Page Text
________________
तेवीसइमं कम्मपगडिपयं
२९६
१५३. जसोकित्ति-उच्चागोयाणं जहणणं सागरोवमस्स एगं सत्तभागं पलिओवमस्स असंखेज्जइभागेणं ऊणयं, उक्कोसेणं तं चेव पडिपुण्णं बंधंति ।।
१५४. अंतराइयस्स णं भंते ! पुच्छा । गोयमा ! जहा' णाणावरणिज्जस्स जाव उक्कोसेणं ते चेव पडिपुण्णे बंधति ।। बेइंदिएसु कम्मपयडीणं ठिइबंध-पदं
१५५. बेइंदिया णं भंते ! जीवा णाणावरणिज्जस्स कम्मस्स किं बंधंति ? गोयमा ! जहण्णणं साग रोवमपणुवीसाए तिण्णि सत्तभागा पलिओवमस्स असंखेज्जइभागेणं ऊणया, उक्कोसेणं ते चेव पडिपुण्णे बंधंति । एवं णिहापंचगस्स वि ॥
१५६. एवं जहा एगिदियाणं भणियं तहा बेइंदियाण वि भाणियव्वं, णवरं-सागरोवमपणुवीसाए' सह भाणियव्वा पलिओवमस्स असंखेज्जइभागेणं ऊणा, सेसं तं चेव, जत्थ एगिदिया ण बंधति तत्थ एते वि ण बंधंति ॥
१५७ बेइंदिया णं भंते ! जीवा मिच्छत्तवेयणिज्जस्स किं बंधंति ? गोयमा ! जहण्णणं सागरोवमपणुवीसं पलिओवमस्स असंखिज्जइभागेणं ऊणयं, उक्कोसेणं तं चेव पडिपुण्णं बंधंति ॥
१५८. तिरिक्खजोणियाउअस्स जहण्णेण अंतोमुहुत्तं, उक्कोसेणं पुव्वकोडि चउहिं वासेहिं अहियं बंधंति । एवं मणयाउअस्स वि ॥
१५९. सेसं जहा एगिदियाणं जाव अंतराइयस्स ।। तेइंदिएसु कम्मपयडीणं ठिइबंध-पदं
१६०. तेइंदिया णं भंते ! जीवा णाणावरणिज्जस्स किं बंधति ? गोयमा ! जहण्णणं सागरोवमपण्णासाए तिण्णि सत्तभागा पलिओवमस्स असंखेज्जइभागेणं ऊणया, उक्कोसेणं ते चेव पडिपुण्णे बंधंति । एवं जस्स जइ भागा ते तस्स सागरोवमपण्णासाए सह भाणियव्वा ॥
१६१. तेइंदिया णं भंते !जीवा मिच्छत्तवेयणिज्जस्स कम्मस्स किं बंधंति ? गोयमा ! जहण्णेणं सागरोवमपण्णासं पलिओवमस्स असंखेज्जइभागेणं ऊणयं, उक्कोसेणं तं चेव पडिपुण्णं बंधंति ॥
१६२. तिरिक्खजोणियाउअस्स जहण्णेणं अंतोमुहत्तं, उक्कोसेणं पुव्वकोडि सोलसहि राइंदिएहिं राइंदियति भागेण य अहियं बंधंति । एवं मणुस्साउयस्स वि ।
१६३. सेसं जहा बेइंदियाणं जाव अंतराइयस्स ।। चरिदिएसु कम्मपयडीणं ठिइबंध-पदं
१६४. चउरिदिया णं भंते ! जीवा णाणावरणिज्जस्स किं बधंति ? गोयमा ! जहण्णेणं सागरोवमसयस्स तिण्णि सत्तभागे पलिओवमस्स असंखेज्जइभागेणं ऊणए, उक्कोसेणं ते चेव पडिपुण्णे बंधति । एवं जस्स जइ भागा ते तस्स सागरोवमसतेण सह भाणियव्वा ॥
१६५. तिरिक्ख जोणियाउअस्स कम्मस्स जहण्णेणं अंतोमुहुत्तं, उक्कोसेणं पुवकोडिं १. प०२३।१३४।
२. °पणुवीसा (क,ख,घ)।
Jain Education International
For Private & Personal Use Only
www.jainelibrary.org
| SR No. | 003555 |
| Book Title | Uvangsuttani Part 05 |
| Original Sutra Author | N/A |
| Author | Tulsi Acharya, Mahapragna Acharya |
| Publisher | Jain Vishva Bharati |
| Publication Year | 1989 |
| Total Pages | 1178 |
| Language | Prakrit |
| Classification | Book_Devnagari, Agam, & Canon |
| File Size | 22 MB |