Page Text
________________
५१६
बुद्दीपणती
णव जोयणसहस्साइं णव य चउप्पण्णे जोयणसए छच्चेगारसभाए जोयणस्स बाहिं गिरिविक्खभो, एगत्तीसं जोयणसहस्साइं चत्तारि य अउणासीए जोयणसए किंचिविसेसाहिए बाहि गिरिपरिरएणं, अट्ठ जोयणसहस्साइं णव य चउप्पण्णे जोयणसए छच्चेगारसभाए जोयणस्स अंतो गिरिविवखंभो, अट्ठावीसं जोयणसहस्साइं तिष्णि य सोलसुत्तरे जोयणसए अट्ठ य इक्कारसभाए जोयणस्स अंतो गिरिपरिएणं । से णं एगाए पउमवर वेश्याए एगेण य वणसंडेणं सव्वओ समता संपरिक्खित्ते, वण्णओ जाव' देवा आसयति ॥
२३५. मंदरस्स णं पव्वयस्स पुरत्थिमेणं, एत्थ णं महं एगे सिद्धाययणे पण्णत्ते । एवं चउद्दिसि चत्तारि सिद्धाययणा, विदिसासु पुक्खरिणीओ तं चेव' पमाणं सिद्धाययणाणं, पुक्खरिणीणं च, पासायवडेंसगा तह चेव सक्केसाणाणं तेणं चेव पमाणेणं' |
२३६. णंदणवणे णं भंते ! वणे कइ कूडा पण्णत्ता ? गोयमा ! णव कूडा पण्णत्ता, तं जहा -- णंदणवणकूडे मंदरकडे जिसहकूडे हिमवयकूडे रययकूडे रुयगकूडे सागरचित्तकूडे वइरकूडे बलकूडे ।
२३७. कहि णं भंते ! णंदणवणे णंदणवणकूडे णामं कूडे पण्णत्ते ? गोयमा ! मंदरस्स पव्वयस्स पुरत्थिमिल्ल सिद्धाययणस्स' उत्तरेणं, उत्तरपुरत्थिमिल्लस्स पासायवडेंसयस्स दक्खिणं, एत्थ णं णंदणवणे णामं कूडे पण्णत्ते । पंच सइया कूडा पुव्ववण्णिया भाणिव्वा देवी मेहंकरा, रायहाणी विदिसाए ।
२३८. एयाहि चेव पुव्वाभिलावेणं णेयव्वा इमे कूडा इमाहिं दिसाहि— पुरत्थि - मिल्लस्स भवणस्स दाहिणेणं, दाहिणपुरत्थिमिल्लस्स पासायवडेंसगस्स उत्तरेणं मंदरे कूडे, मेहवई देवी, रायहाणी पुव्वेणं । दक्खिणिल्लस्स भवणस्स पुरत्थिमेणं, दाहिणपुरत्थिमिल्लस्स पासायवडेंसगस्स पच्चत्थिमेणं णिसहे कूडे सुमेहा देवी, रायहाणी दक्खिणं । दक्खिणिल्लस्स भवणस्स पच्चत्थिमेणं, दक्खिणपच्चत्थिमिल्लस्स पासायवडेंसगस्स पुरत्थिमेणं 'हेमवए कूड़े मेघमालिनी देवी, रायहाणी दक्खिणं । पच्चत्थिमिल्लस्स भवणस्स दविखणेणं, दाहिणपच्चत्थिमिल्लस्स पासायवडेंसगस्स उत्तरेणं 'रयए कूडे "" सुवच्छा देवी, रायहाणी पच्चत्थिमेणं । पच्चत्थिमिल्लस्स भवणस्स उत्तरेणं,
१. जं० १।१०-१३ ।
२. जं० ४।२१६-२२४ ।
३. सक्कीमााणं ( अ, क, ब) ।
४. अत्र च पुष्करिणीनां नामानि सूत्रकारालिखितत्वाल्लिपिमादाद् वा आदर्शेषु न दृश्यन्ते इति तत्रं शान्यादिप्रासादक्रमादिमानि नामानि द्रष्टव्यानि पूज्यप्रणीतक्षेत्र विचारतः -- नन्दो - त्तरा, नन्दा, सुनन्दा, नन्दिवर्द्धना तथा नदिघेणा अमोघा गोस्तूपा सुदर्शना तथा भद्रा विशाला कुमुदा पुण्डरीकिणी तथा विजया वैजयन्ती अपराजिता जयन्ती ( शाबू ) ।
Jain Education International
५. पुरथिमिल्लस्स (क, ख, त्रि, स ) ।
६. अथ लाघवार्थमुक्तस्य वक्ष्यमाणानां च कूटानां साधारणमतिदिशति - पञ्चशतिकानि कूटानि पूर्व विदिहस्तिकूटप्रकरणं वर्णितानि उच्चत्वव्यासपरिधिवर्णसंस्थान राजधानीदिंगादिभिः तान्यत्र भणितव्यानीति शेष: ( शावृ ) । ७. सिह कूडे ( अ, क, ख, त्रि, ब, स ) । ८. हेमवयकूडे ( अ, क, ख, त्रि, ब, स ) । E. हेममालिनी ( क ) ।
१०. रययकूड़े ( अ, ब ) रजत कूडे ( क,ख,स); रयतकूडे (त्रि) ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |