________________
सत्तमो वक्खारो
१. जंबुद्दीवे णं भंते ! दीवे कइ चंदा पभासिंसु पभासंति पभासिस्संति ? कइ सूरिया' तवइंसु तवेंति तविस्संति ? केवइया णक्खत्ता जोगं जोएंसु जोएंति जोएस्संति ? केवइया महग्गहा चारं चरिंसु चरंति चरिस्संति ? केवइयाओ तारागणकोडाकोडीओ सोभं' सोभिंसु सोभंति सोभिस्संति ? गोयमा ! दो चंदा पभासिसु पभासंति पभासिस्संति, दो सूरिया तवइंसु तवेंति तविस्संति, छप्पण्णं णवखत्ता जोगं जोइंसु जोएंति जोएस्संति, छावत्तरं महग्गहसयं चारं चरिंसु चरंति चरिस्संति, गाहा-- एगं च सयसहस्सं, तेत्तीसं खलु भवे सहस्साई।
णव य सया पण्णासा, तारागणकोडिकोडिणं ॥१॥ २. कइ णं भंते ! सूरमंडला पण्णत्ता ? गोयमा! एगे चउरासीए मंडलसए पण्णत्ते ॥
३. जंबुद्दीवे णं भंते ! दीवे केवइयं ओगाहित्ता केवइया सूरमंडला पण्णत्ता ? गोयमा! जंबुद्दीवे दीवे असीयं जोयणसयं ओगाहित्ता, एत्थ णं पण्णट्ठी सूरमंडला पण्णत्ता॥
४. लवणे णं भंते ! समुद्दे केवइयं ओगाहित्ता केवइया सूरमंडला पण्णत्ता ? गोयमा ! लवणे णं समुद्दे तिण्णि तीसे जोयणसए ओगाहित्ता, एत्थ णं एगूणवीसे सूरमंडलसए पण्णत्ते एवामेव सपुव्वावरेणं जंबुद्दीवे दीवे 'लवणे य समुद्दे" एगे चुलसीए सूरमंडलसए भवतीतिमक्खायं ॥
५. सव्वभंतराओ णं भंते ! सूरमंडलाओ केवइयं अबाहाए सव्वबाहिरए सूरमंडले पण्णत्ते ? गोयमा ! पंचदसुत्तरे जोयणसए अबाहाए सव्वबाहिरए सूरमंडले पण्णत्ते ॥
६. सूरमंडलस्स णं भंते ! सूरमंडलस्स य केवइयं अबाहाए अंतरे पण्णत्ते? गोयमा ! 'दो-दो" जोयणाई अबाहाए अंतरे पण्णत्ते ॥
७. सूरमंडले णं भंते ! केवइयं आयाम-विक्खंभेणं, केवइयं परिक्खेवेणं, केवइयं
१. सूरा (त्रि) । २. ४ (क,ख,त्रि,प,स) । ३. लवणसमुद्दे (अ,ब)।
४. केवइयाए (क,ख,प,स); केवइए (त्रि)। ५. दो (प,शावृ) सर्वत्र ।
५५२
Jain Education International
For Private & Personal Use Only
www.jainelibrary.org
