Page Text
________________
पढमं पाहुडे ( पढमं पा० )
५२७
सव्वब्भंतराए' 'सव्वखुड्डाए वट्टे तेल्लापूयसंठाणसंठिए, वट्टे रहचक्कवाल संठाणसंठिए, वट्टे पुक्खरकण्णियासंठाणसंठिए, वट्टे पडिपुण्णचंदसंठाणसंठिए एगं जोयणसयसहस्सं आयामविक्खंभेणं, तिणि जोयणसयसहस्साइं सोलस सहस्साई दोण्णि य सत्तावीसे जोयणसए तिणिय कोसे अट्ठावीसं च धणुसयं तेरस अंगुलाई अर्द्धगुलं च किंचि विसेसाहियं परिक्खेवेणं पण्णत्ते । ता जया णं सूरिए सव्वब्भंतरमंडलं उवसंकमित्ता चारं चरइ, तया णं उत्तमकट्ठपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राती भवति ।
सेनिक्खमाणे सूरिए नवं संवच्छरं अयमाणे पढमंसि अहोरत्तंसि अभितराणंतरं मंडलं उवसंकमित्ता चारं चरइ, 'ता जया णं सूरिए अभितराणंतरं मंडलं उवसंकमित्ता चारं चरइ", तया णं अट्ठारसमुहुत्ते दिवसे भवइ दोहिं एगट्टिभागमुहुत्तेहि ऊणे, दुवालसमुहुत्ता राती भवति दोहिं एगट्टिभागमुहुत्तेहिं अहिया । से निक्खमाणे सूरिए दोच्चंसि अहोरत्तंसि अब्भितरं तच्चं मंडलं उवसंकमित्ता चारं चरइ, ता जया' णं सूरिए अब्भितरं तच्चं मंडलं उवसंकमित्ता चारं चरइ तया णं अट्ठारसमुहुत्ते दिवसे भवइ उहिं एगट्टिभागमुहुत्तेहिं ऊणे, दुवालसमुहुत्ता राती भवति चउहिं एगट्टिभागमुहुत्तेहि अहिया । एवं खलु एएणं उवाएणं निक्खममाणे सूरिए तयाणंतराओं तयानंतर मंड मंडलं संकममाणे संक्रममाणे दो-दो 'एगट्टिभागे मुहुत्तस्स" एगमेगे मंडले दिवसखेत्तस्स निवुड्ढेमाणे निवुड्ढेमाणे रयणिखेत्तस्स अभिवुड्ढेमाणे- अभिवुड्ढेमाणे सव्वबाहिर मंडलं उवसंकमित्ता चारं चरइ, ता जया णं सूरिए सव्वब्भंतराओ मंडलाओ सव्वबाहिरं मंडलं उवसंकमित्ता चारं चरइ तया णं सव्वब्भंतरमंडलं पणिहाय एगेणं तेसीएणं
इंदियस एणं तिष्णिछावट्ठे एगट्टिभागमुहुत्ते सए दिवसखेत्तस्स निवुढित्ता रणिखेत्तस् अभिवृडित्ता चारं चरइ, तथा णं उत्तमकट्टपत्ता उक्कोसिया अट्ठारसमुहुत्ता राती भवति, जहण दुवालसमुहुत्ते दिवसे भवइ । एस णं पढमे छम्मासे, एस णं 'पढमस्स छम्मासस्स पज्जवसाणे |
से पविसमाणे सूरिए दोच्चं छम्मासं अयमाणे" पढमंसि अहोरत्तंसि बाहिराणंतरं मंडलं उवसंकमित्ता चारं चरइ, ता जया णं सूरिए बाहिराणंतरं मंडल उवसंकमित्ता चारं चरइ तया णं अट्ठारसमुहुता राती भवति दोहि एगट्टिभागमुहुत्तेहि ऊणा, दुवालसमुहुत्ते दिवसे भवइ दोहिं एगट्टिभागमुहुत्तेहिं अहिए । से पविसमाणे सूरिए दोच्चंसि अहोरत्तंसि बाहिरं तच्चं मंडलं उवसंकमित्ता चारं चरइ, ता जया णं सूरिए बाहिरं तच्चं मंडलं उवसंकमित्ता चारं चरइ तया णं अट्ठारसमुहुत्ता राती भवति चउहिं एगट्टिभागमुहुत्तेहिं ऊणा, दुवाल -
१. सं० पा० --- सव्वभंतराए जाव परिक्खेवेणं । २. अमीणे (क, ग, घ ) ।
३. x (क, घ) 1
४. अधिया ( क ) ।
५. जदा (क, घ) 1
६. द्रष्टव्यम् -- जम्बूद्वीपप्रज्ञप्तेः ७।६६ सूत्रस्य
Jain Education International
पाठ: पाठान्तरं च ।
७. गट्ठभागमुहुत्ते (क, ट,व) । तेसीतेणं (कट)
८.
६. पढमछम्मासस्स (क, ग, घ ) ।
१०. अयमीणे (क,व); अजमीणे ( ग, घ ) ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |