Page Text
________________
४६०
जंबुद्दीवपण्णत्ती दोच्चंपि वेउब्विय समुग्घाएणं° समोहणंति', समोहणित्ता बहुसमरमणिज्जं भूमिभागं विउव्वंति, से जहाणामए आलिंगपुक्खरेइ वा जाव' णाणाविधपंचवण्णेहिं तणेहि य मणीहि य उवसोभिए॥
१६३. तस्स णं बहुसमरमणिज्जस्स भूमिभागस्स बहुमज्झदेसभाए, एत्थ णं महं एगं अभिसेयमंडवं विउव्वं ति-अणेगखभसयसण्णिविठं जाव' गंधवट्टिभूयं पेच्छाघरमंडववण्णगो॥
१६४. तस्स णं अभिसेयमंडवस्स बहुमज्झदेसभाए, एत्थ णं महं एगं अभिसेयपीढं विउव्वंति-अच्छं सण्डं ॥
१६५. तस्स णं अभिसेयपीढस्स तिदिसिं तओ तिसोवाणपडिरूवए विउव्वंति । तेसि णं तिसोवाणपडिरूवगाणं अयमेयारूवे वण्णावासे पण्णत्ते जाव तोरणा ॥
१६६. तस्स णं अभिसेयपीढस्स बहुसमरमणिज्जे भूमिभागे पण्णत्ते ॥
१६७. तस्स णं बहुसमरमणिज्जस्स भूमिभागस्स बहुमज्झदेसभाए, एत्थ णं महं एगं सीहासणं विउव्वंति, तस्स णं सीहासणस्स अयमेयारूवे वण्णावासे पण्णत्ते जाव' दामवण्णगं समत्तं ॥
१६८. 'तए ण" ते देवा अभिसेयमंडवं विउव्वंति, विउव्वित्ता जेणेव भरहे राया" तेणेव उवागच्छंति, उवागच्छित्ता तमाणत्तियं पच्चप्पिणंति ॥
१६६. तए णं से भरहे राया आभिओग्गाणं" देवाणं अंतिए" एयमठे सोच्चा णिसम्म हत?"- चित्तमाणंदिए नंदिए पीइमणे परमसोमणस्सिए हरिसवसविसप्पमाणहियए° पोसहसालाओ पडिणिक्खमइ, पडिणिक्खमित्ता कोडंबियपुरिसे सद्दावेइ, सद्दावेत्ता एवं वयासी-खिप्पामेव भो देवाणुप्पिया ! आभिसेक्कं हत्थिरयणं पडिकप्पेह, पडिकप्पेत्ता हय-गय" 'रह-पवरजोहक लियं चाउरंगिणि सेण्णं सण्णाहेह', सण्णाहेत्ता एयमाणत्तियं पच्चप्पिणह ॥
२००. 'तए णं ते कोडुंबियपुरिसा' जाव पच्चप्पिणंति ।।
२०१. तए णं से भरहे राया मज्जणघरं अणुपविसइ जाव' अंजणगिरिकूडसण्णिभं गयवई णरवई दुरुढे ॥
२०२. तए णं तस्स भरहस्स रण्णो आभिसेक्कं हत्थिरयाणं दुरुढस्स समाणस्स इमे १. सं० पा०-वेउव्विय जाव समोहण्णंति । ६. एएणं (अ,त्रि,ब,हीवृ); एवं णं (हीवृपा)। २. समोहणति (क,ख,त्रि,प,स) ।
१०. सं० पा०-राया जाव पच्चप्पिणंति । ३. जी० ३।२७७।
११. अभिओग्गाणं (अ,ब)। ४. पूर्णपाठावलोकनार्थद्रष्टव्यं जं० २१७ । १२. अंतियं (क,ख)। ५. राय० सू० ३२।
१३. सं० पा०-हट्टतुट्ठ जाव पोसहसालाओ। ६. अभिसेयपेढं (अ,ब); अभिसेयपीढं (ख) प्रायः १४. सं० पा०---हयगय जाव सण्णाहेत्ता। सर्वत्र।
१५. सं० पा०-पच्चप्पिणह जाव पच्चप्पिणंति । ७. जी० ३।२८७-२६१ ।
१६. जं० ३।१७। ८. जी. ३१३११-३१३ ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |