Page Text
________________
चउत्यो वक्खारा
५१६ २४६. तीसे णं पंडुसिलाए चउद्दिसिं चत्तारि तिसोवाणपडिरूवगा पण्णत्ता जाव' तोरणा, वण्णओ॥
२४७. तीसे णं पंडुसिलाए उप्पि बहुसमरमणिज्जे भूमिभागे पण्णत्ते जाव देवा आसयंति सयंति ॥
२४८. तस्स णं बहुसमरमणिज्जस्स भूमिभागस्स बहुमज्झदेसभाए उत्तरदाहिणेणं, एत्थ णं दुवे अभिसेयसीहासणा पण्णत्ता - पंच धणुसयाइं आयाम-विक्खंभेणं, अड्डाइज्जाई धणुसयाइं बाहल्लेणं, सीहासणवण्णओ भाणियब्वो' विजयदूसवज्जो। तत्थ णं जेसे उत्तरिल्ले सीहासणे तत्थ णं बहूहिं भवणवइ-वाणमंतर-जोइसिय-वेमाणिएहिं देवेहि देवीहि य कच्छाइया तित्थयरा अभिसिच्चंति। तत्थ णं जेसे दाहिणिल्ले सीहासणे तत्थ णं बहुहिं भवण वइ-वाणमंतर-जोइसिय° वेमाणिएहिं देवेहिं देवीहि य वच्छाईया तित्थयरा अभिसिच्चंति ॥
२४६. कहि णं भंते ! पंडगवणे वणे पंडुकंबलसिला णामं सिला पण्णत्ता ? गोयमा ! मंदरचूलियाए दक्खिणेणं, पंडगवणदाहिणपेरंते, एत्थ णं पंडगवणे वणे पंडुकंबलसिला णामं सिला पण्णत्ता-पाईणपडीणायया उत्तरदाहिणविच्छिण्णा, एवं तं चेव पमाणं वत्तव्वया य भाणियव्वा जाव:--
२५०. तस्स णं बहुसमरमणिज्जस्स भूमिभागस्स बहुमज्झदेसभाए, एत्थ णं महं एगे सीहासणे पण्णत्ते, तं चेव सीहासणप्पमाणं', तत्थ णं बहूहिं भवणवइ'"-'वाणमंतर-जोइसिय-वेमाणिएहिं देवेहिं देवीहि य° भारहगा तित्थयरा अभिसिच्चंति ॥
२५१. कहि णं भंते ! पंडगवणे वणे रत्तसिला णामं सिला पण्णत्ता ? गोयमा ! मंदरचलियाए पच्चत्थिमेणं, पंडगवणपच्चत्थिमपेरंते, एत्थ णं पंडगवणे वणे रत्तसिला णामं सिला पण्णत्ता--- उत्तरदाहिणायया पाईणपडीणविच्छिण्णा जाव'' तं चेव पमाणं सव्वतवणिज्जामई अच्छा । तत्थ णं जेसे दाहिणिल्ले सीहासणे तत्थ णं बहूहिं भवणवइवाणमंतर-जोइसिय-वेमाणिएहिं देवेहिं देवीहि य पम्हाइया तित्थयरा अभिसिच्चति । तत्थ णं जेसे उत्तरिल्ले सीहासणे तत्थ णं बहूहि भवणवइ-वाणमंतर-जोइसिय-वेमाणिएहि देवेहिं देवीहि य वप्पाइया२ तित्थयरा अभिसिच्चंति ॥ २५२. कहि णं भंते ! पंडगवणे वणे रत्तकंबलसिला णामं सिला पण्णत्ता ? गोयमा !
ए उत्तरेणं, पंडगवणउत्तरचरिमंते, एत्थ णं पंडगवणे वणे रत्तकंबलसिला णामं सिला पण्णत्ता-पाईणपडीणायया उदीणदाहिणविच्छिण्णा सव्वतवणिज्जामई
१. जं०४।२६-३० । २. जं० १११३। ३. अभिसेया सीहासणा (अ,ब)। ४. जी० ३।३११ । ५. अभिसिंचंति (अ,ब)। ६. सं०पा० -भवण जाव वेमाणिएहि ।
७. पडियायता (अ,क,ब,स) । ८. ० ४१२४५-२४७ । ९. जं० ४।२४८ । १०. सं०पा०-भवणवइ जाव भारहगा। ११.० ४।२४५-२४८ । १२. वप्पातिया (अ,ब)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |