Uvangsuttani Part 05

SR No.: 003555
Original Sutra Author: N/A
Author: Tulsi Acharya, Mahapragna Acharya
Publisher: Jain Vishva Bharati
Publication Year: 1989
Total Pages: 1178
Language: Prakrit
Classification: Book_Devnagari, Agam, & Canon
File Size: 22 MB

Page 539

४६२
जंबुद्दीवपण्णत्ती
'जेणेव भरहे राया तेणेव उवागच्छंति, उवागच्छित्ता करयलपरिग्गहियं सिरसावत्तं मत्थए अंजलि कटट भ रहं रायाणं जएणं विजएणं वद्धाति, वद्धावेत्ता भरहस्स रणो णच्चास णाइदूरे सुस्सुसमाणा णमंसमाणा अभिमुहा विणएणं पंजलियडा पज्जुवासंति ॥
२०७. तए णं से भरहे राया आभिओग्गे देवे सद्दावेइ, सद्दावेत्ता एवं वयासो -- खिप्पामेव भो देवाणु प्पिया ! तं महत्थं महग्धं महरिहं महारायाभिसेयं उवट्ठवेह ।।
२०८. तए णं ते आभिओग्गा देवा भरहेणं रण्णा एवं वुत्ता समाणा हद्वतुट्ठचित्ता जाव' उत्तरपुरत्थिमं दिसीभागं अवक्कमंति, अवक्कमित्ता वेउव्वियसमुग्घाएणं समोहणंति', एवं जहा विजयस्स तहा इत्यंपि जाव' पंडगवणे एगओ मिलायंति, मिलाइत्ता जेणेव दाहिणभरहे वासे जेणेव विणीया रायहाणी तेणेव उवागच्छंति, उवागच्छित्ता विणीयं रायहाणि अणुप्पयाहिणीकरेमाणा-अणुप्पयाहिणीकरेमाणा जेणेव अभिसेयमंडवे जेणेव भरहे राया तेणेव उवागच्छंति, उवागच्छिता तं महत्थं महग्धं महरिहं महारायाभिसेयं उवट्ठति ॥
२०६. तए णं तं भरहं रायाणं बत्तीसं रायसहस्सा सोभणंसि तिहि-करण-दिवसणक्खत्त-मुहत्तंसि उत्तरपोढवया-विजयंसि तेहि साभाविएहि य उत्तरवेउव्विएहि य वरकमलपइट्टाणेहिं सुरभिवरवारिपडिपुण्णेहिं 'चंदणकयचच्चाएहिं आविद्धकंठेगुणेहिं पउमुप्पलपिधाणेहिं सुकुमालकरतलपरिग्गहिएहिं अट्ठसहस्सेणं सोवण्णियाणं कलसाणं रुप्पामयाणं मणिमयाणं जाव अट्ठसहस्सेणं भोमेज्जाणं कलसाणं सव्वोदएहि सव्वमट्टियाहिं सव्वतुवरेहि सव्वपुप्फेहि सव्वगंधेहि सव्वमल्लेहिं सव्वोसहिसिद्धत्थएहिं य सव्विड्ढीए सव्वजुतीए सव्वबलेणं सव्वसमुदएणं सव्वायरेणं सव्वविभूतीए सव्वविभूसाए सव्वसंभमेणं सव्वपुप्फगंधमल्लालंकारेणं सव्वदिव्वतुडियसहसण्णिणाएणं महया इड्ढीए महया जूतीए महया बलेणं महया समुदएणं महया वरतुरियजमगसमगपडुप्पवादितरवेणं संख-पणव-पडह-भेरि-झल्लरि-खरमुहि-हुडक्क- मुरव - मुइंग- दुंदुहि- णिग्घोसनादितरवेणं महया महया रायाभिसेएणं अभिसिंचंति, अभिसेओ जहा विजयस्स, अभिसिचित्ता पत्तेयंपत्तेयं करतलपरिग्गहियं सिरसावत्त मत्थए° अंजलि कटु ताहि इट्टाहि कंताहिं पियाहि मणुण्णाहिं मणामाहिं सिवाहि धण्णाहिं मंगल्लाहिं सस्सिरीयाहिं हिययगमणिज्जाहि हिययपल्हायणिज्जाहिं वग्गूहि अणवरयं अभिणंदंता य अभिथुणंता य एवं वयासी-जय जय नंदा ! जय जय भद्दा ! जय जय नंदा ! भदं ते, अजियं जिणाहि, जियं पालयाहि, जियमज्झे वसाहि, इंदो विव देवाणं, चंदो विव ताराणं चमरो विव असुराणं, धरणो विव नागाणं, बहूइं पुव्वसयसहस्साई बहूईओ पुव्वकोडीओ बहूईओ १. जं० ३।१६२।
कानि-कानिचिद विशेषणानि भिन्नानि वर्तन्ते । २. समोहणंति (अ,क,ख,प,ब,स) ।
५. जी० ३।४४७,४४८ । . ३. जी० ३१४४५)।
६. सं पा०-पत्तेयं जाव अंजलि । ४. सं० पा०-सुरभिवरवारिपडिपुण्णेहिं जाव ७. सं० पा०- इटाहिं जहा पविसंतस्स भणिया महया। असौ पाठो जीवाजीवाभिगमात्
जाव विहराहित्तिकटु। . . . (३।४४६) वृत्तित्रयाच्च पूरितः । वृत्तित्रयेपि