Page Text
________________
चउत्थो वक्खारो
४८७
गोयमा ! णीलवंतस्स' वासहरपव्वयस्स दाहिणेणं, मंदरस्स पव्वयस्स उत्तरपच्चत्थिमेणं, गंधिलावइस्स विजयस्स पुरथिमेणं, उत्तरकुराए पच्चत्थिमेणं, एत्थ णं महाविदेहे वासे गंधमायणे णामं वक्खारपव्वए पण्णत्ते - उत्तरदाहिणायए पाईणपडीणविच्छिण्णे तीसं जोयणसहस्साइं दुण्णि य णउत्तरे जोयणसए छच्च य एगूणवीसइभाए जोयणस्स आयामेणं, णीलवंतवासहरपब्वयंतेणं चत्तारि जोयणसयाई उड्ढं उच्चत्तेणं, चत्तारि गाउयसयाई उब्वेहेणं, पंच जोयणसयाइं विक्खंभेणं, तयणंतरं च णं मायाए-मायाए उस्सेहुन्वेहपरिवुड्डीए परिवड्डमाणे-परिवड्डमाणे विक्खंभपरिहाणीए परिहायमाणे-परिहायमाणे मंदरपव्वयंतेणं पंच जोयणसयाई उडढं उच्चत्तेणं, पंच गाउयसयाइं उव्वेहेणं, अंगूलस्स असंखेज्जइभाग विक्खंभेणं पण्णत्ते ...गयदंतसंठाणसंठिए सव्वरयणामए अच्छे, उभओ पासि दोहि पउमवरवेइयाहि दोहि य वणसंडेहि सव्वओ समता संपरिक्खित्ते ।।
१०४. गंधमायणस्स णं वक्खारपव्वयस्स उप्पि बहुसमरमणिज्जे भूमिभागे जाव' आसयंति ॥
१०५. गंधमायणे णं वक्खारपव्वए कति कूडा पण्णत्ता ? गोयमा ! सत्त कूडा पण्णत्ता, तं जहा -सिद्धायतणकूडे गंधमायणकूडे गंधिलावइकूडे उत्तरकुरुकूडे फलिहकूडे लोहियक्खकूडे आणंदकूडे ॥
१०६. कहि णं भंते ! गंधमायणे वक्खारपव्वए सिद्धायतणकूडे णामं कूडे पण्णत्ते ? गोयमा! मंदरस्स पव्वयस्स उत्तरपच्चत्थिमेणं, गंधमायणक डस्स दाहिणपुरस्थिमेणं, एत्थ णं गंधमायणे वक्खारपबए सिद्धायतणकूडे णामं कूडे पण्णत्ते। जं चेव चुल्लहिमवंते सिद्धायतणकूडस्स पमाणं तं चेव एएसि सव्वेसि भाणियव्वं', एवं चेव विदिसाहि तिण्णि कूडा भाणियव्वा, चउत्थे ततियस्स उत्तरपच्चत्थिमेणं, पंचमस्स दाहिणेणं, सेसा उत्तरदाहिणणं । फलिह-लोहियक्खेसु भोगंकर-भोगवईओ दो देवयाओ, सेसेसु सरिसणामया देवा। छसुवि पासायवडेंसगा, रायहाणीओ विदिसासू ॥
१०७. से केणठेणं भंते ! एवं वुच्चइ-गंधमायणे वक्खारपव्वए ? गंधमायणे वक्खारपव्वए ? गोयमा ! गंधमायणस्स णं वक्खारपव्वयस्स गंधे, से जहाणामएको?पूडाण वा पत्तपूडाण वा चोयपूडाण वा तगरपुडाण वा एलापूडाण वा चपापूडाण वा दमणापूडाण वा कंकूमपूडाण वा चंदणपूडाण वा उसीरपूडाण वा मरुयापूडाण वा जातिपुडाण वा जूहियापुडाण वा मल्लियापुडाण वा हाणमल्लियापुडाण वा केतकिपुडाण वा पाडलिपुडाण वा णोमालियापुडाण वा वासपुडाण वा कप्पूरपुडाण वा अणुवायंसि उब्भिज्जमाणाण वा णिब्भिज्जमाणाण वा कोटेज्जमाणाण वा° पीसिज्जमाणाण वा उक्किरिज्जमाणाण वा विकिरिज्जमाणाण वा परिभुज्जमाणाण वा' 'भंडाओ भंडं
१. णेलवंतस्स (अ, क ख, ब, स) । २. जं०१।१३। ३. आणंदनकूडे (ख)। ४. जं० ११३५-४६ । ५. x (अ, प, ब)।
६. सं० पा..... कोट्टपुडाण वा जाव पीसिज्जमा__णाण । ७. सं० पा०—परिभुज्जमाणाण वा जाव
ओराला।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |