसए अट्ठारसमुहुत्ते दिवसे हवइ, जहण्णिया दुवालसमुहुत्ता राई भवती' ति ( सूवृ ) |