Page Text
________________
बीयं पाहुडं (बीयं पा०) आउकायंसि उत्तिट्टइ, से णं इमं तिरियं लोयं तिरियं करेइ, करेत्ता पच्चत्थिमंसि लोयंतंसि सायं सूरिए आउकायंसि अणुपविसइ', अणुपविसित्ता अहे पडियागच्छइ, पडियागच्छित्ता पुणरवि अवरभूपुरत्थिमाओ लोयंताओ पाओ सूरिए आउकायंसि उत्तिट्ठइ-एगे एवमाहंसु ७ एगे पुण एवमाहंसु–ता पुरत्थिमाओ लोयंताओ बहूई जोयणाई बहूइं जोयणसयाई बहूइं जोयणसहस्साई उड्ढं दूरं उप्पइत्ता, एत्थ णं पाओ सूरिए आगासंसि उत्तिट्टइ, से णं इमं दाहिणड्ढं लोयं तिरियं करेइ, करेत्ता उत्तरड्डलोयं तमेव राओ, से णं इमं उत्तरडलोयं तिरियं करेइ, करेत्ता दाहिणड्डलोयं तमेव राओ, से णं इमाइं दाहिणुत्तरडलोयाइं तिरियं करेइ, करेत्ता पुरत्थिमाओ लोयंताओ बहूइं जोयणाई बहूइं जोयणसयाई बहूई जोयणसहस्साइं उड्ढं दूरं उप्पइत्ता, एत्थ णं पाओ' सूरिए आगासंसि उत्तिट्टइएगे एवमाहंसु ८। वयं पुण एवं वयामोता जंबुद्दीवस्स दीवस्स 'पाईणपडीणायताए उदीणदाहिणायताए जीवाए मंडलं चउव्वीसेणं सएणं छेत्ता दाहिणपुरथिमंसि उत्तरपच्चत्थिमंसि य चउभागमंडलंसि इमीसे रयणप्पभाए पुढवीए बहुसमरमणिज्जाओ भूमिभागाओ अट्ठ जोयणसयाई उडढं उप्पइत्ता, एत्थ णं पाओ दुवे सरिया उत्तिट्ठति । ते णं इमाई दाहिणत्तराई जंबुद्दीवभागाइं तिरियं करेंति, करेत्ता पुरथिमपच्चत्थिमाइं जंबुद्दीवभागाइं तामेव राओ, ते णं इमाइं पुरथिमपच्चत्थिमाइं जंबुद्दीवभागाइं तिरियं करेंति, करेत्ता दाहिणुत्तराई जंबुद्दीवभागाइं तामेव राओ, ते णं इमाइं दाहिणुत्तराई पुरथिमपच्चत्थिमाणि य जंबहीवभागाइं तिरियं करेंति, करेत्ता जंबूद्दीवस्स दीवस्स पाईणपडीणायताए उदीणदाहिणायताए जीवाए मंडलं चउव्वीसेणं सएणं छेत्ता दाहिणपुरथिमिल्लसि उत्तरपच्चत्थिमिल्लसि य चउभागमंडलंसि इमीसे रयणप्पभाए पुढवीए बहुसमरमणिज्जाओ भूमिभागाओ अट्ठ जोयणसयाई उड्ढे उप्प इत्ता, एत्थ णं पाओ दुवे सूरिया आगासंसि उत्तिट्ठति ॥
बीयं पाहुडपाहुडं २. ता कहं ते मंडलाओ मंडलं संकममाणे सूरिए चारं चरति आहिताति वएज्जा? तत्थ खलु इमाओ दुवे पडिवत्तीओ पण्णत्ताओ। तत्थेगे एवमाहंसु-ता मंडलओ मंडलं संकममाणे सूरिए भेयघाएणं संकमति–एगे एवमाहंसु १ एगे पुण एवमाहंसु-ता मंडलाओ मंडलं संकममाणे सूरिए कण्णकलं निव्वेढेति २ तत्थ जेते एवमाहंसु-ता मंडलाओ मंडलं संकममाणे सूरिए भेयघाएणं संकमति, तेसि णं अयं दोसे, ता जेणंतरेणं मंडलाओ मंडलं संकममाणे सूरिए भेयघाएणं संकमति एवतियं च णं अद्धं पुरतो न गच्छति, पुरतो अगच्छमाणे १. पविसइ (ग,घ)।
४. सूरिया आगासातो (ट,व) । २. पातो (क,ग,घ,ट,व)।
५. संकममाणे २ (क,ग,घ,व)। ३. पाईणपाडिणायतउदीणदाहिणायताए (क,ग, ६. निगच्छमाणे (ग,घ)। घ,ट,व)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |