Page Text
________________
५५०
जंबुद्दीवपण्णत्ती
११. जंबुद्दीवे णं भंते ! दोवे केवइया वासहरक डा? केवइया वक्खारकुडा ? केवइया वेयड्डकूडा ? केवइया मंदरकूडा पण्णत्ता ? गोयमा ! छप्पण्णं वासहरकूडा, छण्णउइं वक्खारकूडा, तिण्णि छलुत्तरा वेयड्डकूडसया, णव मंदरकूडा पण्णत्ता---एवामेव सपूवावरेणं जंबुद्दीवे दीवे चत्तारि सत्तट्टा' कूडसया भवंतीतिमक्खायं ॥
- १२. जंबहीवे णं भंते ! दीवे भरहे वासे कइ तित्था पण्णत्ता? गोयमा ! तओ तित्था पण्णत्ता, तं जहा मागहे वरदामे पभासे ॥
१३. जंबूट्टीवे णं भंते ! दीवे एरवए वासे कइ तित्था पण्णत्ता ? गोयमा! तओ तित्था पण्णत्ता, तं जहा-मागहे वरदामे पभासे ॥
१४. जंबुद्दीवे णं भंते ! दीवे महाविदेहे वासे एगमेगे चक्कवट्टिविजए कइ तित्था पण्णत्ता ? गोयमा ! तओ तित्था पण्णत्ता, तं जहा.....मागहे वरदामे पभासे....एवामेव सपवावरेणं जंबुद्दीवे दीवे एगे बिउत्तरे तित्थसए भवतीतिमक्खायं ॥
१५. जंबुद्दीवे णं भंते ! दीवे केवइयाओ विज्जाहरसेढीओ ? केवइयाओ आभिओगसेढीओ पण्णत्ताओ? गोयमा ! जंबुद्दीवे दीवे अट्ठसट्ठी विज्जाहरसेढीओ, अट्टसट्ठी आभिओगसेढीओ पण्णत्ताओ - एवामेव सपुत्वावरेणं जंबुद्दीवे दीवे छत्तीसे सेढीसए भवतीतिमक्खायं ॥
१६. जंबुद्दीवे णं भंते ! दीवे केवइया चक्कवट्टिविजया ? केवइयाओ रायहाणीओ? देवयाओ तिमिसगृहाओ ? केवइयाओ खंडप्पवायगृहाओ? केवइया कयमालया देवा ? केवडया णदमालया देवा ? केवइया उसभकडा पव्वया पण्णत्ता ? गोयमा ! जंबहीवे दीवे चोत्तीसं चक्कवट्टिविजया, चोत्तीसं रायहाणीओ, चोत्तीसं तिमिसगुहाओ, चोत्तीसं खंडप्पवायगुहाओ, चोत्तीसं कयमालया देवा, चोत्तीसं णट्टमालया देवा, चोत्तीसं उसभकूडा पव्वया पण्णत्ता ।।
१७. जंबुद्दीवे णं भंते ! दीवे केवइया महदहा पण्णत्ता ? गोयमा ! सोलस महदहा पण्णत्ता॥
१८. जंबुद्दीवे णं भंते ! दीवे केवइयाओ महाणईओ वासहरपवहाओ ? केवइयाओ महाणईओ कुंडप्पवहाओ पण्णत्ताओ? गोयमा ! जंबुद्दीवे दीवे चोद्दस महाणईओ वासहरपवहाओ, छावरि महाणईओ कुंडप्पवहाओ एवामेव सपुव्वावरेणं जंबुद्दीवे दीवे णउई महाणईओ भवंतीतिमक्खायं ।।
१६. जंबुद्दीवे णं भंते ! दीवे भरहेरवएसु वासेसु कइ महाणईओ पण्णत्ताओ ? गोयमा ! चत्तारि महाणईओ पण्णत्ताओ, तं जहा- गंगा सिंधु रत्ता रत्तवई। तत्थ णं एगमेगा महाणई चउद्दसहि सलिलासहस्सेहिं समग्गा पुरथिमपच्चत्थिमेणं लवणसमुई समप्पेइ --एवामेव सपुव्वावरेणं जंबुद्दीवे दीवे भरहेरवएसु वासेसु छप्पण्णं सलिलासहस्सा
१. सत्तसट्ट (त्रि)। २. पिउत्तरे (अ,ब)। ३. अट्ठसट्टि (अ,क,ख,त्रि,ब,स) । ४. मक्खाए (अ,क,ख,त्रि,ब,स)।
५. महादहा (त्रि)। ६. एगमेका (अ,ब) । ७. पुरत्थिमेणं पच्चत्थिमेणं (त्रि) अग्रेपि ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |