Page Text
________________
३१२
पण्णवणासुत्तं १६. जाइं भंते ! आणुपुव्वि आहारेंति, ताई किं तिदिसि आहारेंति जाव छद्दिसिं आहारेंति ? गोयमा ! ° णियमा छद्दिसिं आहारेति ॥
२०. ओसण्णकारणं पडुच्च वण्णओ काल-नीलाई गंधओ दुब्भिगंधाइं रसतो तित्तरसकड्याइं फासओ कक्खड-गरुय-सीय-लुक्खाइं, तेसिं पोराणे वण्णगुणे गंधगुणे रसगुणे फासगुणे विप्परिणामइत्ता परिपीलइत्ता परिसाडइत्ता परिविद्धंसइत्ता अण्णे अपुव्वे वण्णगुणे गंधगुणे रसगुणे फासगुणे उप्पाएत्ता आयसरीरखेत्तोगाढे पोग्गले सव्वप्पणयाए आहारमाहरेंति॥
२१. णेरइया णं भंते ! सव्वतो आहारेंति सव्वतो परिणामें ति सव्वओ ऊससंति सव्वओ णीससंति, अभिक्खणं आहारति अभिक्खणं परिणामें ति अभिक्खणं ऊससंति अभिक्खणं णीससंति, आहच्च आहारेंति आहच्च परिणामेंति आहच्च ऊससंति आहच्च णीससंति ? हंता गोयमा ! णेरइया सव्वतो आहारेंति एवं तं' चेव जाव आहच्च णीससंति ॥
२२. णेरइया णं भंते ! जे पोग्गले आहारत्ताए गेण्हंति ते णं तेसिं पोग्गलाणं सेयालंसि कतिभागं आहारेंति ? कतिभागं आसाएंति ? गोयमा! असंखेज्जतिभागं आहारेंति, अणंतभागं अस्साएंति ।।
२३. णेरइया णं भंते ! जे पोग्गले आहारत्ताए गेण्हंति ते किं सव्वे आहारेंति णो सव्वे आहारेति ? गोयमा ! ते सव्वे अपरिसेसिए आहारेति ॥
२४. णेरइया णं भंते ! जे पोग्गले आहारत्ताए गेहंति ते णं तेसिं पोग्गला कीसत्ताए भुज्जो-भुज्जो परिणमंति ? गोयमा ! सोइंदियत्ताए जाव फासिदियत्ताए अणिद्वत्ताए अकंतत्ताए अप्पियत्ताए असुभत्ताए अमणुण्णत्ताए अमणामत्ताए अणिच्छियत्ताए अभिज्झियत्ताए अहत्ताए –णो उड्डत्ताए दुक्खत्ताए-णो सुहत्ताए ‘ते तेसि", भुज्जो-भुज्जो परिणमंति ॥ भवणवासीसु आहारद्विआइसत्तग-पदं
२५. असुरकुमारा णं भंते ! आहारट्ठी ? हंता ! आहारट्ठी। एवं जहा णेरइयाणं तहा असुरकुमाराण वि भाणियव्वं जाव ते तेसिं भुज्जो-भुज्जो परिणमंति । तत्थ णं जेसे आभोगणिव्वत्तिए से णं जहण्णेणं चउत्थभत्तस्स, उक्कोसेणं सातिरेगस्स वाससहस्सस्स आहारठे समुप्पज्जति ॥
२६. ओसण्णकारणं पडुच्च वण्णओ हालिद्द-सुक्किलाइं गंधओ सुब्भिगंधाइं रसओ अंबिल-महुराई फासओ म उय-लहुअ-णिझुण्हाइं, तेसि पोराणे वण्णगुणे जाव फासिंदियत्ताए जाव मणामत्ताए इच्छियत्ताए अभिज्झियत्ताए उड्डत्ताए–णो अहत्ताए सुहत्ताए-णो दुहत्ताए ते तेसि भुज्जो-भुज्जो परिणमंति । सेसं जहा णेरइयाणं ॥
२७. एवं जाव थगियकुमाराणं, णवरं-आमोगणिव्वत्तिए उक्कोसेणं दिवसपुहत्तस्स आहारट्टे समुप्पज्जति ॥
१. आहारगमाहारेंति (क,घ)। २. ते (क); ४ (ख,ग,घ)।
३. एतेसिं (क,ख,ग,घ)। ४. प० २८१४-२४ ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |