Page Text
________________
५२२
जंबुद्दीवपण्णत्ती
२६५. कहि णं भंते ! जंबुद्दीवे दीवे रम्मए णामं वासे पण्णत्ते ? गोयमा ! णीलवंतस्स उत्तरेणं, रुप्पिस्स दक्खिणेणं, पुरत्थिमलवणसमुद्दस्स पच्चत्थिमेणं, पच्चत्थिमलवणसमुदस्स पुरत्थिमेणं, एवं जह चेव हरिवासं तह चेव रम्मयं वासं भाणियव्वं', णवरंदक्खिणेणं जीवा उत्तरेणं धj [धणुपट्ठ ? ] अवसेसं तं चेव ॥
२६६. कहि णं भंते ! रम्मए वासे गंधावई णामं वट्टवेयड्ढपव्वए पण्णत्ते ? गोयमा ! णरकताए पच्चत्थिमेणं, णारीकंताएं पुरत्थिमेणं, रम्मगवासस्स बहुमज्झदेसभाए, एत्थ णं गंधावई णामं वट्टवेयड्ढे पव्वए पण्णत्ते, जं चेव वियडावइस्स तं चेव गंधावइस्सवि वत्तव्यं । अट्ठो, बहवे उप्पलाइं जाव' गंधावइवण्णाइं गंधावइवण्णाभाई गंधावइप्पभाई। 'पउमे य इत्थ" देवे महिड्डीए जाव पलिओवमट्टिईए परिवसइ । रायहाणी उत्तरेणं ।
२६७. से केणट्टेणं भंते ! एवं वुच्चइ--रम्मए वासे ? रम्मए वासे? गोयमा ! रम्मगवासे णं रम्मे रम्मए रमणिज्जे। 'रम्मए य इत्थ६ देवे जाव परिवसइ। से तेणठेणं ॥
२६८. कहि णं भंते ! जंबुद्दीवे दीवे रुप्पी णामं वासहरपव्वए पण्णत्ते ? गोयमा ! रम्मगवासस्स उत्तरेणं, हेरण्णवयवासस्स दक्खिणेणं, पुरथिमलवणसमुदस्स पच्चत्थिमेणं, पच्चत्थिमलवणसमुदस्स पुरत्थिमेणं, एत्थ णं जंबुद्दीवे दीवे रुप्पी णामं वासहरपव्वए पण्णत्ते-पाईणपडीणायए उदीणदाहिणविच्छिण्णे, एवं 'जा चेव महाहिमवंतवत्तव्वया 'सा चेव'२ रुप्पिस्सवि, णवरं-दाहिणेणं जीवा उत्तरेणं धj [धणुपट्ट् ? ] अवसेसं तं चेव, महापुंडरीए दहे, णरकता महाणदी" दक्खिणेणं णेयव्वा, जहा५ रोहिया पुरत्थिमेणं गच्छइ, रुप्पकूला उत्तरेणं णेयव्वा, जहा६ हरिकता पच्चत्थिमेणं गच्छइ, अवसेसं तं चेव ॥
२६६. रुप्पिम्मि णं भंते ! वासहरपव्वए कइ कूडा पण्णत्ता ? गोयमा ! अट्ठ कूडा पण्णत्ता, तं जहागाहा--
सिद्धे रुप्पी रम्मग, णरकता बुद्धि रुप्पकूला य ।
हेरण्णवए मणिकंचणे य रुप्पिम्मि कूडाइं ॥१॥ सव्वेवि एए पंचसइया, रायहाणीओ उत्तरेणं ॥
१. ४ (अ,क,ख,त्रि,ब,स,पुव,हीव)। २. जं० ४१८१-८३। ३. द्रष्टव्यम् -४१५७ सूत्रस्य पादटिप्पणम् । ४. नारिकताए (अ,क,ख,ब,स)। ५.० ४।८४1 ६. x (अप,ब,शावृ)। ७. पउमेत्थ (अ,ब); पउमे इत्थ (क,ख,त्रि,स)। ८. जं० २४। ६. रमएत्थ (अ,ब); रम्मए इत्थ (ख,त्रि,स) ।
१०. हेरण्णवासस्स (अ,क,ख,त्रि,ब,स)। ११. जच्चेव (अ,त्रि,ब); ज० ४,६२,६३६ १२. सच्चेव (अ,त्रि,ब)। १३. णारिकता (अ,ब); स्थानाङ्गपि (२।२६३),
'णरकता' इत्येव पाठो लभ्यते । १४. नदी (प)। १५. जं०४।६४-७२ । १६. जं० ४१७३-७८ ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |