Page Text
________________
अट्ठावीसइमं आहारपयं
११३
एगिदिएसु आहारद्विआइसत्तग-पदं
२८. पुढविकाइया णं भंते ! आहारट्ठी ? हंता ! आहारट्ठी ॥
२६. पुढविक्काइयाणं भंते ! केवतिकालस्स आहारट्टे समुप्पज्जति ? गोयमा ! अणसमयं अविरहिए आहारट्ठे समुप्पज्जति ।।।
३०. पूढविक्काइया णं भंते ! किमाहारमाहारेंति एवं जहा णेरइयाणं जाव'
३१. ताई भंते ! कति दिसि आहारेंति ? गोयमा ! णिव्वाघाएणं छद्दिसि, वाघायं पडुच्च सिय तिदिसि सिय चउदिसि सिय पंचदिसिं, णवरं
३२. ओसण्णकारणं ण भवति, वण्ण्णतो काल-णील-लोहिय-हालिद्द-सुक्किलाई, गंधओ सब्भिगंध-दब्भिगंधाई, रसओ तित्त-कडय-कसाय-अंबिल-महराइं, फासतो कक्खडमउय-गरुय-लहुय-सीय-उसिण-णिद्ध-लुक्खाइं, तेसिं पोराणे वण्णगुणे 'गंधगुणे रसगुणे फासगुणे विप्परिणामइत्ता परिपीलइत्ता परिसाडइत्ता परिविद्धंसइत्ता अण्णे अपुग्वे वण्णगुणे गंधगुणे रसगुणे फासगुणे उप्पाएत्ता आयसरीरखेत्तोगाढे पोग्गले सव्वप्पणयाए आहारमाहारेति ॥
३३. पुढविक्काइयाणं भंते ! सव्वतो आहारेंति सव्वतो परिणामें ति सव्वतो ऊससंति सव्वतो णीससंति, अभिक्खणं आहारेंति अभिक्खणं परिणामें ति अभिक्खणं ऊससंति अभिक्खणं णीससंति, आहच्च आहारेंति आहच्च परिणामेंति आहच्च ऊससंति आहच्च णीससंति ? हंता गोयमा ! पुढविक्काइया सव्वतो आहारेंति एवं तं चेव जाव' आहच्च णीससंति ॥
३४. पुढविक्काइया णं भंते ! जे पोग्गले आहारत्ताए गेण्हंति तेसिं णं भंते ! पोग्गलाणं सेयालंसि कतिभागं आहारेंति ? कतिभागं आसाएंति ? गोयमा ! असंखेज्जतिभागं आहारेंति, अणंतभागं आसाएंति ॥
३५. पुढविक्काइया णं भंते ! जे पुग्गले आहारत्ताए गेहंति ते किं सव्वे आहारेंति ? णो सव्वे आहारेंति ?" गोयमा ! ते सव्वे अपरिसेसिए आहारेति ॥
३६.पढविक्काइया णं भंते ! जे पोग्गले आहारत्ताए गेण्हति ते णं तेसिं पोग्गला कीसत्ताए भुज्जो-भुज्जो परिणमंति ? गोयमा ! फासेंदियवेमायत्ताए भुज्जो-भुज्जो परिणमंति । एवं जाव वणप्फइकाइयाणं ।। विलिदिएसु आहारटिआइसत्तग-पदं
३७. बेइंदिया णं भंते ! आहारट्ठी ? हंता गोयमा ! आहारट्ठी ॥
३८. बेइंदिया णं भंते ! केवतिकालस्स आहारट्टे समुप्पज्जति ? जहाणेरइयाणं, णवरं-तत्थ णं जेसे आभोगणिव्वत्तिए से णं असंखेज्जसमइए' अंतोमुहुत्तिए वेमायाए आहारट्ठे समुप्पज्जति । सेसं जहा पुढविक्काइयाणं जाव' आहच्च णीससंति, णवरंणियमा छद्दिसि ॥
१. प० २८१५-१६ । २. सं०पा०-सेसं जहा नेरइयाणं जाव आहच्च। ३. सं०पा०-जहेव नेरइया तहेव ।
४.५० २८।४। ५. असंखेज्जतिसमतिए (क,घ)। ६. प० २८।३०-३३ ।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |