Page Text
________________
agarati आहारपर्यं
पंचवण्णाई पि आहारेंति, विहाणमग्गणं पडुच्च कालवण्णाई पि आहारेंति जाव सुक्किलाई पि आहारेंति ॥
७. जाई वण्णओ कालवण्णाई आहारेंति ताइं कि एगगुणकालाई आहारेंति जाव दसगुणकालाई आहारेंति ? संखेज्जगुणकालाई असंखेज्जगुणकालाई अनंतगुणकालाई आहारेंति ? गोयमा ! एगगुणकालाई पि आहारेंति जाव अनंतगुणकालाई पि आहारेंति । एवं जाव सुक्किलाई पि ॥
८. एवं गंधओ वि रसतो वि ।।
६. जाई भावओ फासमंताई ताई णो एगफासाइं आहारेंति णो दुफासाई आहारेंति णो तिफासाइं आहारेंति, चउफासाई आहारेंति जाव अट्ठफासाई पि आहारेंति, विहाणमग्गणं पडुच्च कक्खडाई पि आहारेंति जाव लुक्खाई पि ॥
१०. जाई फासओ कक्खडाई आहारेति ताई कि एगगुणकक्खडाई आहारेंति जाव अनंत गुणकक्खडाई आहारेंति ? गोयमा ! एगगुणकक्खडाई पि आहारेंति जाव अतगुणक्खडाई पि आहारेंति । एवं अट्ठ वि फासा भाणियव्वा जाव अनंतगुणलुक्खाई पि आहारेंति ॥
११. जाई भंते ! अनंतगुणलुक्खाई आहारेति ताइं कि पुट्ठाई आहारेंति ? अपुट्ठाई आहारेंति ? गोयमा ! पुट्ठाई आहारेति णो अट्ठाई आहारेति ॥
१२. जाई भंते ! पुट्ठाई आहारेंति, ताई कि ओगाढाई आहारेंति ? अणोगाढाई आहारेंति ? गोयमा ! ओगाढाई आहारेंति, णो अणोगाढाई आहारेंति ॥
१३. जाई भंते ! ओगाढाई आहारेंति, ताई कि अनंतरोगाढाई आहारेंति ? परंपरोगाढाई आहारेंति ? गोयमा ! अनंतरोगाढाई आहारेंति, णो परंपरोगाढाई आहारेंति ॥
१४. जाई भंते ! अणंतरोगाढाई आहारेंति, ताइं कि अणूई आहारेंति ? बादराई आहारेंति ? गोयमा ! अणूई पि आहारेंति, बादराई पि आहारेंति ।
१५. जाई भंते! अणूइं पि आहारेंति, वादराई पि आहारेंति, ताई कि उड्ढ आहात ? अहे आहारेंति ? तिरियं आहारेंति ? गोयमा ! उड्ढ पि आहारेंति, अहे वि आहारेंति, तिरियं पि आहारेंति ।।
१६. जाई भंते ! उड्ढं पि आहारेंति, अहे वि आहारेंति, तिरियं पि आहारेंति, ताई कि आदि आहारैति ? मज्झे आहारेंति ? पज्जवसाणे आहारेंति ? गोयमा ! आदि पि आहारेंति, मज्झे वि आहारेंति पज्जवसाणे वि आहारेंति ॥
१७. जाई भंते! आदि पि आहारेंति, मज्झे वि आहारेंति, पज्जवसाणे वि आहारेंति, ताइं कि सविसए आहारेंति ? अविसए आहारेंति ? गोयमा ! सविसए आहारेंति, णो अविसए आहारेंति ||
३११
१८. जाई भंते ! सविसए आहारेंति, ताई किं आणुपुव्वि आहारेंति ? अणाणुपुव्वि आहारेंति ? गोयमा ! आणुपुव्वि आहारेंति, णो अणाणुपुव्वि आहारेति ॥
१. सं० पा० -- जहा भासुद्देसए जाव णियमा ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |