Page Text
________________
तइमओ वक्वारो
४६१
अट्ठमंगलगा पुरओ अहाणपृवीए संपट्टिया ॥
२०३ जो चेव गमो विणीयं पविसमाणस्स सो चेव णिक्खममाणस्सवि' जाव' ।।
२०४. •तए णं से भरहे राया णयणमालासहस्सेहि पेच्छिज्जमाणे-पेच्छिज्जमाणे वयणमालासहस्सेहिं अभिथुव्वमाणे-अभिथुव्वमाणे हिययमालासहस्सेहिं उण्णं दिज्जमाणे-उण्णंदिज्जमाणे मणोरहमालासहस्सेहिं विच्छिप्पमाणे-विच्छिप्पमाणे कंतिरूवसोहग्गगुणेहिं पत्थिज्जमाणे-पत्थिज्जमाणे अंगुलिमालासहस्सेहिं दाइज्जमाणे-दाइज्जमाणे दाहिणहत्थेणं बहूणं णरणारीसहस्साणं अंजलिमालासहस्साई पडिच्छमाणे-पडिच्छमाणे भवणपंतिसहस्साइं समइच्छमाणे-समइच्छमाणे तंती-तल-ताल-तुडिय-गीय-वाइयरवेणं मधुरेणं मणहरेणं मंजमंजूणा घोसेणं° अप्पडिवज्झमाणे-अप्पडिवज्झमाणे विणीयं रायहाणि मज्झंमझेणं णिग्गच्छइ, णिग्गच्छित्ता जेणेव विणीयाए रायहाणीए उत्तरपुरथिमे दिसीभाए जेणेव अभिसेयमंडवे तेणेव उवागच्छइ, उवागच्छिता अभिसेयमंडवदुवारे आभिसेक्कं हत्थिरयणं ठवेइ', ठवेत्ता आभिसेक्काओ हत्थिरयणाओ पच्चोरुहइ, पच्चोरुहित्ता इत्थीरयणेणं', बत्तीसाए उडुकल्लाणियासहस्सेहिं, बत्तीसाए जणवयकल्लाणियासहस्से हिं, बत्तीसाए बत्तीसइबद्धेहिं णाडगसहस्सेहिं सद्धि संपरिवुडे अभिसेयमंडवं अणुपविसइ, अणुपविसित्ता जेणेव अभिसेयपीढे तेणेव उवागच्छइ, उवागच्छित्ता अभिसेयपीढं अणुप्पदाहिणीकरेमाणे-अणुप्पदाहिणीकरेमाणे पुरित्थिमिल्लेणं तिसोवाणपडिरूवएणं दुरुहइ, दुरुहित्ता जेणेव सीहासणे तेणेव उवागच्छइ, उवागच्छित्ता पुरत्थाभिभुहे सण्णिसण्णे ।।
२०५. ताणं तस्स भरहस्स रणो बत्तीसं रायसहस्सा जेणेव अभिसेयमंडवे तेणेव उवागच्छंति, उवागच्छित्ता' अभिसेयमंडवं अणपविसंति, अणुपविसित्ता अभिसेयपीढं अणुप्पदाहिणीकरेमाणा-अणुप्पदाहिणीक रेमाणा उत्तरिल्लेणं तिसोवाणपडिरूवएणं जेणेव भरहे राया तेणेब उवागच्छंति, उवागच्छित्ता करयल परिग्गहियं सिरसावत्तं मत्थए' अंजलि कटु भरहं रायाणं जएणं विजएणं बद्धावेंति, वद्धावेत्ता भरहस्स रण्णो णच्चासण्णे णाइदूरे सुस्सूसमाणा •णमंसमाणा अभिमुहा विणएणं पंजलियडा पज्जुवासंति ।।
२०६. तए णं तस्स भरहस्स रण्णो सेणावइरयणे 'गाहावइरयणे वड्डइरयणे पुरोहियरयणे, तिण्णि सट्टे सूयसए, अट्ठारस सेणि-प्पसेणीओ, अण्णे य बहवे राईसर-तलवरमाडंबिय-कोडुबिय-इव्भ से ट्ठि-सेणावइ-सत्थवाहप्पभिइओ जेणेव अभिसेयमंडवे तेणेव उवागच्छंति, उवागच्छित्ता अभिसेयमंडवं अणुपविसंति, अणुपविसित्ता अभिसेयपीढं अणुप्पदाहिणीकरेमाणा-अणुप्पदाहिणीकरेमाणा' दाहिणिल्लेणं तिसोवाणपडिरूवएणं" १. सं० पा०-णिक्खममाणस्सवि जाव अप्पडि- ७. सं० पा०-सुस्मसमाणा जाव पज्जुवासंति। वुज्झमाणे।
८. सं० पा० ----सेणावइरयणे जाव सत्थवाह । २. जं० ३१८३-१८५।
६. सं० पा०-पभिइओ तेवि तह चेव णवरं ३ ठावेइ (त्रि,प)।
दाहिणिल्लेणं। ४. थीरयणं (अ,ब)।
१०. सं० पा०-तिसोवाणपडिरूवएणं जाव पज्जू५. उवागच्छित्ता जाव (अ,क,ख,त्रि,ब,स) ।
वासंति। ६. सं० पा०-करयल जाव अंजलि ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |