Page Text
________________
चउत्यो वक्खारो
५१५ २२५. मंदरे णं भंते ! पच्चए भद्दसालवणे कइ दिसाहत्थिकूडा पण्णत्ता ? गोयमा ! अट्ठ दिसाहत्थिकूडा पण्णत्ता, तं जहागाहा
पउमुत्तरे णीलवंते, सुहत्थी अंजणागिरी'।
कुमुदे य पलासे य, वडेंसे रोयणागिरी ॥ २२६. कहि णं भंते ! मंदरे पव्वए भद्दसालवणे पउमुत्तरे णाम दिसाहत्थिकूडे पण्णत्ते ? गोयमा ! मंदरस्स पव्वयस्स उत्तरपुरत्थिमेणं, पुरथिमिल्लाए सीयाए उत्तरेणं, एत्थ णं पउमुत्तरे णाम दिसाहत्थिकूडे पण्णत्ते-पंचजोयणसयाई उड्ढे उच्चत्तेणं, पंचगाउयसयाइं उव्वेहेणं, एवं विक्खंभे परिक्खेवो य भाणियव्वो' चुल्लहिमवंतकडसरिसो, पासायाण य 'तं चेव', पउमुत्तरो देवो, रायहाणी उत्तरपुरत्थिमेणं ॥
२२७. एवं णीलवंतदिसाहत्थिकूडे मंदरस्स दाहिणपुरत्थिमेणं, पुरथिमिल्लाए सीयाए दक्खिणेणं । एयस्सवि नीलवंतो देवो, रायहाणी दाहिणपुरत्थिमेणं ॥
२२८. एवं सुहत्थिदिसाहत्थिकूडे मंदरस्स दाहिणपुरत्थिमेणं, दक्खिणिल्लाए सीयोयाए पुरत्थिमेणं । एयस्सवि सुहत्थी देवो, रायहाणी दाहिणपुरत्थिमेणं ॥
२२६. एवं चेव अंजणागिरिदिसाहत्थिकूडे मंदरस्स दाहिणपच्चत्थिमेणं, दक्खिणिल्लाए सीतोदाए पच्चत्थिमेणं । एयस्सवि अंजणागिरी देवो, रायहाणी दाहिणपच्चत्थिमेणं॥
२३०. एवं कुमुदेवि दिसाहत्थिकूडे मंदरस्स दाहिणपच्चत्थिमेणं, पच्चत्थिमिल्लाए सीतोदाए दक्खिणेणं । एयस्सवि कुमुदो देवो,रायहाणी दाहिणपच्चत्थिमेणं ।।
२३१. एवं पलासेवि दिसाहत्थिकूडे मंदररस उत्तरपच्चत्थिमेणं, पच्चत्थिमिल्लाए सीतोदाए उत्तरेणं । एयस्सवि पलासो देवो, रायहाणी उत्तरपच्चत्थिमेणं ।।।
२३२. एवं वडेंसेवि दिसाहत्थिकूडे मंदरस्स उत्तरपच्चत्थिमेणं, उत्तरिल्लाए सीयाए महाणईए पच्चत्थिमेणं । एयस्सवि वडेंसो देवो, रायहाणी उत्तरपच्चत्थिमेणं ।।
२३३. एवं रोयणागिरी दिसाहत्थिकूडे मंदरस्स उत्तरपुरत्थिमेणं, उत्तरिल्लाए सीयाए पुरत्थिमेणं । एयस्सवि रोयणागिरी देवो, रायहाणी उत्तरपुरत्थिमेणं ।
२३४. कहि णं भंते ! मंदरे पव्वए णंदणवणे णामं वणे पण्णत्ते ? गोयमा ! भद्दसालवणस्स बहुसमरमणिज्जाओ भूमिभागाओ पंच जोयणसयाइं उड्ढं उप्पइत्ता, एत्थ णं मंदरे पव्वए णंदणवणे णाम वणे पण्णत्ते-पंच जोयणसयाइं चक्कवालविक्खंभेणं वट्टे वलयाकारसंठाणसंठिए, जे णं मंदरं पव्वयं सव्वओ समंता संपरिक्खित्ताणं चिट्टइ
१. अंजणगिरी (अ,प,ब,स)।
वृत्तिकृता मंष पाठो सब्धस्तेन विभक्तिलोपस्य २. वडेंसए (अ,ब); वतंसे (ख)।
सम्भावना कृता। ३. रोहणागिरि (शावृपा) ।
५. जं०४१४८-५२। ४. विक्खंभ (क,ख,त्रि,प,स,); अत्र विभक्तिलोपः ६. तदेव प्रमाणमिति गम्यम् (शाव) । प्राकृतत्वात् (शाव); ताडपत्रीयादर्श विक्खंभे ७. दाहिणपुरथिमिस्लेणं (ब)। इति पाठो लम्यते, किन्तु अर्वाचीनादर्शषु ८. वलास (ब)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |