Page Text
________________
५५४
जंबुद्दीवपण्णत्ती १४. जंबुद्दीवे दीवे सव्वब्भंतरे णं भंते! सूरमंडले केवइयं आयाम-विक्खंभेणं, केवइयं परिक्खेवेणं पण्णत्ते ? गोयमा ! णवणउइं जोयणसहस्साइं छच्च चत्ताले जोयणसए आयाम-विक्खंभेणं, तिण्णि य जोयणसयसहस्साइं पण्णरस य जोयणसहस्साइं एगुणणउई च जोयणाइं किंचिविसेसाहियाई परिक्खेवेणं ।।।
१५. अब्भंतराणंतरे णं भंते ! सूरमंडले केवइयं आयाम-विक्खंभेणं, केवइयं परिक्खेवेणं पण्णत्ते ? गोयमा ! णवणउइं जोयणसहस्साई छच्च पणयाले जोयणसए पणतीसं च एगसट्ठिभाए जोयणस्स आयाम-विक्खंभेणं, तिण्णि य जोयणसयसहस्साइं पण्णरस य जोयणसहस्साइं एगं च सत्तुत्तरं जोयणसयं परिक्खेवेणं पण्णत्ते ।।
१६. अब्भंतरतच्चे णं भंते ! सूरमंडले केवइयं आयाम-विक्खंभेणं, केवइयं परिक्खेणं पण्णत्ते ? गोयमा! णवणउई जोयणसहस्साइं छच्च एक्कावण्णे जोयणसए णव य एगसट्ठिभाए जोयणस्स आयाम-विक्खंभेणं, तिण्णि य जोयणसयसहस्साइं पण्णरस जोयणसहस्साइं एगं च पणवीसं जोयणसयं परिक्खेवेणं । एवं खलु एएणं उवाएणं णिक्खममाणे सूरिए तयणंतराओ मंडलाओ तयणंतरं मंडलं संकममाणे-संकममाणे पंच-पंच जोयणाइं पणतीसं च एगसद्विभाए जोयणस्स एगमेगे मंडले विक्खंभवुढि अभिवड्ढेमाणेअभिवड्ढेमाणे अट्ठारस-अट्ठारस जोयणाइं परिरयवुड्डि अभिवड्ढेमाणे-अभिवड्ढेमाणे सव्वबाहिरं मंडलं उवसंकमित्ता चारं चरइ॥
१७. सव्वबाहिरए णं भंते ! सूरमंडले केवइयं आयाम-विक्खंभेणं, केवइयं परिक्खेवेणं पण्णत्ते ? गोयमा ! एग जोयणसयसहस्सं छच्च सट्टे जोयणसए आयामविक्खंभेणं, तिण्णि य जोयणसयसहस्साइं अट्ठारस य सहस्साई तिण्णि य पण्णरसुत्तरे जोयणसए परिक्खेवेणं ।।।
१८. बाहिराणंतरे णं भंते ! सूरमंडले केवइयं आयाम-विक्खंभेणं, केवइयं परिक्खेवेणं पण्णत्ते ? गोयमा ! एगं जोयणसयसहस्सं छच्च चउप्पण्णे जोयणसए छव्वीसं च एगसट्ठिभागे जोयणस्स आयाम-विक्खंभेणं, तिण्णि य जोयणसयसहस्साई अट्ठारस य सहस्साई दोण्णि य सत्ताणउए जोयणसए परिक्खेवेणं ॥
१६. बाहिरतच्चे णं भंते ! सूरमंडले केवइयं आयाम-विक्खंभेणं, केवइयं परिक्खेवेणं पण्णत्ते ? गोयमा ! एगं जोयणसयसहस्सं छच्च अडयाले जोयणसए बावण्णं च एगसट्ठिभाए जोयणस्स आयाम-विक्खंभेणं, तिण्णि जोयणसयसहस्साइं अट्ठारस य सहस्साइं दोण्णि य अउणासीए जोयणसए किंचिविसेसाहिए परिक्खेवेणं । एवं खलु एएणं उवाएणं पविसमाणे सूरिए तयणंतराओ मंडलाओ तयणंतरं मंडलं संकममाणे-संकममाणे पंच-पंच जोयणाइं पणतीसं च एगसट्ठिभाए जोयणस्स एगमेगे मंडले विक्खंभवुड्डि णिवड्ढेमाणे१. विसेसाहिए (अ,क,ख,त्रि,ब,स)।
लम्ब्य किञ्चिन्यूनत्वस्याविवक्षणम् (हीव) । २. जोयणसयं परिक्षेपे सप्तोत्तरं योजनशतं ३. उवसंकममाणे (प)। किञ्चिदुनं वक्तव्यम् । यदागम:-'एगं सत्तुत्तरं ४. x (प,शावृ)। जोयणसयं किंचिविसेसूर्ण परिक्खेवेणं पण्णत्ते' ५. णिवुड्ढेसमाणे (अ); णिवुढेसमाणे (ब)। त्ति सूर्यप्रज्ञप्तौ यद्वात्र सूत्रे व्यवहारनयमव.
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |