Page Text
________________
५१८
जंबुद्दीवपण्णत्ती
साहियं' परिक्खेवेणं । से णं एगाए पउमवरवेइयाए एगेण य वणसंडेणं जाव किण्हे देवा आसयंति ॥
२४२. पंडगवणस्स बहुमज्झदेसभाए, एत्थ णं मंदरचूलिया णामं चूलिया पण्णत्ता-- चत्तालीसं जोयणाई उड्ढे उच्चत्तेणं, मूले बारस जोयणाई विक्खंभेणं, मज्झे अट्ट जोयणाई विक्खंभेणं, उप्पि चत्तारि जोयणाइं विक्खंभेणं, मूले साइरेगाइं सत्तत्तीसं जोयणाई परिक्खेवेणं, मज्झे साइरेगाइं पणवीसं जोयणाइं परिक्खेवेणं, उप्पि साइरेगाइं बारस जोयणाई परिक्खेवेणं, मूले विच्छिण्णा मज्झे संखित्ता उप्पि तणुया गोपुच्छसंठाणसंठिया सव्ववेरुलियामई अच्छा। सा णं एगाए पउमवरवेइयाए 'एगेण य वणसंडेणं सव्वओ समंता संपरिक्खित्ता, उप्पि बहुसमरमणिज्जे भूमिभागे जाव सिद्धाययणं बहुमज्झदेसभाए---कोसं आयामेणं अद्धकोसं विक्खंभेणं, देसूणगं कोसं उड्ढ उच्चत्तेणं, अणेगखंभसयसण्णिविठे जाव धूवकडुच्छुगा ॥
२४३. मंदरचूलियाए" णं पुरत्थिमेणं पंडगवणं पण्णासं जोयणाई ओगाहित्ता, एत्थ णं महं एगे भवणे पण्णत्ते । एवं जच्चेव सोमणसवणे पुव्ववण्णिओ गमो भवणाणं ५ पूक्खरिणीणं पासायवडेंसगाण य, सो चेव णेयव्वो जाव६ सक्कीसाणवडेंसगा तेणं चेव परिमाणेणं ॥
२४४. पंडकवणे णं भंते ! वणे कइ अभिसेयसिलाओ पण्णत्ताओ? गोयमा ! चत्तारि अभिसेयसिलाओ पण्णत्ताओ, तं जहा-पंडुसिला पंडुकंबलसिला रत्तसिला रत्तकंबलसिला ॥
२४५. कहि णं भंते ! पंडगवणे वणे पंडुसिला णामं सिला पण्णत्ता ? गोयमा ! मंदरचूलियाए पुरत्थिमेणं, पंडगवणपुरथिमपेरंते, एत्थ णं पंडगवणे वणे पंडुसिला णामं सिला पण्णत्ता-उत्तरदाहिणायया पाईणपडीणविच्छिण्णा अद्धचंदसंठाणसंठिया पंचजोयणसयाइं आयामेणं, अड्डाइज्जाइं जोयणसयाई विक्खंभेणं, चत्तारि जोयणाई बाहल्लेणं, सव्वकणगामई अच्छ। । वेइयावणसंडेणं सव्वओ समंता संपरिक्खित्ता, वण्णओ८॥
१. किंचिविसेसाहिए (अ,क,ख,त्रि,ब,स)। ११. मंदरचूलगाए (अ,ब)। २. जं० १११०-१३। 'जाव' इति पदं किण्हे १२. जो चेव (क,ख,स)।
पदानंतरं युज्यते, अत्र कश्चिदलिपिप्रमादः १३. सोमणसवण (अ,ख,त्रि,ब,स); सोमणस (क); सम्भाव्यते।
सोमणसे (प)। ३. पणुवीसाइं (अ,ब); पणुवीसं (क,ख)। १४. X (अ,त्रि,ब)। ४. उवरिं (त्रि)।
१५. भवणं (अ,ख,ब); भवणस्स (क,त्रि) । ५. दुवालस (अत्रि,ब)।
१६. जं० ४।२४० । ६. सं०पा०-उमवरवेइयाए जाव संपरिक्खित्ता। १७. अन्यत्र तु पाण्डुकम्बला अतिपाण्डुकम्बला ७. जं० २३६,३७ ।
रक्तकम्बला अतिरक्तकम्बला नामान्तराणि ८. सिद्धायणं (अ,ब); सिद्धाययणे (क,ख,स)। (शावृ)। ६. देसूणं (क,त्रि)।
१८. जं० १११०-१३। १०. जं० ११३७-४० ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |