Page Text
________________
जंबुद्दीवपण्णत्ती य सट्ठिभाएहिं जोयणस्स सूरिए चक्खुप्फासं हव्वमागच्छइ । एस णं पढमे छम्मासे, एस णं पढमस्म छम्मासस्स पज्जवसाणे। से पविसमाणे सूरिए दोच्चे छम्मासे अयमाणे पढमंसि अहोरत्तंसि बाहिराणंतरं मंडलं उवसंकमित्ता चारं चरइ॥
२४. जया णं भंते । सूरिए बाहिराणंतरं मंडलं उवसंकमित्ता चारं चरइ, तया णं एगमेगेणं मुहुत्तेणं केवइयं खेत्तं गच्छइ ? गोयमा ! पंच-पंच जोयणसहस्साइं तिण्णि य चउरुत्तरे जोयणसए सत्तावण्णं च सद्विभाए जोयणस्स एगमेगेणं मुहुत्तेणं गच्छइ। तया णं इहगयस्स मणूसस्स एगत्तीसाए जोयणसहस्सेहिं णवहि य सोलसुत्तरेहि जोयणसएहिं इगुणालीसाए य सट्ठिभाएहिं जोयणस्स सट्ठिभागं च एगसट्ठिहा' छेत्ता सट्ठीए चुण्णियाभागेहि सूरिए चक्खुप्फासं हव्वमागच्छइ । से पविसमाणे सूरिए दोच्चंसि अहोरत्तसि बाहिरतच्चं मंडलं उवसंकमित्ता चारं चरइ ।
२५. जया णं भंते ! सूरिए बाहिरतच्चं मंडलं उवसंकमित्ता चारं चरइ, तया णं एगमेगेणं मुहत्तेणं केवइयं खेत्तं गच्छइ ? गोयमा ! पंच-पंच जोयणसहस्साइं तिण्णि य चउरुत्तरे जोयणसए इगुणालीसं च सद्विभाए जोयणस्स एगमेगेणं मुहुत्तेणं गच्छइ । तया णं इहगयस्स मणूसस्स एगाहिएहि बत्तीसाए जोयणसहस्सेहिं एगण गणाए य सट्ठिभाएहिं जोयणस्स सट्ठिभागं च एगसट्ठिहा छेत्ता तेवीसाए चुणियाभाएहि सूरिए चक्खुप्फासं हव्वमागच्छइ । एवं खलु एएणं उवाएणं पविसमाणे सुरिए तयणंतराओ मंडलाओ तयणंतरं मंडलं संकममाणे-संकममाणे अट्ठारस-अट्ठारस सट्ठिभाए जोयणस्स एगमेगे मंडले मुहुत्तगई निवड्ढेमाणे-निवड्ढेमाणे साइरेगाइं पंचासीई-पंचासीइं जोयणाइं पुरिसच्छायं अभिवड्ढेमाणे-अभिवड्ढेमाणे सव्वब्भंतरं मंडलं उवसंक मित्ता चारं चरइ । एस णं दोच्चे छम्मासे, एस णं दोच्चस्स छम्मासस्स पज्जवसाणे, एस णं आइच्चे संवच्छरे, एस णं आइच्चस्स संवच्छरस्स पज्जवसाणे पण्णत्ते ।।
२६. जया णं भंते ! सूरिए सव्वभंतरं मंडल उवसंकमित्ता चारं चरइ, तया णं केमहालए दिवसे, केमहालया राई भवइ ? गोयमा ! तया णं उत्तमकट्टपत्ते उक्कोसए अट्ठारसमुहुत्ते दिवसे भवइ, जहणिया दुवालसमुहुत्ता राई भवइ । से णिक्खममाणे सूरिए णवं संवच्छरं अयमाणे पढमंसि अहोरत्तंसि अब्भंतराणंतरं मंडलं उवसंकमित्ता चार चरइ॥
२७. जया णं भंते ! सूरिए अभंतराणंतरं मंडलं उवसंकभित्ता चारं चरइ, तया णं केमहालए दिवसे, केमहालया राई भवइ ? गोषमा ! तथा णं अवारसमुहुते दिवसे भवइ दोहिं एगसट्ठिभागमुहुत्तेहिं ऊणे, दुवालसमुहुत्ता राई भवइ दोहि य एगसट्ठि
१. अयमीणं (अ,क,ब) अग्रेपि सर्वत्र । २. ऊणालीसाए (अ,ब); ऊगुतालीसाए (क,ख)
उगुणतालीसाए (त्रि,स) । ३. एगट्ठिधा (अ,क,ख,त्रि,ब,स)। ४. ऊतालीसं (अ,ब); ऊगुतालीसं (क,ख);
उगुणतालीसं (त्रि), उणतालीसं (स)। ५. एकाहिहि (ज,क,ख,ब) । ६. केमहल्लिया (अ,ब,त्रि ब,स)। ७. केमहालिया (ब)। ८. मुहत्तेणं (ख,स) ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |