________________
५२४
जंबुद्दीवपण्णत्ती कूडे रत्ताकूडे लच्छीकूडे रत्तवईकूडे इलादेवीकूडे एरवयकूडे तिगिच्छिकूडे' । एवं सव्वेवि एते' कूडा पंचसइया, रायहाणीओ उत्तरेणं ॥
२७६. से केणठेणं भंते ! एवं वुच्चइ सिहरिवासहरपव्वए ? सिहरिवासहरपव्वए ? गोयमा ! सिहरिम्मि' वासहरपव्वए बहवे कूडा सिहरिसंठाणसंठिया सव्वरयणामया सिहरी य इत्थ देवे जाव' परिवसइ। से तेणठेणं ॥
२७७. कहि णं भंते ! जंबुद्दीवे दीवे एरावए णामं वासे पण्णत्ते ? गोयमा ! सिहरिस्स उत्तरेणं, उत्तरलवणसमुद्दस्स दक्खिणेणं, पुरत्थिमलवणसमुदस्स पच्चत्थिमेणं, पच्चत्थिमलवणसमुदस्स पुरत्थिमेणं, एत्थ णं जंबुद्दीवे दीवे एरावए णामं वासे पण्णत्तेखाणुबहुले, कंटकबहुले, एवं जच्चेव भरहस्स वत्तव्वया सच्चेव सव्वा निरवसेसा णेयव्वा सओयवणा सणिक्खमणा सपरिनिव्वाणा, णवरं-एरावओ चक्कवट्टी, एरावओ देवो। से तेणढेणं एरावए वासे-एरावए वासे ।।
१. तिगिच्छकूडे (अ); तिगिछिकूडे (क,त्रि, प); तिगिच्छे कूडे (ख); तेगिच्छिकूडे
(ब)। २. x (प)।
३. सिहरिम्हि (म,त्रि,ब) । ४. जं० ११२४ । ५. जं० ३३१-२२६ ।
Jain Education International
For Private & Personal Use Only
www.jainelibrary.org
