Page Text
________________
५५१
छट्ठो वक्खारो भवंतीतिमक्खायं ॥
२०. जंबुद्दीवे णं भंते ! दीवे 'हेमवय-हेरण्णवएसु'२ वासेसु कइ महाणईओ पण्णत्ताओ? गोयमा ! चत्तारि महाणईओ पण्णत्ताओ, तं जहा-रोहिया रोहियंसा सुवण्णकूला रुप्पकूला'। तत्थ णं एगमेगा महाणई अट्ठावीसाए-अट्ठावीसाए सलिलासहस्सेहिं समग्गा पुरथिमपच्चत्थिमेणं लवणसमुदं समप्पे... एवामेव सपुवावरेणं जंबुद्दीवे दीवे हेमवय - हेरण्णवएसु वासेसु बारसुत्तरे सलिलासयसहस्से भवतीतिमक्खायं ॥
२१. जंबुद्दीवे णं भंते ! दीवे हरिवास-रम्मगवासेसु कइ महाणईओ पण्णत्ताओ? गोयमा ! चत्तारि महाणईओ पण्णत्ताओ, तं जहा----हरी हरिकंता णारकंता णरिकता। तत्थ णं एगमेगा महाणई छप्पण्णाए-छप्पण्णाए सलिलासहस्सेहि समग्गा पुरत्थिमपच्चत्थिमेणं लवणसमुदं समप्पेइ --एदामेव सपुव्वावरेणं जंबुद्दीवे दीवे हरिवास-रम्मगवासेसु दो चउवीसा सलिलासयसहस्सा भवंतीतिमक्खायं ॥
२२. जंबुद्दीवे णं भंते ! दीवे महाविदेहे वासे कइ महाणईओ पण्णत्ताओ? गोयमा ! दो महाणईओ पण्णत्ताओ, तं जहा---सीया य' सीतोदा य। तत्थ णं एगमेगा महाणई पंचहि-पंचहि सलिलासयसहस्सेहिं बत्तीसाए य सलिलासहस्सेहि समग्गा पुरत्थिमपच्चत्थिमेणं लवणसमुदं समप्पेइ-एवामेव सपुव्वावरेणं जंबुद्दीवे दीवे महाविदेहे वासे दस सलिलासयसहस्सा चउसट्टि च साललासहस्सा मक्खायं ॥
२३. जंबुद्दीवे णं भंते ! दीवे मंदरस्स" पव्वयस्स दक्खिणेणं केवइया सलिलासयसहस्सा पुरत्थिमपच्चत्थिमाभिमुहा लवणसमुदं समप्पेंति ? गोयमा ! एगे छण्णउए सलिलासयसहस्से पुरथिमपच्चत्थिमाभिमुहे लवणसमुई समप्पेइ ॥
२४. जंबुद्दीवे णं भंते ! दीवे मंदरस्स पव्वयस्स उत्तरेणं केवइया सलिलासयसहस्सा पुरत्थिमपच्चत्थिमाभिमुहा लवणसमुई समप्पेंति ? गोयमा ! एगे छण्णउए सलिलासयसहस्से पुरथिमपच्चत्थिमाभिमुहे 'लवणसमुई समप्पेइ ॥
२५. जंबहीवे णं भंते ! दीवे केवइया सलिलासयसहस्सा परत्थिमाभिमहा' लवणसमुदं समति ? गोयमा ! सत्त सलिलासयसहस्सा अट्ठावीसं च सहस्सा पुरत्थिमाभिमुहा लवणसमुई समप्पेंति ॥
२६. जंबुद्दीवे णं भंते ! दीवे केवइया सलिलासयसहस्सा पच्चत्थिमाभिमुहा लवणसमुई समप्पेंति ? गोयमा! सत्त सलिलासयसहस्सा अट्ठावीसं च सहस्सा पच्चत्थिमाभिमुहा लवणसमुदं समप्पेंति-एवामेव सपुव्वावरेणं जंबुद्दीवे दीवे चोद्दस सलिलासयसहस्सा छप्पण्णं च सहस्सा भवंतीतिमक्खायं ॥
१. मक्खाया (अ,क,ख,त्रि,ब,स)। २. हेमवएरण्णवएसु (अ,क,ख,त्रि,ब,स) अग्रपि। ३. रुप्पीकूला (त्रि); रुक्मीकूला (हीवृ)। ४. ४ (अ,त्रि,ब)।
५. मंदिरस्स (अब) अग्रेपि । ६. संपा० - पच्चत्थिमाभिमुहे जाव समप्पेइ। ७. पुरत्थाभिमुहा (त्रि,प) । ८.सं० पा०-सहस्सा जाव समप्येति ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |