Page Text
________________
चउत्थो वक्खारो
५१३
दो कूडा विजयसरि णामया भाणियव्वा । इमे दो-दो कूडा अवट्टिया तं जहा -- सिद्धाययणकूडे पव्वयसरिणामकूडे ॥
२१३. कहि णं भंते ! जंबुद्दीवे दीवे महाविदेहे वासे मंदरे णामं पव्वए पण्णत्ते ? गोयमा ! उत्तरकुराए दविखणेणं, देवकुराए उत्तरेणं, पुव्वविदेहस्स वासस्स पच्चत्थिमेणं, अवरविदेहस्स वासस्स पुरत्थिमेणं, जंबुद्दीवस्स दीवस्स बहुमज्झदेसभाए, एत्थ णं जंबुद्दीवे दीवे मंदरे णाम पव्वए पण्णत्ते - णवणउतिजोयणसहस्साई उड्ढं उच्चत्तेणं, एगं जोयणसहस्सं उव्वेणं, मूले दसजोयणसहस्साइं णवई च जोयणाई दस य एगारसभाए जोयणस्स विक्खंभेणं, धरणितले दस जोयणसहस्साइं विक्खंभेणं, तयणंतरं चणं मायाए- मायाए परिहायमाणे- परिहायमाणे उवरितले एगं जोयणसहस्सं विक्खंभेणं, मूले एकतीसं ' जोयणसहस्साइं णव य दसुत्तरे जोयणसए तिष्णि य एगारसभाए जोयणस्स परिक्खेवेणं, धरणितले एकतीसं जोयणसहस्साइं छच्च तेवीसे जोयणसए परिक्खेवेणं, उवरितले तिष्णि जोयणसहस्साइं एगं च बावट्ठे जोयणसयं किंचिविसेसाहियं परिक्खेवेणं, मूले विच्छिण्णे मज्झे संखित्ते उवरिं* तणुए गोपुच्छसंठाणसंठिए सव्वरयणामए अच्छे सहे । सेणं एगाए पउमवरवेइयाए एगेण य वणसंडेणं सव्वओ समंता संपरिक्खित्ते, वण्णओ ॥
1
२१४. मंदरे णं भंते ! पव्वए कइ वणा पण्णत्ता ? गोयमा ! चत्तारि वणा पण्णत्ता, तं जहा - भद्दसालवणे णंदणवणे सोमणसवणे पंडगवणे ॥
२१५. कहि णं भंते! मंदरे पव्वए भद्दसालवणे णामं वणे पण्णत्ते ? गोयमा ! धरणितले, एत्थ णं मंदरे पव्वए भद्दसालवणे णामं वणे पण्णत्ते- पाईणपडीणायए उदीणदाहिणविच्छिणे सोमणस - विज्जुप्पह-गंधमायण - मालवतेहिं वक्खारपव्वएहिं सीयासीतोदाहि य महाणईहिं अट्ठभागपविभत्ते, मंदरस्स पव्वयस्स पुरत्थिमपच्चत्थिमेणं बावीस-बावीसं'" जोयणसहस्साइं आयामेणं, उत्तरदाहिणेणं अड्डाइज्जाई अड्डाइज्जाई जयसाई विक्खंभेणं, से णं एगाए पउमवरवेइयाए एगेण य वणसंडेणं सव्वओ समंता संपरिक्खित्ते, दुहवि वण्णओ" भाणियव्वो- किण्हे किण्होभासे जाव देवा आसयंति सयंति ॥
२१६. मंदरस्स णं पव्वयस्स पुरत्थिमेणं भद्दसालवणं पण्णासं जोयणाई ओगाहित्ता, एत्थ णं महं एगे सिद्धाययणे पण्णत्ते- पण्णासं जोयणाई आयामेणं, पणवीसं जोयणाई विक्खंभेणं, छत्तीसं जोयणाई उड्ढं उच्चत्तेणं, अणेगखंभसयसण्णिविट्ठे वण्णओ" ॥
१. मंदिरे ( अ, ब ) अग्रेपि प्राय एवमेव ।
२. धरणियले ( अ, प, स ) ।
३. तदाणंतरं ( अ, ब ) ; त्रि, स) ।
४. एक्कतीसं ( अ, ब ) ; एगत्तीसं ( क, ख, त्रि, स ) ।
५. उप्पि ( अ, क, ख, त्रि,ब,स) ।
६. नं० १।१०-१३ ॥ ७. पादणपडियायते
(अ, ब ) ;
Jain Education International
तयाणंतरं (क, ख,
(कत्रि,स) ।
८. पच्चत्थिमेणं बावीस ( अ, ब ) ; पच्चत्थिमपुरस्थिमेणं बावीसं ( क,ख, स); पुरत्थिमेणं पच्चत्थिमेणं बावीसं २ (त्रि); पश्चिमपूर्वाभ्यां (हीवृ) ।
६. उत्तरेण दाहिणेणं (अ, क, ख,त्रि,ब,स) । १०. जं० ११०-१३ ।
पडियाय ११. जं १।३७ ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |