Page Text
________________
जंबुद्दीवपण्णत्ती
१४७. तीसे णं भंते ! समाए भरहस्स वासस्स केरिसए आगारभावपडोयारे भविस्सइ ? गोयमा ! बहुसमरमणिज्जे भूमिभागे भविस्सइ, से जहाणामए आलिंगपुक्खरेइ बा जाव' णाणाविहपंचवण्णेहिं मणीहि तणेहि य उवसोभिए, तं जहा-कित्तिमेहिं चेव अकित्तिमेहि चेव ।।
१४८. तीसे णं भंते ! समाए मणुयाणं केरिसए आगारभावपडोयारे भविस्सइ ? गोयमा ! तेसि णं मणुयाणं छविहे संघयणे, छव्विहे संठाणे, बहूईओ रयणीओ उड्ढं उच्चतेणं, जहण्णेणं अंतोमुहत्तं उक्कोसेणं साइरेगं वाससयं आउयं पालेहिति, पालेत्ता अप्पेगइया णिरयगामी', 'अप्पेगइया तिरियगामी, अप्पेगइया मणुयगामी, अप्पगइया देवगामी, ण सिज्झंति॥
१४६. तोसे णं समाए एक्कवीसाए वाससहस्सेहिं काले वीइक्कते अणंतेहिं वण्णपज्जवेहि अणंतेहिं गंधपज्जवेहिं अणंतेहिं रसपज्जवेहि अणंतेहिं फासपज्जवेहि अणंतेहि संघयणपज्जवेहिं अणतेहिं संठाणपज्जवेहिं अणंतेहिं उच्चत्तपज्जवेहिं अणंतेहिं आउपज्जवेहिं अणंतेहिं गरुयलहुयपज्जवेहिं अणतेहिं अगरुयल हुयपज्जवेहिं अणंतेहिं उढाणकम्म-बल-वीरिय-पुरिसक्कार-परक्कमपज्जवेहिं अणंतगुणपरिवड्डीए° परिवड्ढेमाणे-परिवडढमाणं, एत्थ ण दुसमसूसमाणाम समा काले पांडवज्जिस्सइसमणाउसो ! ||
१५०. तीसे णं भंते ! समाए भरहस्स वासस्स केरिसए आगारभावपडोयारे भविस्सइ ? गोयमा ! बहुसमरमणिज्जे भूमिभागे भविस्सइ, से जहाणामए आलिंगपुक्खरेइ वा जाव णाणाविहपंचवण्णेहिं मणीहिं तणेहि य उवसोभिए, तं जहा-कित्तिमेहिं चेव अकित्तिमेहिं चेव ।।
१५१. तेसि णं भंते ! मणुयाणं केरिसए आगारभावपडोयारे भविस्सइ ? गोयमा ! तेसि णं मणुयाणं छविहे संघयणे, छविहे संठाणे, बहूई धणूई उड्ढं उच्चत्तेणं, जहण्णेणं अंतोमुहत्तं, उक्कोसेणं पुव्वकोडि' आउयं पाले हिंति, पालेत्ता अप्पेगइया णिरयगामी', •अप्पेगडया तिरियगामी. अप्पेगइया मणयगामी, अप्पेगइया देवगामी, अप्पेगइया सिज्जिहिंति बुज्झिहिंति मुच्चि हिंति परिणिवाहिंति सव्वदुक्खाणं अंतं करेहिति ॥
१५२. तीसे णं समाए तओ वंसा समुप्पज्जिस्संति, तं जहा-तित्थगरवंसे चक्कवट्टिवंसे दसारवंसे ॥
१५३. तीसे णं समाए तेवीसं तित्थगरा, एक्कारस चक्कवट्टी, णव बलदेवा, णव वासुदेवा समुप्पज्जिस्संति ॥
१५४. तीसे णं समाए सागरोवमकोडाकोडीए बायलीसाए वाससहस्सेहिं ऊणियाए
१. जी० ३।२७७ । २. सं० पा०--णिरयगामी जाव अप्पेगइया। ३. नवरं 'न सिझति' ति द्वितीयारकवत्तिनो मनुजा न सिध्यन्ति' वर्तमान प्रयोगोपि भवि- ष्यत्तयाऽवसातव्यः, तेन न सेत्स्यन्ति सफल- कर्मक्षयलक्षणां सिद्धि न प्राप्स्यन्तीत्यर्थः
(हीवृ)। ४. सं० पा०-वण्णपज्जवेहिं जाव परिवडढेमाणे । ५. धण्याइं (अ, त्रि, ब)। ६. पुवकोडी (प)। ७. सं० पा०---णिरयगामी जाव अंतं।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |