Page Text
________________
चउत्थो वक्खारो
४८५
किंचिविसेसूणे परिक्खेवेणं, अच्छे, एवं कुंडवत्तव्वया णेयव्वा जाव' तोरणा ॥
६३. तस्स णं सीओदप्पवायकुंडस्स बहुमज्झदेसभाए, एत्थ णं महं एगे सीओदा दीवे णामं दीवे पण्णत्ते-चउसट्टि जोयणाई आयाम-विक्खंभेणं दोण्णि बिउत्तरे जोयणसए परिक्खेवेणं, दो कोसे ऊसि ए जलंताओ, सव्ववइरामए अच्छे, सेसं तमेव वेइयावणसंड-भू मिभाग-भवण-सयणिज्ज-अट्टो य भाणियव्वो ॥
६४. तस्स णं सीओदप्पवायकुंडस्स उत्तरिल्लेणं तोरणेणं सीओदा महाणई पवूढा समाणी देवकुरं" एज्जेमाणी-एज्जेमाणी चित्तविचित्तकूडे पव्वए निसढ-देवकुर-सूर-सुलसविज्जुप्पभद्दहे य दुहा विभयमाणी-विभयमाणी चउरासीए सलिलासहस्सेहिं आपूरेमाणीआपूरेमाणी भद्दसालवणं एज्जेमाणी-एज्जेमाणी मंदरं पव्वयं दोहिं जोयणेहि असंपत्ता पच्चत्थिमाभिमुही 'आवत्ता समाणी' अहे विज्जुप्पभं वक्खारपव्वयं दाल इत्ता मंदरस्स पव्वयस्स पच्चत्थिमेणं अवरविदेहं वासं दुहा विभयमाणी-विभयमाणी एगमेगाओ चक्कवट्टिविजयाओ अट्ठावीसाए-अट्ठावीसाए सलिलासहस्सेहिं आपूरेमाणी-आपूरेमाणी पंचहि सलिलासयसहस्सेहि दुतीसाए य सलिलासहस्सेहि समग्गा अहे जयंतस्स दारस्स जगई दालइत्ता पच्चत्थिमेणं लवणसमुदं समप्पेति ॥
६५. सीतोदा णं महाणई पवहे पण्णासं जोयणाई विक्खंभेणं, जोयणं उव्वेहेणं, तयणंतरं च णं मायाए-मायाए परिवड्डमाणी-परिवड्डमाणी मुहमूले पंच जोयणसयाई विक्खंभेणं, दस जोयणाई उव्वेहेणं, उभओ पासिं दोहि पउमवरवेइयाहिं दोहि य वणसंडेहि संपरिक्खित्ता ॥
६६. णिसढे णं भंते ! वासहरपव्वए कति कूडा पण्णत्ता ? गोयमा ! णव कुडा पण्णत्ता, तं जहा-सिद्धायतणकूडे णिसढकूडे' हरिवासकूडे पुव्वविदेहकूडे हरिकूडे धिइकूडे सीओदाकूडे अवरविदेहकूडे रुयगकूडे । जो चेव चुल्लहिमवंतकूडाणं उच्चत्त-विक्खंभपरिक्खेवो य पुव्ववण्णिओ रायहाणी य सच्चेव इहंपि णेयव्वा' ।
६७. से केणठेणं भंते ! एवं वच्चइ--णिसहे वासहरपव्वए? णिसहे वासहरपव्वए? गोयमा ! णिसहे णं वासहरपव्वए बहवे कूडा णिसहसंठाणसंठिया उसभसंठाणसंठिया। णिसहे यत्थ देवे महिड्डीए जाव पलिओवमट्टिईए परिवसइ । से तेणठेणं गोयमा! एवं वुच्चइ-णिसहे वासहरपव्वए-णिसहे वासहरपव्वए॥
६८. कहि णं भंते ! जंबुद्दीवे दीवे महा विदेहे णामं वासे पण्णत्ते ? गोयमा! णीलवंतस्स वासहरपव्वयस्स दक्खिणेणं, णिसहस्स वासहरपव्वयस्स उत्तरेणं, पुरथिमलवण१. जं० ४।२५-३० ।
७. सलिलासहस्सेहिं (क,त्रि,प); 'सय' इति पदं २. सीओदद्दीवे (अ,ब); सीतोददीवे (क,ख,प,स)। लिपिप्रमादात्त्रुटितं सम्भाव्यते । ३. पिउत्तरे (ब)।
८. दुवत्तीसाए (अ); दुबत्तीसाए (क, त्रि); ४. जं० ४।३१-३४ ।
बत्तीसाए (स)। ५. देवकुरुं (क, ख); अत्र सूत्रे एकवचनं ६. सिद्धायण' (अ, ब, स)। आकारान्तत्वं च प्राकृतत्वात् (शावू)।
१०. णिसभ° (अ, व); णिसह° (क, ख, स)। ६. पाठान्तरे आवर्तमाना (पुत्) ।
११. जं० ४१४५-५३) ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |