Page Text
________________
५२०
जंबुद्दीवपण्णत्ती
अच्छा जाव' बहुमज्झदेसभाए सीहासणं, तत्थ णं बहूहि भवणवइ- वाणमंतर-जोइसियवेमाणिएहि देवेहि देवीहि य एरावयगा तित्थयरा अभिसिच्चंति ॥
२५३. मंदरस्स णं भंते ! पव्वयस्स कइ कंडा पण्णत्ता ? गोयमा ! तओ कंडा पण्णत्ता, तं जहा...'हेट्ठिल्ले कंडे, मज्झिमिल्ले कंडे, उवरिल्ले कंडे' ॥
२५४. मंदरस्स णं भंते ! पव्वयस्स हेडिल्ले कंडे कतिविहे पण्णत्ते ? गोयमा ! चउव्विहे पण्णत्ते, तं जहा....पुढवी उवले वइरे सक्करा ॥
२५५. मज्झिमिल्ले णं भंते ! कंडे कतिविहे पण्णत्ते ? गोयमा ! चउविहे पण्णत्ते, तं जहा-अंके फलिहे जायरूवे' रयए॥
२५६. उवरिल्ले कंडे कतिविहे पण्णत्ते ? गोयमा ! एगागारे पण्णत्ते सव्वजबूणयामए॥
२५७. मंदरस्स णं भंते ! पव्वयस्स हेट्ठिल्ले कंडे केवइयं बाहल्लेणं पण्णत्ते ? गोयमा ! एगं जोयणसहस्सं बाहल्लेणं पण्णत्ते ॥
२५८. मज्झिमिल्ले कंडे पुच्छा। गोयमा तेवढेि जोयणसहस्साई बाहल्लेणं पण्णत्ते ॥ __२५६. उवरिल्ले पुच्छा। गोयमा ! छत्तीसं जोयणसहस्साई बाहल्लेणं पण्णत्ते । एवामेव सपुत्वावरेणं मंदरे पव्वए एगं जोयणसयसहस्सं सव्वग्गेणं पण्णत्ते ॥
२६०. मंदरस्स णं भंते ! पव्वयस्स कति णामधेज्जा पण्णत्ता ? गोयमा ! सोलस णामधेज्जा पण्णत्ता, तं जहागाहा
मंदर मेरु मणोरम सूदंसण सयंपभे य गिरिराया। रयणोच्चए सिलोच्चए' मज्झे लोगस्स णाभी य ॥१॥ अच्छे य सूरियावत्ते सूरियावरणे ति या।
उत्तमे य दिसादी य, वडेंसेति य सोलस ॥२॥ २६१. से केणठेणं भंते ! एवं वुच्चइ-मंदरे पव्वए? मंदरे पव्वए ? गोयमा ! मंदरे पव्वए मंदरे णामं देवे परिवसइ महिड्डीए जाव पलिओवमट्टिईए । से तेणठेणं गोयमा ! एवं वुच्चइ..मंदरे पव्वए-मंदरे पव्वए। १.० ४१२४५-२४८ ।
६ जोयणसहस्स (प,ब,स) अशुद्धं प्रतिभाति । २. सं०पा०-भवणवइ जाव देवेहिं ।
१०. समवायाङ्गे (१६५३) त्रयाणां नाम्नां भेदो ३. हेट्रिल्ल कंडे मज्झिमकंडे उवरिल्लकंडे (अत्रि, दृश्यते.......
ब, पुवृ, हीवृ); °मज्झिल्ले कंडे (स) ।। मंदर-मेरु-मणोरम-सुदंसण सयंपों य गिरिराया। ४. वतिरे (ख)।
रयणुच्चय पियदंगण, मज्झे लोगस्स नाभी य ॥१॥ ५. जावरूवे (अ,ब)।
अत्थे य सूरियावत्ते, सूरियावरणेत्ति य । ६. एक्काक्कारे (अ,त्रि,ब)।
उत्तरे य दिशाई य, वडेंसे इय सोलसे ॥२॥ ७. सव्वजंबूणतामए (अ,ब) ।
११. रयणुच्चए सिलुच्चए (क,ख,त्रि,स)। ८. मज्झिल्ले (अ,त्रि,ब)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |