Page Text
________________
तइओ वक्खारी
४५७
विव असुराणं, धरणो विव नागाणं, बहूई पुव्वसयसहस्साई बहूईओ पुव्वकोडीओ बहूईओ पुव्वकोडाकोडीओ विणीयाए रायहाणीए चुल्ल हिमवंतगिरिसागरमेरागस्स य केवल कप्पस्स भरहस्स वासस्स गामागर-णगर-खेड-कब्बड-मडंब-दोणमुह-पट्टणासम-सण्णिवेसेसु सम्म पयापालणोवज्जियलद्धजसे महया "हयणट्ट-गीय-वाइय-तंती-तल-ताल-तुडिय-घण-मुइंगपडुप्पवाइयरवेणं विउलाइं भोगभोगाइं भुजमाणे आहोवच्चं पोरेवच्चं सामित्तं भट्टित्तं महत्तरगत्तं आणा-ईसर-सेणावच्चं कारेमाणे पालेमाणे° विहराहित्तिकटु जयजयसई पउंजंति ।।
१८६. तए णं से भरहे राया णयणमालासहस्सेहिं पेच्छिज्जमाणे-पेच्छिज्जमाणे वयणमालासहस्सेहिं अभिथुव्वमाणे-अभिथव्वमाणे हिययमालासहस्सेहिं उण्णंदिज्जमाणेउण्णं दिज्जमाणे मणोरहमालासहस्सेहिं विच्छिप्पमाणे-विच्छिप्पमाणे कंतिरूवसोहग्गगुणेहि पत्थिज्जमाणे-पत्थिज्जमाणे अंगुलिमालासहस्सेहिं दाइज्जमाणे-दाइज्जमाणे दाहिणहत्थेणं बहणं णरणारीसहस्साणं अंजलिमालासहस्साई पडिच्छमाणे-पडिच्छमाणे भवणपंतिसहस्साई समइच्छमाणे -समइच्छमाणे तंती-तल-ताल-तुडिय-गीय-वाइयरवेणं मधुरेणं मणहरेणं मंजुमंजुणा घोसेणं अपडिवुज्झमाणे"-अपडिवुज्झमाणे जेणेव सए गिहे जेणेव सए भवणवरवडेंसयदुवारे तेणेव उवागच्छइ', भवणवरवंडेंसयदुवारे आभिसेक्कं हत्थिरयणं ठवेइ, ठवेत्ता आभिसेक्काओं हत्थिरयणाओ पच्चोरुहइ, पच्चोरुहित्ता सोलस देवसहस्से सक्कारेइ सम्माणेइ, सक्कारेत्ता सम्माणेत्ता बत्तीसं रायसहस्से सक्कारेइ सम्माणेइ, सक्कारेत्ता सम्माणेत्ता सेणावइरयणं सक्कारेइ सम्माणेइ, सक्कारेत्ता सम्माणेत्ता एवं गाहावइरयणं वड्डइरयणं पूरोहियरयणं सक्कारेइ सम्माणेइ, सक्कारेत्ता सम्माणेत्ता तिण्णि सठे सूयसए सक्कारेइ सम्माणेइ, सक्कारेत्ता सम्माणेत्ता अट्ठारस सेणि-प्पसेणीओ सक्कारेइ सम्माणेइ, सक्कारेत्ता सम्माणेत्ता अण्णे वि बहवे राईसर- तलवर-माडंबिय-कोडुबिय-इन्भ-सेट्ठि-सेणावइसत्थवाहप्पभितओ सक्कारेइ सम्माणेइ, सक्कारेत्ता सम्माणेत्ता पडिविसज्जेइ, इत्थीरयणणं, बत्तीसाए उडुकल्लाणियासहस्सेहि, बत्तीसाए जणवयकल्लाणियासहस्सेहिं, बत्तीसाए बत्तीस इबद्धेहि णाडयसहस्सेहिं सद्धि सपरिवुडे भवणवरवडेसगं अईइ जहा कुबेरो व्व
१. सं० पा०-महया जाव आहेवच्चं पोरेवच्चं
जाव विहराहित्ति कटु । अस्य पाठस्य पूर्ति: शान्तिचन्द्रीयवृत्तेराधारेण कृतास्ति । औप- पातिके (सू ६८) पाठस्य भिन्नः क्रमोस्ति, तस्य सूचना हीरविजयसुरिणापि कृता- यद्यप्यौपातिकादिषु 'महतायणट्टगीयवाइय- तती' त्यादिसूत्ररचना आहेबच्च' मित्यादि सूत्ररचनातः पश्चादेव दृश्यते, अत्र तु प्रथम- तया तथापि सूत्रकाराणां विचित्रागतिरतो न सम्मोहो न वान्यथाकरणम् ।
२. अभिणंदिज्जमाणे (जं० २।६४) । ३. कतिसोहग्गगुणेहिं (जं० २०६४) । ४. समईमाणे (अ,ब); समइक्कममाणे (त्रि)। ५. अपरिबुज्झमाणे (अ,क,ख,व); क्वचित्
आपुच्छमाणे, क्वचित् पडिबुज्झमाणे (हीव)। ६. उवागच्छित्ता (पुवृ)। ७. अभिसेक्काओ (त्रि) । ८. देवसहस्सा (अ,क,ख,त्रि,ब,स)। ६. सं० पा०—राईसर जाव सत्थवाह । १०. °प्पभिइयो (क,ख,स)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |