Page Text
________________
सत्तमो वक्खारो णिवड्ढेमाणे अट्ठारस-अट्ठारस जोयणाई परिरयवुटि णिवड्ढेमाणे-णिवड्ढेमाणे सव्वब्भंतरं मंडलं उवसंकमित्ता चारं चरइ।।
२०. जदा णं भंते ! सुरिए राव्वब्भंतरं मंडलं उवसंकमित्ता चारं चरइ, तदा णं एगमेगेणं मुहुत्तेणं केवइयं खेत्तं गच्छइ ? गोयमा ! पंच-पंच जोयणसहस्साइं दोण्णि य एगावण्णे जोयणसए एगणतीसं च सद्विभाए जोयणस्स एगमेगेणं मुहुत्तेणं गच्छइ । तदा णं इहगयस्स मणूसस्स' सीयालीसाए जोयणसहस्सेहि दोहि य तेवढेहि जोयणसएहिं एगवीसाए यं जोयणस्स सट्ठिभाएहिं सूरिए चक्खुप्फासं हव्वमागच्छइ। से णिक्खममाणे सूरिए णवं संवच्छरं अयमाणे पढमंसि अहोरत्तंसि अब्भंतराणंतरं मंडलं उवसंकमित्ता चारं चरइ॥
२१. जया णं भंते ! सूरिए अब्भंतराणंतरं मंडलं उवसंकमित्ता चारं चरइ, तया णं एगमेगेणं मुहुत्तेणं केवइयं खेत्तं गच्छइ ? गोयमा ! पंच-पंच जोयणसहस्साइं दोण्णि य एगावण्णे जोयणसए सीयालीसं च सट्ठिभागे जोयणस्स एगमेगेणं मुहुत्तेणं गच्छइ । तया णं इहगयस्स' मणूसस्स सीयालीसाए जोयणसहस्सेहिं एगणासीए जोयणसए सत्तावण्णाए य सट्ठिभाएहिं जोयणस्स सट्ठिभागं च एगसट्ठिहा' छेत्ता एगणवीसाए चुण्णियाभागेहिं सूरिए चक्खुप्फासं हव्वमागच्छइ। से णिक्खममाणे सूरिए दोच्चंसि अहोरत्तंसि अभंतरतच्चं मंडलं उवसंकमित्ता चारं चरइ॥
२२. जया णं भंते ! सूरिए अभंतरतच्चं मंडलं उवसंकमित्ता चारं चरइ, तया णं एगमेगेणं मुहुत्तेणं केवइयं खेतं गच्छइ ? गोयमा ! पंच-पंच जोयणसहस्साइं दोण्णि य बावण्णे जोयणसए पंच य सट्ठिभाए जोयणस्स एगमेगेणं मुहुत्तेणं गच्छइ । तया णं इहगयस्स मणूसस्स सीयालीसाए जोयणसहस्सेहिं छण्णउईए जोयणेहि तेत्तीसाए सद्विभागेहि जोयणस्स सट्ठिभागं च एगसहिहा छेत्ता दोहिं चुण्णियाभागेहिं सूरिए चक्खुप्फासं हव्वमागच्छइ। एवं खलु एएणं उवाएणं णिक्खममाणे सूरिए तयणंतराओ मंडलाओ तयणंतरं मंडलं संकममाणे-संकममाणे अट्ठारस-अट्ठारस सद्विभागे जोयणस्स एगमेगे मंडले महत्तगई अभिवड्ढेमाणे-अभिवड्ढेमाणे चुलसीइं-चुलसीईसीयाई जोयणाई पूरिसच्छायं णिवड्ढेमाणे-णिवड्ढेमाणे सब्बबाहिरं मंडलं उवसंकमित्ता चारं चरइ॥
२३. जया णं भंते ! सूरिए सव्वबाहिरमंडलं उवसंकभित्ता चारं चरइ, तया णं एगमेगेणं मुहत्तेणं केवइयं खेत्तं गच्छइ ? गोयमा ! पंच-पंच जोयणसहस्साइं तिण्णि य पंचत्तरे जोयणसए पण्णरस य सद्विभाए जोयणस्स एगभेगेणं मुहुत्तेणं गच्छइ । तया णं इहगयस्स मणूसस्स एगतीसाए जोयणसहस्सेहिं अहि य एगत्तीसेहिं जोयणसएहि तीसाए
१. मणुयस्। (ख); मणुअस्स (त्रि) । २.x (अ,ख,ब)। ३. सब्भंतराणंतरं (त्रि); सव्वभंतराणतरं
(प)। ४. एगापण्णे (अ,ब)। ५. इहगतस्य (ब)।
६. मणुयस्स (ख); मणुअस्स (त्रि) । ७. सत्तावष्णं (अ,ख,त्रि,बस)। ८. एगट्टिया (अ,क,ख,ब,स) अग्रेपि । ९. उवसंपज्जित्ता (अ,ख,द,स)। १०. सत्ताई (अ); सताई (ब); सूर्यप्रज्ञप्त्या
(२॥३) मपि सीताई' इति पाठो विद्यते ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |