Page Text
________________
३६२
जंबुद्दीपण्णत्ती
१७. जंबुद्दीवस्स णं भंते ! दीवस्स दारस्स य दारस्सय केवइए अबाहाए अंतरे पण्णत्ते ? गोयमा ! अउणासीइं जोयणसहस्साइं बावण्णं च जोयणाई देसूणं च अद्धजोयणं दारस य दारस्स य अबाहाए अंतरे पण्णत्ते |
संग्रहणीगाहा -
अणासी सहस्सा, बावण्णं चेव जोयणा हुंति । ऊणं च अद्धजोयण, दारंतर जंबुद्दीवस्स ॥१॥ १८. कहि णं भंते ! जंबुद्दीवे दीवे भरहे णामं वासे पण्णत्ते ? गोयमा ! चुल्लहिमवंतस्स वासहरपव्वयस्स दाहिणेणं, दाहिणलवणसमुद्दस्स उत्तरेणं, पुरत्थि मलवणसमुदस्स पच्चत्थिमेणं, पच्चत्थिमलवणसमुद्दस्स पुरत्थिमेणं, एत्थ णं जंबुद्दीवे दीवे भरहे णामं वासे पण्णत्ते - खाणुवहुले कंटकबहुले विसमबहुले दुग्गबहुले पव्वयबहुले पवायबहुले उज्झरबहुले णिज्झर बहुले खड्डाबहुले' दरिबहुले णदीवहुले दहबहुले रुक्खबहुले गुच्छबहुले गुम्मबहुले याहुले वल्लीबहुले अडवीबहुले सावयबहुले तेणबहुले तक्करबहुले डिबबहुले डमरबहुले हुक्काहुले पासंडबहुले किवणबहुले वणीमगबहुले ईतिबहुले मारिबहुले कुट्टबहुले अणावुट्टिबहुले रायवहुले रोगबहुले संकिलेसवहुले अभिक्खणं अभिक्खणं संखोहबहुले पादीणपडीणायए उदीणदाहिणविच्छिणे उत्तरओ पलियंकसंठाणसंठिए दाहिणओ धणुपट्टसंट्ठिए तिधा लवणसमुद्द' पुट्ठे गंगासिंधूहिं महाणईहिं' वेयड्ढेण य पव्वण छन् भागपविभत्ते जंबुद्दीवदीवणउयसयभागे पंचछव्वी से जोयणसए छच्च एगूणवीसभाए जोयणस्स विक्खभेणं ॥
१६ भरहस्य णं वासस्स बहुमज्झदेसभाए, एत्थ णं वेयड्ढे णामं पव्वए' जेणं भरहं वासं दुहा विभयमाणे - विभयमाणे चिट्ठई, तं जहा - दाहिणड्डूभरहं च उत्तरड्डभरहं च ॥
२०. कहि णं भंते ! जंबुद्दीवे दीवे दाहिणद्धे भरहे णामं वासे पण्णत्ते ? गोयमा ! वेस्स व्वयस्स दाहिणेणं, दाहिणलवणसमुद्दस्स उत्तरेणं, पुरत्थिमलवणसमुहस्स पच्चत्थिमेणं, पच्चत्थिमलवणसमुदस्स पुरत्थिमेणं, एत्थ णं जंबुद्दीवे दीवे दाहिणभर हे णामं वासे पण्णत्ते-पाईणपडीणायए उदीणदाहिणविच्छिणे अद्धचंदसंठाणसंठिए तिहा लवणसमुद्द पुट्ठे, गंगा सिंधू हि महाणईहि तिभागपविभत्ते दोण्णि अट्ठती से जोयणसए तिणिय एगूणवीसइभागे जोयणस्स विक्खंभेणं । तस्स जीवा उत्तरेणं पाईणपडीणायया दुहा लवणसमुद्द पुट्ठा --- पुरथिमिल्लाए कोडीए पुरत्थिमिल्लं लवणसमुद्दं पुट्ठा, पच्चत्थिमिल्लाए कोडीए पच्चत्थिमिल्लं लवणसमुद्दं पुट्ठा, णव जोयणसहस्साइं सत्त य अडयाले जोयणसए दुवालस य एगूणवीसभाए जोयणस्स आयामेणं, तीसे धणुपट्ठे दाहिणेणं णव जोयणसहस्साई
१. गड्डबहुले (क, ख ) ; खड्डाबहुले गहुबहुले (त्रि ) । २. लवणं (अत्रि, ब)
३. X ( अ, ब ) ।
४.
ओतसयभागे ( अ, क, ब ) ।
५. पव्व पण्णत्ते ( क,ख, त्रि,प,स,पुवृ, शावृ, ही वृ);
Jain Education International
एतत्पदं ताडपत्रीयादर्शयोर्नास्ति, अर्वाचीनादर्शेषु वर्तते अतएव वृत्तित्रयेपि व्याख्यातोस्ति, अग्रे 'यत्' पदस्य प्रयोगोस्ति तेन नापेक्षितोप्यस्ति ।
६. भारहं (क,ख,स) ।
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |