Page Text
________________
जंबुद्दीवपण्णत्ती
२१७. तस्स णं सिद्धाययणस्स ति दिसि तओ दारा पण्णत्ता। ते णं दारा अटू जोयणाई उड्ढं उच्चत्तेणं, चत्तारि जोयणाइं विक्खंभेणं, तावइयं चेव पवेसेणं, सेया वरकणगथूभियागा जाव' वणमालाओ भूमिभागो य भाणियव्वो॥
२१८. तस्स णं बहुमज्झदेसभाए, एत्थ णं महं एगा मणिपेढिया पण्णत्ता-- अट्ठ जोयणाई आयाम-विवखंभेणं, चत्तारि जोयणाई बाहल्लेणं, सव्वरयणामई अच्छा ॥
२१६. तीसे णं मणिपेढियाए उरि देवच्छंदए-- अट्र जोयणाई आयाम-विक्खंभेणं, साइरेगाइं अट्ट जोयणाई उड्ढं उच्चत्तेणं जाव जिणपडिमावण्णओ देवच्छंदगस्स जाव' धूवकडुच्छ्याणं ॥ - २२०. मंदरस्स णं पव्वयस्स दाहिणेणं भद्दसालवणं पण्णासं, एवं चउद्दिसिंपि मंदरस्स भदृसालवणे चत्तारि सिद्धाययणा भाणियव्वा ॥
२२१. मंदरस्स णं पव्वयस्स उत्तरपुरत्थिमेणं भद्दसालवणं पण्णासं जोयणाई ओगाहित्ता, एत्थ णं चत्तारि णंदापुक्खरिणीओ पण्णत्ताओ, तं जहा
पउमा पउमप्पभा चेव, कुमुदा कुमुदप्पभा। ताओ णं पुवखरिणीओ पण्णासं जोयणाई आयामेणं, पणवीसं जोयणाई विक्खंभेणं, दस जोयणाइं उव्वेहेणं, वण्णओ वेइयावणसंडाणं भाणियव्वो। चउद्दिसिं तोरणा जाव' तासि णं पुवखरिणीणं बहुमज्झदेसभाए, एत्थ णं महं एगे ईसाणस्स देविंदस्स देवरण्णो पासायवडेंसए पण्णत्ते-- पंचजोयणसयाइं उड्ढं उच्चत्तेणं, अड्डाइज्जाइं जोयणसयाई विक्खंभेणं', अब्भुग्गयमूसियपहसिय विव एवं सपरिवारो पासायवडेंसओ भाणियव्वो" ॥ २२२. मंदरस्स णं एवं" दाहिणपुरत्थिमेणं पुक्खरिणीओ
उप्पलगुम्मा णलिणा, उप्पला उप्पलुज्जला।
तं चेव पमाणं मज्झे पासायवडेंसओ सक्कस्स सपरिवारो तेणं चेव पमाणेणं ।। २२३. दाहिणपच्चत्थिमेण वि पुक्खरिणीओ
भिंगा भिंगनिभा चेव, अंजणा कज्जलप्पभा२ ॥
पासायवडेंसओ सक्कस्स सीहासणं सपरिवारं॥ २२४. उत्तरपच्चत्थिमेणं पक्खरिणीओ
सिरिकता सिरिचंदा, सिरिमहिया चेव सिरिणिलया। पासायवडेंसओ ईसाणस्स सीहासणं सपरिवारं ॥
१. जी० ६।३००-३०६ । २. वणलयामालाओ (क,स); वणलयाओ (ख)। ३. जी० ३।४१४-४१६ । ४. पञ्चाशद्योजनान्यवगाोत्याद्यालापकोग्राद्यः
(शावृ)। ५. णंदाओ (अ,क,ख,त्रि,ब)। ६. पणुवीसं (अ,ख,ब)। ७. जी० ३।२८६।
८. जं० ४।२६-३० । ६. आयाम-विक्खंभेणं (क,ख,स) । १०. जी० ३१३३८-३४५; पण्ण०२।५१ । ११. एवमितिपदमुक्तातिदेशार्थं तेन 'भहसालवणं
पण्णासं जोअणाई ओगाहित्ता' इत्यादि ग्राह्यम्
(शा )। १२. अंजणप्पभा (प)। १३. सिरियंदा (अ,क,ख,त्रि,ब,स) । १४. तेव (ब)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |