Page Text
________________
४८६
जंबुद्दीवपण्णत्ती समुदस्स पच्चत्थिमेणं, पच्चत्थिमलवणसमुद्दस्स पुरत्थिमेणं, एत्थ णं जंबुद्दीवे दीवे महाविदेहे णामं वासे पण्णत्ते-पाईणपडीणायए' उदीणदाहिणविच्छिण्णे पलियंकसंठाणसंठिए दुहा लवणसमुदं पुटठे-पुरथिमिल्लाए' 'कोडीए पुरथिमिल्लं लवणसमुदं° पुढे, पच्चथिमिल्लाए कोडीए पच्चत्थिमिल्लं लवणसमुदं पुठे, तित्तीसं जोयणसहस्साई छच्च चुलसीए जोयणसए चत्तारि य एगूणवीसइभाए जोयणस्स विक्खंभेणं। तस्स बाहा पुरत्थिमपच्चत्थिमेणं तेत्तीसं जोयणसहस्साई सत्त य सत्तसठे जोयणसए सत्त य एगूणवीसइभाए जोयणस्स आयामेणं। तस्स जीवा बहुमज्झदेसभाए पाईणपडीणायया दुहा लवणसमुदं पुट्ठा-पुरथिमिल्लाए कोडीए पुरथिमिल्लं लवणसमुदं पुढा, एवं पच्चत्थिमिल्लाए जाव पूटा, एगं जोयणसयसहस्सं आयामेणं। तस्स धणं [धणपटठं?] उभओ पासिं उत्तरदाहिणेणं एगं जोयणसयसहस्सं अट्ठावण्णं जोयणसहस्साइं एगं च तेरसुत्तरं जोयणसयं सोलस य एगूणवीसइभागे जोयणस्स किंचिविसेसाहिए परिक्खेवेणं ॥
__EE. महाविदेहे णं वासे चउविहे चउप्पडोयारे पण्णत्ते, तं जहा-पुव्वविदेहे अवरविदेहे देवकुरा उत्तरकुरा ॥
१००. महाविदेहस्स णं भंते ! वासस्स केरिसए आगारभावपडोयारे पण्णत्ते ? गोयमा ! बहुसमरमणिज्जे भूमिभागे पण्णत्ते जाव' कत्तिमेहि चेव अकत्तिमेहि चेव ॥
१०१. महाविदेहे णं भंते ! वासे मणुयाणं केरिसए आगारभावपडोयारे पण्णत्ते ? गोयमा ! तेसि णं मणुयाणं छव्विहे संघयणे छविहे संठाणे पंचधणुसयाइं उड्ढे उच्चत्तेणं, जहण्णेणं अंतोमुहुत्तं, उक्कोसेणं पुव्वकोडी आउयं पालेंति, पालेत्ता अप्पेगइया णिरयगामी, •अप्पेगइया तिरियगामी, अप्पेगइया मणुयगामी, अप्पेगइया देवगामी,° अप्पेगइया सिझंति बुझंति मुच्चंति परिणिव्वंति सव्वदुक्खाणं अंतं करेंति ॥
१०२. से केणठेणं भंते ! एवं वुच्चइ --महाविदेहे वासे ? महाविदेह वासे ? गोयमा! महाविदेहे णं वासे भरहेरवय-'हेमवय-हेरण्णवय"-हरिवास-रम्मगवासेहितो आयाम-विक्खंभ-संठाण-परिणाहेणं विच्छिण्णतरराए चेव विपुलतराए चेव महंततराए चेव सुप्पमाणतराए चेव । महाविदेहा यत्थ मणूसा परिवसंति । महाविदेहे यत्थ देवे महिड्डीए जाव पलिओवमट्टिईए परिवसइ। से तेणठेणं गोयमा ! एवं वुच्चइ-महाविदेहे वासेमहाविदेहे वासे। अदुत्तरं च णं गोयमा! महाविदेहस्स वासस्स सासए णामधेज्जे पण्णत्ते-जं ण कयाइ णासि ण कयाइ णत्थि ण कयाइ ण भविस्सइ, भुवि च भवइ य भविस्सइ य धुवे णियए सासए अक्खए अव्वए अवट्ठिए णिच्चे ॥
१०३. कहि णं भंते ! महाविदेहे वासे गंधमायणे णामं वक्खारपव्वए पण्णत्ते ?
१. पदीण पडियायए (अ, ब)। २. सं० पा०-पुरस्थिम जाव पुढें। ३. जं० १२१ । ४. कित्तिमेहिं (क, ख, प, स)।
५. सं० पा०—णिरयगामी जाव अप्पेगइया । ६. सं० पा०सिझंति जाव अंतं । ७. हेमवएरण्णवय (क, ख, ब, स); हेमवय
एरण्णवय (त्रि)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |