Page Text
________________
३८४
जंबुद्दीवपण्णत्ती ५५. सा णं समा तिहा विभज्जइ'-पढमे तिभाए, मज्झिमे तिभाए, पच्छिमे तिभाए॥
५६. जंबुद्दीवे णं भंते ! दीवे इमीसे ओसप्पिणीए सुसमदुस्समाए समाए पढममज्झिमेसु तिभाएसु भरहस्स वासस्स केरिसए आगारभावपडोयारे होत्था ? गोयमा ! बहुसमरमणिज्जे भूमिभागे होत्था, सो चेव गमो णेयव्वो', णाणत्तं-दो धणुसहस्साइं उड्ढं उच्चत्तेणं, तेसिं च मणुयाणं चउसढि पिट्टिकरंडुगा, चउत्थभत्तस्स आहारत्थे समुप्पज्जइ, ठिई पलिओवम, एगुणासीइं राइंदियाइं सारक्खंति संगोवेंति जाव देवलोगपरिग्गहिया णं ते मणुया पण्णत्ता समणाउसो ! ॥
५७. तीसे णं भंते ! समाए पच्छिमे तिभाए भरहस्स वासस्स केरिसए आगारभावपडोयारे होत्था ? गोयमा ! बहुसमरमणिज्जे भूमिभागे होत्था, से जहाणामए आलिंगपुक्खरे इ वा जाव' णाणाविह पंचवण्णेहिं मणीहिं तणेहि य उवसोभिए, तं जहाकित्तिमेहिं चेव अकित्तिमेहि चेव ।।।
५८. तीसे णं भंते ! समाए पच्छिमे तिभागे भरहे वासे मणुयाणं केरिसए आगारभावपडोयारे होत्था ? गोयमा ! तेसिं मणयाणं छविहे संघयणे, छविहे संठाणे, बहूणि धणुसयाणि उद्धं उच्चत्तेणं, जहण्णेणं संखेज्जाणि वासाणि, उक्कोसेणं असंखेज्जाणि वासाणि आउयं पालेति, पालेत्ता अप्पेगइया णिरयगामी, अप्पेगइया तिरियगामी, अप्पेगइया मणुस्सगामी, अप्पेगइया देवगामी, अप्पेगइया सिझंति 'बुझंति मुच्चंति परिणिव्वंति सव्वदुक्खाणमंत करेंति ।।
५६. तीसे णं समाए पच्छिमे तिभाए पलिओवमट्ठभागावसेसे, एत्थ णं इमे पण्णरस कुलगरा समुप्पज्जित्था, तं जहा–सम्मुती पडिस्सुई सीमंकरे सीमंधरे खेमंकरे खेमंधरे विमलवाहणे चक्खुमं जसमं अभिचंदे चंदाभे पसेणई मरुदेवे णाभी उसभे त्ति ॥
६०. तत्थ णं सम्मुति-पडिस्सुइ-सीमंकर-सीमंधर-खेमंकराणं-- एतेसिं पंचण्हं कुलगराणं हक्कारे णाम दण्डणीई होत्था । ते णं मणुया हक्कारेणं दंडेणं हया समाणा लज्जिया विलिया वेड्डा" भीया तुसिणीया विणओणया चिट्ठति ।।
६१. तत्थ णं खेमंधर-विमलवाहण-चक्खुम-जसम-अभिचंदाणं-एतेसि णं पंचण्हं कुलगराणं मक्कारे णामं दंडणीई होत्था । ते णं मणुया मक्कारेणं दंडेणं हया समाणा लज्जिया विलिया वेड्डा भोया तुसिणीया बिणओणया चिठ्ठति ।।
६२. तत्थ णं चंदाभ-पसेणइ-मरुदेव-णाभि-उसभाणं-एतेसि णं पंचण्हं कुलगराणं धिक्कारे णामं दंडणीई होत्था। ते णं मणुया धिक्कारेणं दंडेणं हया समाणा लज्जिया
१. भिज्जति (अ,क,ख,त्रि,ब,स)। २. पुच्छा (अ,क,ख,त्रि,प,ब)। ३. जं२७-५० । ४. मणुयगणा (अ,क,ख,त्रि,ब,स)। ५. एतादृशे सूत्रसंरचने क्वचिदेव 'भंते' इति पदं
आदर्शषु लभ्यते ।
६. जी० ३।२७७। ७. ते मनुजा इत्यध्याहार्यम् (हीव) । ८. सं० पा०-सिझंति जाव सव्वदुक्खाणमंतं । ६. सुमती (त्रि,प,स,शावृ,हीवृ,पुवृपा)। १०. सुमति (त्रि,प)। ११. वड्डा (ख)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |